Actor Becomes Number One Hero On Bookmyshow : இந்த ஆண்டில், புக் மை ஷோ தளத்தில் அதிக டிக்கெட்டுகள், ஒரு நடிகரின் படத்திற்காக மட்டும் விற்று தீர்ந்திருக்கின்றன. இந்த விஷயத்தில் அந்த நடிகர், நம்பர் 1 நடிகராக மாறியிருக்கிறார். அவர் யார் தெரியுமா?
Actor Becomes Number One Hero On Bookmyshow : 2024ஆம் ஆண்டின் முதல் பாதியில், தமிழ் சினிமா கொஞ்சம் மோசமான நிலையை சந்தித்தது. ஆனால், அதற்கு அடுத்த 6 மாதங்கள் அப்படியே தலைகீழாக மாறியது. தொடர்ச்சியாக விஜய், ரஜினி நடித்த படங்கள் வெளியாகி ஹிட் அடித்தன. இந்த நிலையில், Bookmyshow தளத்தில், ஒரு குறிப்பிட்ட நடிகர் படத்தின் டிக்கெட்டுகள் வேகமாக விற்று தீர்ந்திருக்கின்றன. இதனால், அந்த நடிகர், இந்த ஆண்டின் நம்பர் 1 நடிகராக மாறியிருக்கிறார். அவர் யார் தெரியுமா?
தமிழ் திரையுலகின் டாப் நடிகராக இருப்பவர், விஜய். இந்த ஆண்டில் இவர் நடித்த ஒரே ஒரு படம்தான் வெளியானது. அடுத்த ஆண்டு, இவரது கடைசி படம் வெளியாக இருக்கிறது.
விஜய் நடித்த தி கோட் படம், கடந்த செப்டம்பர் மாதம் வெளியாகி பெரும் வெற்றி பெற்றது. ஆனால், இந்த படம் செய்யாத ஒரு சாதனையை வேறு ஒரு ஹீரோவின் படம் செய்திருக்கிறது.
ரஜினிகாந்த் நடித்திருந்த வேட்டையன் படம், கடந்த மாதம் வெளியானது. ஆனால், இப்படம், எதிர்பார்த்த வெற்றியை பெறவில்லை. இருப்பினும் உலகளவில் கோடிக்கணக்கில் வசூலித்தது.
ரஜினி நடித்த வேட்டையன் படம் ஏமாற்றியதை தொடர்ந்து, சூர்யாவின் கங்குவா படமும் விமர்சன ரீதியாக தோல்வி அடைந்தது. இதற்கு முன்னர், பெரும் எதிர்பார்ப்புகளுக்கு மத்தியில் வெளியான இந்தியன் 2 படம், பெரும் தோல்வியை சந்தித்தது.
அஜித்குமார் நடிப்பி, இந்த ஆண்டில் எந்த படமும் வெளியாகவில்லை. இவர் நடித்துள்ள விடா முயற்சி மற்றும் குட் பேட் அக்லி ஆகிய திரைப்படங்கள், அடுத்த ஆண்டு திரைக்கு வர இருக்கின்றன.
சிவகார்த்திகேயன் நடித்திருந்த அமரன் திரைப்படத்தின் டிக்கெட்டுகள் புக் மை ஷோ தளத்தில் அதிவேகமாக விற்றுத்தீர்ந்துள்ளன. இதுவரை, சுமார் 4.55 மில்லியன் டிக்கெட்டுகள் அமரன் படத்திற்கு புக் செய்யப்பட்டுள்ளனவாம். விஜய் நடித்த கோட் படத்திற்கு 4.5 மில்லிஅன் டிக்கெட்டுகளும், வேட்டையன் படத்திற்கு 2.7 மில்லியன் டிக்கெட்டுகளும் விற்றுப்போயுள்ளன.
இந்த ஆண்டில், வேகமாக புக் மை ஷோ தளத்தில் டிக்கெட்டுகள் விற்றது, சிவகார்த்திகேயனின் அமரன் படத்திற்குதான். இந்த விஷயத்தில் நம்பர் 1 ஹீரோவாக மாறியிருக்கிறார் சிவகார்த்திகேயன்.
