Bigg Boss Season 7: பிக்பாஸ் சீசன் 7 நிகழ்ச்சி இந்த ஆண்டு தொடங்கி நடைபெற்று வருகிறது. பல புதிய விதிமுறைகளுடன் போட்டி ஆரம்பமாகி உள்ளது.
கமல்ஹாசன் தொகுத்து வழங்கும் பிக் பாஸ் தமிழ் 7 நிகழ்ச்சி கடந்த ஞாயிற்றுக்கிழமை தொடங்கி விறுவிறுப்பாக நடைபெற்று வருகிறது.
முதல் வார எவிக்சனில் அனன்யா வெளியேற்றப்பட்டுள்ளார். மேலும் எழுத்தாளர் பாவா செல்லதுரை மன அழுத்தம் காரணமாக போட்டியில் இருந்து வெளியேறி உள்ளார்.
இந்நிலையில், பிரபல விஜய் டிவி புகழ் நாஞ்சில் விஜயன், பிக்பாஸ் நிகழ்ச்சியில் இருந்து அவருக்கு அனுப்பப்பட்ட பரிசு பெட்டியை வீடியோ மூலம் பகிர்ந்துள்ளார்.
அந்த பெட்டிக்குள் என்ன இருக்கிறது என்பதை அவர் காட்டவில்லை, இதனால் அடுத்து பிக்பாஸ் போட்டியாளராக உள்ளே செல்ல போகிறாரோ என்று ரசிகர்கள் எதிர்பார்த்து உள்ளனர்.
பொதுவாக 50 நாட்களுக்கு மேல் தான் வைல்டு கார்ட் என்ட்ரீயில் போட்டியாளர்கள் வருவார்கள். ஆனால் இந்த முறை பாவா செல்லத்துரை தாமாக வெளியே சென்றதால் விரைவில் புதிய ஒருவர் வருவார் என்று எதிர்பாக்கப்படுகிறது.
ஆனாலும், நாஞ்சில் விஜயன் கையில் இருக்கும் பெட்டி புரமோஷனுக்காக பிக்பாஸில் இருந்து பிரபலங்களுக்கு அனுப்பும் கிப்ட் என்பதால், அவர் பிக்பாஸ் வீட்டிற்குள் செல்வது உறுதி ஆகவில்லை.
