கிரிக்கெட் ரசிகர்களுக்கு ஒரு சிறப்பான செய்தி... T10 லீக் மீண்டும் தொடங்கவுள்ளது. இதில் கிரிக்கெட் உலகின் பல வீரர்கள் களத்தில் காணப்படுவார்கள் என தகவல்கள் தெரிவிக்கின்றன.
T10 லீக்கின் மூன்றாவது சீசன் நவம்பர் 14 முதல் அபுதாபியில் நடைபெறவுள்ளது. இரண்டு வெற்றிகரமான சீசன்களுக்குப் பிறகு, லீக்கின் சேமன்மன் சாஜி உல் முல்க் மூன்றாவது சீசனும் ஒரு சிறந்த வெற்றியாக இருக்கும் என்று நம்பிக்கை தெரிவித்துள்ளார்.
T10 லீக் ஆனது 2017-ல் தொடங்கப்பட்டது, ஆனால் முதல் சீசனில், மேட்ச் பிக்சிங் பற்றி விவாதங்கள் எழுந்தது. பின்னர் இந்த புகார் தவறு என்று நிரூபிக்கப்பட்டது மற்றும் இந்த வகையான கிரிக்கெட் எதிர்கால மாதிரியாக உருமாறியது.
T10 லீக்கின் முதல் சீசனில், கேரள கிங்ஸ் பட்டத்தை வென்றது, இரண்டாவது சீசனில், நார்த்தன் வாரியர்ஸ் பட்டத்தை வென்றது. T10 லீக் 10-10 ஓவர் போட்டியைக் கொண்டுள்ளது, ஆக 90 நிமிடங்களில் ஒரு போட்டி நிறைவடைகிறது.
இந்த போட்டிகள் ரவுண்ட் ராபின் வடிவத்தின் அடிப்படையில் விளையாடப்படுகின்றன, பின்னர் எலிமினேட்டர், அரை இறுதி மற்றும் இறுதி போட்டிகள் என விளையாடப்படுகின்றன. இந்த போட்டியின் முதல் சீசனில் ஆறு அணிகள் பங்கேற்றன. இரண்டாவது சீசனில் அணிகளின் எண்ணிக்கை எட்டாக அதிகரித்துள்ளது, இந்நிலையில் இந்த முறை ஒன்பது அணிகள் இதில் பங்கேற்கபதாக தகவல்கள் வெளியாகியுள்ளது.
இந்த சீசனில் பாகிஸ்தான் கிரிக்கெட் லீக் அணி கலந்தர்ஸ் மற்றும் பங்களாதேஷ் பிரீமியர் லீக் அணி பங்களா புலிகள் உட்பட இரண்டு புதிய அணிகள் பங்கேற்கின்றன. மறுபுறம், 2008 ரன்னர்-அப் அணி பக்துன்ஸ் இந்த பருவத்தில் ஒரு பகுதியாக இருக்காது எனவும் தெரிவிக்கப்பட்டுள்ளது. அதே நேரத்தில், வங்காள புலிகள் மற்றும் சிந்தி ஆகிய இரண்டு உரிமையாளர்களும் மறுபெயரிடப்பட்டு டெல்லி புல்ஸ் மற்றும் டெக்கான் கிளாடியேட்டர்ஸ் எனும் அணிகளாக களம்காணுகின்றன.
இந்த முறை T10 லீக்கில், ரஷீத் கான், ஷாஹித் அப்ரிடி, ஈயோன் மோர்கன், ஷேன் வாட்சன், ஆண்ட்ரே ரஸ்ஸல் மற்றும் ஜாகீர் கான் ஆகியோர் காணப்படுவார்கள் எனவும் தெரிவிக்கப்பட்டுள்ளது.
