சந்தானம், வடிவேலுவை தொடர்ந்து தற்போது நடிகர் சூரியும் கதாநாயகனாக வளர்ந்துள்ளார். முக்கிய இயக்குனர்கள் படத்தில் நடித்து வருகிறார்.
வெண்ணிலா கபடி குழு படத்தில் காமெடியனாக அறிமுகமான பரோட்டா சூரி தற்போது படத்தின் கதாநாயகனாக வளர்ந்துள்ளார். தனது வருங்கால சினிமா உலகை சிறப்பாக கட்டமைத்துள்ளார்.
தமிழ் சினிமாவில் நகைச்சுவை நடிகராக இருந்து, தற்போது ஹீரோவாக உச்சத்தில் இருக்கும் பல நடிகர்கள் உள்ளனர். அந்த வரிசையில் தற்போது சூரியும் இணைந்துள்ளார்.
வெற்றிமாறன் இயக்கத்தில் வெளியான விடுதலை படத்தின் மூலம் நாயகனாக உருமாறிய சூரி, தற்சமயம் மூன்று முக்கியமான படங்களை கைவசம் வைத்துள்ளார்.
விடுதலை பார்ட் 2, கருடன், கொட்டுக்காளி ஆகிய படங்களில் முதன்மை கதாபாத்திரங்களில் நடித்து வருகிறார். மேலும் இயக்குனர் ராம் இயக்கத்தில் ஏழு கடல் ஏழு மலை படத்தில் முக்கிய கதாபாத்திரத்தில் நடித்துள்ளார்.
ஹீரோவாக வளர்ந்துள்ள சூரி தற்போது ஒரு படத்தில் நடிக்க 7 முதல் 8 கோடி வரை சம்பளமாக வாங்குவதாக கூறப்படுகிறது. சமீபத்தில் வெளியான கருடன் படத்தின் வீடியோவும் நல்ல வரவேற்பை பெற்றுள்ளது.
