കൊറോണ വൈറസ് വ്യാപനത്തിനു പിന്നാലെ പ്രഖ്യാപിച്ച ലോക്ക്ഡൌണ്‍ കാരണം കടകള്‍, മാളുകള്‍, സിനിമ തീയറ്ററുകള്‍ എന്നിവ ഏറെ നാളുകളായി അടച്ചിട്ടിരിക്കുകയാണ്.
ലോക്ക് ഡൌണിനു ശേഷം തീയറ്ററുകളും മാളുകളും തുറക്കാനായി കാത്തിരിക്കുകയാണ് ആളുകള്‍. എന്നാല്‍, ലോക്ക് ഡൌണ്‍ എങ്ങനെ തീയറ്ററുകളെ ബാധിച്ചുവെന്ന് കാണിക്കുന്ന ചില ചിത്രങ്ങളും വീഡിയോകളുമാണ് ഇപ്പോള്‍ സമൂഹ മാധ്യമങ്ങളില്‍ പ്രചരിക്കുന്നത്.
മലേഷ്യയില്‍ നിന്നുള്ളതാണ് ചിത്രങ്ങള്‍. വളരെ പെട്ടെന്നാണ് ചിത്രങ്ങള്‍ സമൂഹ മാധ്യമങ്ങളില്‍ വൈറലായത്.
അവള്‍ക്ക് ആയുസ് മാസങ്ങള്‍ മാത്രം.. സുരേഷേട്ടന് സല്യൂട്ട്
സിനിമാ ഹാളുകളിലെ ഇരിപ്പിടങ്ങളില്‍ നിറയെ പൂപ്പലും ഫംഗസും നിറഞ്ഞിരിക്കുന്ന ചിത്രങ്ങളാണ്‌ ഇവ. ചിത്രങ്ങള്‍ വൈറലായതിന് പിന്നാലെ സീറ്റുകളിലെ ഫംഗലുകള്‍ നീക്കം ചെയ്യുന്ന ജീവനക്കാരുടെ ചിത്രങ്ങളും മാള്‍ പുറത്തുവിട്ടു.
എന്നാല്‍, ഇവ ഏത് സിനിമാ തീയറ്ററാണെന്ന കാര്യത്തില്‍ വ്യക്തതയില്ല. ചുവപ്പ്, പര്‍പ്പിള്‍ നിറങ്ങളിലുള്ള സീറ്റുകള്‍ ഫംഗലും പൂപ്പലും ബാധിച്ച് വെളുത്താണ് കാണാന്‍ സാധിക്കുന്നത്.
ലോക്ക്ഡൌണിന്‍റെ അനന്തരഫലങ്ങള്‍ കണ്ട പൗരന്മാര്‍ ഞെട്ടിയിരിക്കുകയാണ് എന്നതാണ് വാസ്തവം. സീറ്റുകള്‍ക്ക് പുറമേ കാര്‍പ്പറ്റുകളിലും പൂപ്പല്‍ ബാധിച്ചിരിക്കുകയാണ്.
ടൈഗര്‍ ബാം മുതല്‍ ചോക്ലേറ്റ് വരെ.. പ്രവാസികള്‍ക്കൊരു 'പേര്‍ഷ്യന്‍ പെട്ടി'!!
പൊതുജനങ്ങള്‍ക്കായി തുറന്ന് നല്‍കുന്നതിനു മുന്‍പ് ഇവയെല്ലാം വൃത്തിയാക്കേണ്ടത് അത്യാവശ്യമാണ്. അതേസമയം, സ്റ്റോറുകളിലും ഇതിനകം തന്നെ ക്ലീനിംഗ് ആരംഭിച്ചു, അതിൽ നിന്നുള്ള വീഡിയോകളും ഓൺലൈനിൽ പങ്കിട്ടു.
നേരത്തെ, പൂപ്പല്‍ ബാധിച്ച് നശിച്ച ഷൂ, ബൂട്ട് തുടങ്ങിയ പാദരക്ഷകളുടെ ചിത്രങ്ങള്‍ സമൂഹ മാധ്യമങ്ങളില്‍ വൈറലായിരുന്നു.
