Aadhaar Card: എസ്എംഎസ് അയച്ച് ആധാർ കാർഡ് ലോക്ക് ചെയ്യാം, ആർക്കും ദുരുപയോഗം ചെയ്യാനാവില്ല

ന്യൂഡൽഹി: ആധാർ കാർഡ് ഉപയോക്താക്കൾക്ക് എസ്എംഎസ് വഴി അവരുടെ ആധാർ നമ്പർ ലോക്ക് ചെയ്യാനും അൺലോക്ക് ചെയ്യാനും കഴിയും. ഇത് ചെയ്താൽ ആർക്കും നിങ്ങളുടെ ആധാർ കാർഡ് ദുരുപയോഗം ചെയ്യാൻ കഴിയില്ല. ഇത് ചെയ്യാനും വളരെ എളുപ്പമാണ്. ഈ പ്രക്രിയ വീട്ടിലിരുന്ന് ഓൺലൈനായി ചെയ്യാം.

കാർഡ് ഉടമകളുടെ സ്വകാര്യതയും സുരക്ഷയും കൂടുതൽ ശക്തിപ്പെടുത്തുന്നതിനായി, നിങ്ങളുടെ ആധാർ നമ്പർ ലോക്ക് ചെയ്യാനും അൺലോക്ക് ചെയ്യാനും യുഐഡിഎഐ സൗകര്യം ആരംഭിച്ചിട്ടുണ്ട്. ആധാർ കാർഡ് നമ്പർ ലോക്ക് ചെയ്ത ശേഷം ആർക്കും ആധാർ നമ്പർ ഉപയോഗിച്ച് വെരിഫിക്കേഷൻ നടത്താനാകില്ല.

നിങ്ങൾ ഏതെങ്കിലും സ്ഥിരീകരണ പ്രക്രിയയിൽ നിങ്ങളുടെ കാർഡ് ഉപയോഗിക്കുകയും നിങ്ങളുടെ വിശദാംശങ്ങൾ ലോക്ക് ചെയ്യുകയും ചെയ്തിട്ടുണ്ടെങ്കിൽ, ഈ സാഹചര്യത്തിൽ നിങ്ങളുടെ വെർച്വൽ ഐഡി ഉപയോഗിക്കേണ്ടിവരും. ഇത് നിങ്ങളുടെ ആധാർ നമ്പർ ദുരുപയോഗം ചെയ്യുന്നത് തടയും. 

എസ്എംഎസ് സേവനത്തിലൂടെ ആധാർ നമ്പർ എങ്ങനെ ലോക്ക് ചെയ്യാം?

1. ആധാർ കാർഡ് ലോക്ക് ചെയ്യാൻ നിങ്ങൾ GETOTPLAST 4 എന്നോ അല്ലെങ്കിൽ 8 അക്ക ആധാർ നമ്പറോ എഴുതി 1947 എന്ന നമ്പറിലേക്ക് സന്ദേശം അയയ്ക്കണം.
ഇതിനുശേഷം, ലോക്കിംഗ് അഭ്യർത്ഥനയ്ക്കായി, നിങ്ങൾ  LOCKUID എന്ന് ടൈപ്പ് ചെയ്ത്  4 അല്ലെങ്കിൽ 8 അക്ക ആധാർ നമ്പറും ലഭിച്ച 6 അക്ക OTP യും ഈ നമ്പറിലേക്ക് വീണ്ടും അയയ്ക്കണം.

2. ഇതിന് ശേഷം നിങ്ങൾക്ക് സ്ഥിരീകരണ സന്ദേശം ലഭിക്കും

3. കാർഡ് ലോക്ക് ചെയ്തുകഴിഞ്ഞാൽ, നിങ്ങളുടെ ആധാർ നമ്പർ ഉപയോഗിച്ച് നിങ്ങൾക്ക് ഒരു സ്ഥിരീകരണവും നടത്താൻ കഴിയില്ല.

അൺലോക്ക് എങ്ങിനെ

4. വെർച്വൽ ഐഡി നമ്പറിന്റെ അവസാനത്തെ 6 അല്ലെങ്കിൽ 10 അക്കങ്ങൾ ഉപയോഗിച്ച് OTP  റിക്വസ്റ്റ് അയക്കാം. ഇതിനായി നിങ്ങൾ GETOTPLAST 6 അല്ലെങ്കിൽ 10 അക്ക വെർച്വൽ ഐഡി നൽകണം.

5. തുടർന്ന് അൺലോക്കിംഗ് റിക്വസ്റ്റ് അയയ്ക്കണം. ഇതിനായി നിങ്ങൾ ഈ നമ്പറിലേക്ക് UNLOCKUIDLAST 6 അല്ലെങ്കിൽ 10 അക്ക വെർച്വൽ ഐഡിയും തുടർന്ന് 6 അക്ക OTP-യും അയയ്ക്കണം.

ഇതിന് ശേഷം നിങ്ങൾക്ക് സ്ഥിരീകരണ സന്ദേശം ലഭിക്കും

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy