நாட்டை உலுக்கிய ₹13,500 கோடி பஞ்சாப் நேஷனல் வங்கி மோசடி வழக்கில், தப்பியோடிய வைர வியாபாரி மெகுல் சோக்ஸி, 2018ஆம் ஆண்டு முதல் ஆன்டிகுவா தீவில் வாழ்ந்து வருகிறார்.
இந்நிலையில், கடந்த மே 23 மாலை ஆன்டிகுவாவில் உள்ள வீட்டிலிருந்து திடீரென மர்மமான முறையில் காணாமல் போனார். பின்னர் மே 26 அன்று டொமினிகாவில் சிக்கினார். அவர் தனது காதலியுடன் உல்லாசமாக நேரம் கழிக்க அங்கு சென்றார் என குற்றம் சாட்டப்பட்டது.
மெகும் சோக்ஸியை (Mehul Choksi) நாடு திருப்பி அழைத்து வர, இந்தியா சட்ட ரீதியாக தொடர்ந்து முயற்சிகளை மேற்கொண்டு வரும் நிலையில், தப்பியோடிய இந்திய தொழிலதிபர் மெஹுல் சோக்சியின் மனைவி ப்ரிதி சோக்ஸி இந்த வழக்கு குறித்து பல்வேறு சந்தேகங்களை எழுப்பியுள்ளார்.
மேலும் மெஹுல் சோக்ஸியின் காதலி என கூறப்படும் பார்பரா ஜபரிகா மீது குற்றம் சாட்டிய அவர், தனது கணவர் காணாமல் போனது, முற்றிலும் ஆண்டிகுவா அரசு நடத்திய கடத்தல் நாடகம், எனவும் அது அமபலமாகி முற்றிலும் தோல்வி அடைந்து விட்டது என்பதே உண்மை என அவர் கூறியுள்ளார்.
ALSO READ | PNB வங்கி மோசடி: ஆன்டிகுவாவில் இருந்த மெகுல் சோக்ஸியை காணவில்லை
ANI செய்தி நிறுவனத்திடம் பேசிய ப்ரிதி சோக்ஸி, "என் கணவர் கடத்தப்பட்டபோது ஜாலி துறைமுகத்திற்கு அருகிலுள்ள சிசிடிவி கேமராக்கள் அனைத்தும் ஒரே நேரத்தில் வேலை செய்யாமல் போனது? இது ஏதேனும் இருந்தால், என் கணவருக்கு எதிரான அரசு நடத்திய கடத்தல் நாடகத்திற்கு ஆதாரம் கிடைத்து விடும் என்பதாலா?" என்று கேட்டார்.
சோக்ஸியின் காணாமல் போன மற்றும் மீண்டும் தோன்றியதன் முழு அத்தியாயமும் ஆன்டிகுவா பிரதம மந்திரி காஸ்டன் பிரவுனின் பொய்களை அம்பலப்படுத்துவதாக அவர் குற்றம் சாட்டினார், அவர் தனது கணவர் பார்பரா ஜபரிகாவுடன் டொமினிகாவுக்குச் சென்றதாகக் கூறினார், பின்னர் அவர் ஒருபோதும் டொமினிகாவுக்குச் செல்லவில்லை என்று கூறினார்.
ப்ரிதியிடம் தனது கணவர் பொய் சொல்கிறாரா என்று கேட்டபோது, "அவர் ஏன் தனது பாஸ்போர்ட்டை ஆன்டிகுவாவில் வேண்டும் என்றே விட வேண்டும்?" , "அவரது உடலில் காயங்கள் எப்படி ஏற்பட்டது? அவர் ஏன் தனது சாமான்கள், பணம் போன்றவற்றை எடுத்துச் செல்லவில்லை? " போன்ற சரமாரியாக பல கேள்விகளை கேட்டார்.
2018ஆம் ஆண்டு ஜனவரியில், இந்தியாவில் இருந்து தப்பியோடிய வைர வியாபாரரியான மெகுல் சோக்ஸி, ஆன்டிகுவா மற்றும் பார்புடா குடியுரிமையை பெற்றார். PNB வங்கி மோசடி வழக்கில், விசாரணைக்காக இந்தியாவிடம் நாடு திருப்பி அனுப்பப்படுவதை தடுக்க ஒரு சட்டப் போரில் ஈடுபட்டுள்ளார்.
பஞ்சாப் நேஷனல் வங்கி மோசடியின் தப்பியோடிய மற்றொரு வைர வியாபாரியான நிரவ் மோடி, இவருடைய நெருங்கிய உறவினர் என்பது குறிப்பிடத்தக்கது.
ALSO READ | மெகுல் சோக்ஸி சிறையில் இருக்கும் படங்கள் வெளியானது; அவரது ‘காயங்கள்’ கூறுவது என்ன
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
தேசம், சர்வதேசம், கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
