உள்ளாட்சி தேர்தல் குறித்து 6 ஆம் தேதி, ADMK ஆலோசனைக் கூட்டம்..!

தமிழக உள்ளாட்சித் தேர்தல் குறித்து வரும் 6 ஆம் தேதி அதிமுக எம்.எல்.ஏக்கள், எம்.பிக்கள் ஆலோசனை கூட்டம்..!

Updated: Nov 3, 2019, 05:06 PM IST
உள்ளாட்சி தேர்தல் குறித்து 6 ஆம் தேதி, ADMK ஆலோசனைக் கூட்டம்..!

தமிழக உள்ளாட்சித் தேர்தல் குறித்து வரும் 6 ஆம் தேதி அதிமுக எம்.எல்.ஏக்கள், எம்.பிக்கள் ஆலோசனை கூட்டம்..!

சென்னை: தமிழகத்தில் உள்ளாட்சி தேர்தல் கடந்த 2016 முதல் 3 வருடங்களாக நடைபெறாமல் உள்ளது. இந்த நிலையில் உள்ளாட்சி தேர்தல் குறித்து அதிமுக எம்.எல்.ஏக்கள், எம்.பிக்கள் கூட்டம் நடைபெறவுள்ளது. அதிமுக கட்சித் தலைமை அலுவலகத்தில்  அக்கட்சியின் ஒருங்கிணைப்பாளர் பன்னீர் செல்வம், துணை ஒருங்கிணைப்பாளர் பழனிசாமி தலைமையில் நவம்பர் 6 ஆம் தேதி ஆலோசனை நடைபெறுகிறது. 

சென்னையில் அதிமுக தலைமையகத்தில் அக்கட்சியின் இணை ஒருங்கிணைப்பாளரும், முதலமைச்சருமான எடப்பாடி பழனிசாமி, அதிமுக ஒருங்கிணைப்பாளரும், துணை முதலமைச்சருமான ஓ. பன்னீர்செல்வம் ஆகியோர் தலைமையில் இந்த ஆலோசனைக் கூட்டம் நடைபெறவுள்ளது.

இந்த கூட்டத்தில் அதிமுக எம்எல்ஏக்கள், எம்பிக்கள் மற்றும் கட்சி நிர்வாகிகள் கலந்து கொள்ளவுள்ளனர். இந்த ஆலோசனை கூட்டத்தில் உள்ளாட்சித் தேர்தல் குறித்தும் கூட்டணியை இறுதிப்படுத்துவது குறித்தும் விவாதிக்கப்பட உள்ளதாகத் தெரிகிறது.