குக் வித் கோமாளியில் கலக்கும் சிவாங்கி, அடுத்த எபிசோடில் போட இருக்கும் கெட்டப்பை வெளியிட்டுள்ளார்.
பாடகராக அறிமுகமாகி என்டர்டெயினராக மாறியிருக்கும் சிவாங்கி, தெருக்கூத்து கலைஞர் அவதாரத்தில் எடுத்திருக்கும் புகைப்படம் நெட்டிசன்களின் கவனத்தை ஈர்த்துள்ளது.
சூப்பர் சிங்கரில் பாடகராக அறிமுகமானவர் தான் சிவாங்கி. ஆனால், சூப்பர் சிங்கர் செட்டில் அவர் செய்த சேட்டைகள், காமெடி கலாட்டாக்கள் அடுத்தடுத்த வாய்ப்பை அவருக்கு பெற்றுக் கொடுத்தது.
அதாவது, பாடகராக இருந்து என்டர்டெயினர் அவதாரத்தை எடுக்க வைத்தது. பாடும்போது ஒரு குரலும், பேசும்போது ஒரு குரலும் என அவரின் மாடுலேஷனுக்கே ரசிகர்கள் கூட்டம் அதிகம்.
கியூட்டாக பேசுவதோடு, டைமிங் எக்ஸ்பிரசனிலும் பின்னியெடுத்ததால் விஜய் டிவியில் ஆஸ்தான காமெடியனாக மாறினார் சிவாங்கி.
குக் வித் கோமாளியில் இருக்கும் கோமாளிகளிலேயே அதிக ரசிகர் கூட்டம் கொண்ட கோமாளியாக இருக்கிறார்.
வாரம் ஒரு கெட்டப் போட்டு வரும் சிவாங்கி, இந்த வாரம் தெருக்கூத்து கலைஞர் அவதாரத்தில் வர இருக்கிறாராம்.
இந்த கெட்டப்பில் இருக்கும்போது புகைப்படம் எடுக்காமல் விடுவாரா என்ன?. அழகான சில புகைப்படங்களை எடுத்து டிவிட்டரில் பதிவிட்டுள்ளார். இந்த புகைப்படங்கள் நெட்டிசன்களை வெகுவாக கவர்ந்துள்ளது.
