Syria Civil War: രാജ്യം വിമതർ പിടിച്ചെടുത്തതോടെ ആയുധ സംഭരണ കേന്ദ്രങ്ങൾ ബോംബിട്ട് തകർത്ത്‌ ഇസ്രയേൽ

Syria Civil War Updates: അസദ് ഭരിച്ചിരുന്ന കാലം മുഴുവനും രാജ്യത്തെ ഇറാന്റെ താല്പര്യത്തിന് വിട്ടു കൊടുത്തെന്നാണ് അബു മുഹമ്മദ് ജുലാനി ആരോപിക്കുന്നത്.

ദമാസ്ക്കസ്: ആഭ്യന്തര സംഘർഷം രൂക്ഷമായി സിറിയ വിമതർ പിടിച്ചെടുത്തതോടെ സിറിയൻ സൈന്യത്തിന്റെ ആയുധ ശേഖരത്തിലേക്ക് ഇസ്രയേൽ വ്യോമാക്രമണം നടത്തിയതായി റിപ്പോർട്ട്. 

സിറിയയിലെ ആയുധ സംഭരണ കേന്ദ്രങ്ങൾ വിമതരുടെ കൈയിൽ എത്താതിരിക്കാനാണ് ഇസ്രയേൽ ബോംബിട്ട് തകർത്തഎറ്റെന്നാണ് റിപ്പോർട്ട്.  ഇതിനിടയിൽ സിറിയ വിട്ട പ്രസിഡന്റ് ബഷാർ അൽ അസദ് കുടുംബത്തോടൊപ്പം മോസ്‌കൊയിൽ എത്തിയതായി റഷ്യ സ്ഥിരീകരിച്ചു. മനുഷ്യത്വത്തിന്റെ പേരിൽ അസദിനും കുടുംബത്തിനും അഭയം നൽകിയതായാണ് റഷ്യ അറിയിച്ചിരിക്കുന്നത്. നേരത്തെ അസദ് സിറിയ വിട്ടെന്ന് റഷ്യ  സ്ഥിരീകരിച്ചിരുന്നെങ്കിലും എവിടെയാണെന്ന് വ്യക്തമാക്കിയിരുന്നില്ല. 

അസദ് ഭരിച്ചിരുന്ന കാലം മുഴുവനും രാജ്യത്തെ ഇറാന്റെ താല്പര്യത്തിന് എറിഞ്ഞു കൊടുത്തെന്നാണ് വിമത നേതാവ് അബു മുഹമ്മദ് ജുലാനി പറഞ്ഞത്.  അബു മുഹമ്മദ്‌ അൽ ജുലാനിയാണ് അസദിന്റെ ഏകാധിപത്യ ഭരണം അവസാനിപ്പിച്ച് സിറിയയിൽ ഭരണത്തിലേറുന്നത്.  അമേരിക്ക തലയ്ക്ക് 10 കോടി വിലയിട്ട കൊടുംഭീകരൻ ആയിരുന്നു ജുലാനി. ഇതിനിടയിൽ എച്ച് ടി എസിനെയും സിറിയൻ ജനതയെയും  അഭിനന്ദിച്ചു കൊണ്ട് താലിബാൻ രംഗത്തെത്തിയിരുന്നു.