குளிர் கால சளித்தொல்லைக்கு ஆவி பிடித்தல் முதல் தேன் மருத்துவம் வரை 9 வீட்டு வைத்திய முறைகள் தெரிந்து கொள்ளுங்கள்.
ஜலதோஷம் என்பது பொதுவாக வைரஸ் தொற்று காரணமாக ஏற்படும் ஒரு பொதுவான பிரச்சனையாகும். குளிர்காலத்தில் பொதுவாக ஏற்படக்கூடிய பிரச்சனை என்பதால் அவற்றை வீட்டு முறை மருத்துவத்திலேயே சரி செய்யலாம். சளியை சரிசெய்யக்கூடிய 10 வீட்டு வைத்திய முறைகளை பார்க்கலாம்.
மஞ்சள் மற்றும் பால் : மஞ்சளில் அழற்சி எதிர்ப்பு பண்புகள் இருப்பதால் சளியை விரைவில் குணப்படுத்த உதவுகிறது. வெதுவெதுப்பான பாலில் 1/2 டீஸ்பூன் மஞ்சள் கலந்து இரவில் குடிக்கவும். இது தொண்டை வீக்கத்தைக் குறைத்து, சளி தொற்றில் இருந்து நிவாரணம் கொடுக்கும்.
துளசி மற்றும் கருப்பு மிளகு : துளசி மற்றும் கருப்பு மிளகு உட்கொள்வது சளியை போக்கும். ஒரு கப் வெந்நீரில் 5-6 துளசி இலைகள் மற்றும் 1/4 தேக்கரண்டி கருப்பு மிளகு சேர்த்து கொதிக்க வைத்து குடிக்கவும். இது நோய் எதிர்ப்பு சக்தியை பலப்படுத்தும்.
கல் உப்பு மற்றும் வெதுவெதுப்பான நீர் : கல் உப்பு மற்றும் வெதுவெதுப்பான நீரில் வாய் கொப்பளிப்பது தொண்டை வீக்கத்தை குறைக்கிறது மற்றும் சளி பிரச்சனையில் இருந்து நிவாரணம் அளிக்கிறது. ஒரு கப் வெதுவெதுப்பான நீரில் 1/2 தேக்கரண்டி கல் உப்பைக் கரைத்து, ஒரு நாளைக்கு 2-3 முறை வாய் கொப்பளிக்கலாம்.
வேம்பு கஷாயம் : வேப்ப இலைகளில் பாக்டீரியா எதிர்ப்பு மற்றும் ஆன்டிவைரல் பண்புகள் இருப்பதால் சளி அறிகுறிகளைக் குறைக்க உதவுகிறது. 10-15 வேப்ப இலைகளை 1 கப் தண்ணீரில் கொதிக்க வைத்து ஒரு நாளைக்கு இரண்டு முறை குடிக்கவும். சளி சரியாகும்.
திரவ உணவுகள் : குளிர் காலத்தில் உடலில் நீர் பற்றாக்குறை இருக்கக்கூடாது. எனவே அடிக்கடி தண்ணீர், பழ ஜூஸ் மற்றும் சூப் ஆகியவற்றை உட்கொள்ள வேண்டும். இது உடலை நீரேற்றமாக வைத்து சளியை குணப்படுத்த உதவும்.
இஞ்சி மற்றும் தேன் : குளிர், ஈரப்பதம் வைரஸ்கள் மற்றும் பாக்டீரியாக்கள் சளியை ஏற்படுத்துகின்றன. இஞ்சியில் இயற்கையான பாக்டீரியா எதிர்ப்பு மற்றும் அழற்சி எதிர்ப்பு பண்புகள் இருப்பதால் சளி மற்றும் இருமலை விரைவில் குணப்படுத்த உதவுகிறது. 1-2 துண்டு இஞ்சியை நன்றாக நறுக்கி, அதனுடன் 1 தேக்கரண்டி தேன் சேர்த்து ஒரு நாளைக்கு 2-3 முறை சாப்பிடுங்கள். இந்த கலவையானது தொண்டை வீக்கத்தை குறைத்து சளியை போக்கும்.
தேன் மற்றும் நெய் : மூக்கு முழுவதுமாக அடைபட்டிருந்தால் தேன் மற்றும் நெய்யை மூக்கின் துவாரத்தில் தேய்த்து வந்தால் நிவாரணம் கிடைக்கும். 2-3 துளிகள் தூய நெய் மற்றும் தேன் கலந்து மூக்கில் போடவும், இது மூக்கு அடைப்பை சரி செய்து சுவாசத்தை எளிதாக்குகிறது.
முருங்கைக்காய் : முருங்கை பொடி சளி மற்றும் இருமலில் இருந்து நிவாரணம் அளிக்க மிகவும் பயனுள்ளதாக இருக்கிறது. ஒரு கப் வெந்நீரில் 1 டீஸ்பூன் முருங்கைப் பொடியைச் சேர்த்து ஒரு நாளைக்கு இரண்டு முறை குடிக்கவும். இது உடலின் நோய் எதிர்ப்பு சக்தியை அதிகரிக்கிறது.
ஆவி பிடித்தல் : இஞ்சி, துளசி, எலுமிச்சை ஆகியவற்றை வெந்நீரில் போட்டு வேக வைத்து ஆவி பிடிக்கவும். இது மூக்கடைப்பு, தொண்டை கரகரப்பு ஆகியவற்றை சரிசெய்து சளித் தொல்லையில் இருந்து நிவாரணம் கொடுக்கும்.
இந்த ஆயுர்வேத வைத்தியத்தை பின்பற்றுவதன் மூலம் சளியை விரைவில் குணப்படுத்தலாம். இருப்பினும், அறிகுறிகள் நீண்ட காலமாக நீடித்தால் அல்லது மிகவும் கடுமையானதாக இருந்தால், மருத்துவரை அணுகுவது அவசியம்.
