புதுடெல்லி: கணிதம் தொடர்பான கணக்குகளைத் தீர்ப்பதில் சிக்கல் இருக்கிறதா? அப்படியானால், கவலையே வேண்டாம். உங்களுக்கு அற்புதமான தீர்வைக் கொண்டு வந்துள்ளது கூகுள் லென்ஸ் (Google Lens). கூகுள் தனது Google லென்ஸில் வீட்டுப்பாட ஃபில்டரை (homework filter) சேர்த்துள்ளது. இந்த புதிய பயன்முறையில், மாணவர்கள் ஃபோன் கேமராவின் கேள்விகளில் கவனம் செலுத்த வேண்டும். அதன் பிறகு அந்த கேள்விக்கான விசை கிடைத்துவிடும்.
COVID-19 தொற்றுநோயால் உலகெங்கிலும் உள்ள மாணவர்கள் பள்ளிக்குச் செல்ல முடியாத நிலை ஏற்பட்டுள்ளது. ஆன்லைனில் வகுப்புகள் நடக்கின்றன. இந்த நிலையில் தங்கள் வீட்டுப்பாடங்களை முடிக்க பெற்றோரின் உதவியை நாடுவதைப் போல, கூகுளின் உதவியையும் பெறலாம் என்ற சுலபமான வழி தற்போது கிடைத்துள்ளது. கூகுள் லென்ஸின் இந்த அம்சத்தை எவ்வாறு பயன்படுத்துவது, கணிதம் தொடர்பான கேள்விகளை எவ்வாறு தீர்க்க முடியும் என்பதை தெரிந்துக் கொள்ளுங்கள் ...
இந்த அம்சத்தை எவ்வாறு பயன்படுத்துவது?
1. ஆண்ட்ராய்டு தொலைபேசியைப் (android phone) பயன்படுத்தினால், முதலில் முகப்பு பொத்தானை அழுத்தவும், கூகுள் அசிஸ்டெண்ட் (Google Assistant) என்ற பக்கத்தைத் திறக்கவும். அங்கே கூகுள் லென்ஸ் (Google Lens) என்ற தெரிவு இருக்கும். அதைத் கிளிக் செய்யவும். உங்கள் மொபைலை பயன்படுத்தியும் நேரடியாக கூகுள் லென்ஸைத் தேடலாம். உங்களிடம் பிக்சல் (Pixel) ஸ்மார்ட்போன் அல்லது ஆண்ட்ராய்டு ஒன் (Android One) மொபைல் இருந்தால், கூகுள் லென்ஸ் உங்கள் கேமரா பயன்பாட்டில் கட்டப்பட்டுள்ளது. நீங்கள் அங்கிருந்து அணுகலாம் அல்லது கூகிள் பிளே ஸ்டோரிலிருந்து (google play store) சமீபத்திய பதிப்பைப் பதிவிறக்கலாம்.
2. கூகிள் லென்ஸை அணுகிய பிறகு, கேமரா பயன்பாட்டை அணுக அனுமதி வழங்க வேண்டும்.
3. கேமரா வ்யூஃபைண்டரை (camera viewfinder) திறக்கும்போது, மெனுவின் கீழ் பட்டியில் உள்ள Homework என்ற தெரிவைத் தேர்ந்தெடுக்கவும்.
4. இப்போது கணிதம் தொடர்பான கேள்விகளில் கேமராவை சுட்டிக்காட்டுங்கள். கூகுள் லென்ஸ் (Google Lens) கேள்விகளை அங்கீகரிக்கிறது, பின்னர் equation பொத்தானைத் தட்டினால், லென்ஸ் உங்கள் கேள்விகளை தீர்க்கும்.
டிஜிட்டல் அல்லது கையில் எழுதிய கணக்குகளை கூகுள் லென்ஸ் (Google Lens) எளிதில் கண்டறிந்துவிடும். எளிமையான கணிதம் தொடர்பான கேள்விகளை தீர்ப்பது தொடர்பான படிகளுடன் தீர்வு பற்றிய வழிமுறைகளை இந்த தொழில்நுட்பம் கூறுகிறது, ஆனால் கேள்வி கடினமாக இருந்தால், பிற வலைதளங்களுடன் தொடர்புடைய முடிவுகளும் பரிந்துரைக்கப்படுகிறது. தற்போது, கூகுள் இந்த அம்சத்தை அமெரிக்காவில் வசிக்கும் பயனர்களுக்காக வெளியிட்டுள்ளது, விரைவில் இது பிற நாடுகளுக்கும் விரிவாக்கப்ப்டும் என்று எதிர்பார்க்கப்படுகிறது.
Also Read | இந்தியாவில் echo devices புதிய பதிப்பை அறிமுகப்படுத்துகிறது Amazon... மலிவான விலையில்!
