മകളെ കോപ്പിയടിച്ച് ബ്രിട്ടീഷ് വംശജയായ അന്പത്തിയേഴുകാരി നേടിയത് 20,000 ഇന്സ്റ്റഗ്രാം ഫോളോവേഴ്സിനെ.
മകളായ മിഷാ ഗ്രിമെസിന്റെ ഫോട്ടോ പോസുകളും വസ്ത്രധാരണവുമൊക്കെ കോപ്പിയടിച്ചാണ് അമ്മ കഷാ ഗ്രിമെസ് ഇത്രയധികം ഫോളോവേഴ്സിനെ നേടിയത്.
NiftyAfterFifty എന്ന ഇന്സ്റ്റഗ്രാം അക്കൗണ്ടിലൂടെയാണ് കഷാ 20,000 ഫോളോവേഴ്സിനെ സ്വന്തമാക്കിയത്. ഇംഗ്ലണ്ടിലെ ഗ്ലൗസ്റ്റെര്ഷെയര് സ്വദേശിയായ കഷായുടെ മകള് മിഷയ്ക്ക് 99 മില്ല്യന് ഫോളോവേഴ്സാണ് ഇന്സ്റ്റഗ്രാമിലുള്ളത്.
ഇന്സ്റ്റഗ്രാമിന്റെ അംബാസിഡര്മാരില് നിന്നും വരുമാനം നേടിയ കഷയ്ക്ക് ലവ് ഐലാന്ഡ് വിജയിയില് നിന്നും ബ്രാന്ഡ് സണ്ഗ്ലാസ്സും ലഭിച്ചു.
കൂടാതെ, കെന്ഡല് ജെന്നര്. ആശ്ലി ഗ്രഹാം, മേഘന് ബര്ട്ടന്-ഹാന്സണ് എന്നിവര്ക്കൊപ്പം പ്രെറ്റി ലിറ്റില് തിംഗ്സ് അംബാസിഡര് കൂടിയാണ് 'മമ്മ ഗ്രിമെസ്' എന്നറിയപ്പെടുന്ന കഷാ. NiftyAfterFifty എന്ന പേരില് തന്നെ ഒരു യൂട്യൂബ് ചാനലും കഷാ നടത്തുന്നുണ്ട്.