New Year 2022 Horoscope: மக்கள் மனங்களில் புத்தாண்டு தொடர்பான பல எதிர்பார்ப்புகளும் நம்பிக்கைகளும் உள்ளன. கொரோனா தொற்று காரணமாக கடந்த இரு ஆண்டுகளாக வேலை வாய்ப்புகள் மிகக் குறைந்துள்ளன. இந்த நிகையில், வரவிருக்கும் 2022 புத்தாண்டில், வேலை வாய்ப்புகள் நன்றாக அமையும் என்ற எதிர்பார்ப்புடன் மக்கள் காத்திருக்கிறார்கள். சிலர் புதிய வேலைக்காகவும், சிலர் வேலை மாற்றத்துக்காகவும் காத்திருக்கின்றனர். பலர் பதவி உயர்வுக்காக காத்திருக்கின்றனர். குறிப்பாக, இந்த 4 ராசிக்காரர்களுக்கு, இந்த புத்தாண்டு தொழில் மற்றும் பணி தொடர்பான பல வித நன்மைகளை அளிக்கவுள்ளது.
ரிஷப ராசிக்காரர்களின் தொழில் வாழ்க்கைக்கு 2022ஆம் ஆண்டு வரப்பிரசாதமாக அமையும். வாழ்க்கையில் ஒன்றன் பின் ஒன்றாக சிறந்த வாய்ப்புகள் எற்படும். இந்த வாய்ப்புகள் ரிஷப ராசிக்காரர்களின் அதிர்ஷ்டத்தைத் திறக்கும்.
கடக ராசிக்காரர்கள் 2022ஆம் ஆண்டின் தொடக்கத்தில் தொழில் ரீதியாக பிரச்சனைகளைச் சந்திக்க நேரிடும். ஆனால் காலப்போக்கில் சூழ்நிலைகள் சாதகமாக மாறும். அரசு வேலை விரும்பும் நபர்களின் கனவு இந்த ஆண்டு நிறைவேறும். கடக ராசிக்காரர்களுக்கு அவர்கள் விருப்பப்படி வேலை கிடைக்கும். வியாபாரத்தில் நிலைமை நன்றாக இருக்கும். வருமானம் அதிகரிக்கும்.
தனுசு ராசிக்காரர்களும் உத்தியோகம் மற்றும் தொழிலில் அதிக லாபம் ஈட்டுவார்கள். நீண்ட நாட்களாக வேலை நேர்காணலுக்காக தயாராகி வருபவர்கள் இந்த ஆண்டு வெற்றி பெறுவார்கள். பதவி உயர்வுக்காக காத்திருப்பவர்களுக்கு நினைத்தபடி பதவு உயர்வு கிடைக்கும். வியாபாரத்தில் புதிய தொழில் தொடங்க உள்ளவர்களுக்கும் வெற்றி கிடைக்கும். குறிப்பாக ஆண்டின் கடைசி காலாண்டு மிகவும் மங்களகரமானதாக இருக்கும். இந்த நேரத்தில் ஒரு முக்கியமான பயணம் ஒன்றை மேற்கொள்வீர்கள்.
2022 ஆம் ஆண்டு கும்ப ராசிக்காரர்களுக்கு மிகவும் செழிப்பாக இருக்கும். புத்தாண்டு அவர்களின் தொழிலில் அளப்பரிய பலன்களைத் தரும். மேலும், வருமானம் அபரிமிதமாக உயரும். கும்ப ராசிக்காரர்கள் இந்த ஆண்டு பதவி, பணம் இரண்டையும் பெறுவீர்கள். அதே சமயம் தொழிலதிபர்களும் பெரிய லாபத்தைக் காண்பார்கள். பணி-வியாபாரத்தில் செய்யப்படும் மாற்றங்கள் நன்மை தரும். ஒட்டுமொத்தமாக, இந்த ஆண்டு தொழில் ரீதியாக மிகவும் பயனுள்ளதாக இருக்கும்.
