Farmers protest: రైతులకు ఆ హక్కు లేదు..సుప్రీంకోర్టులో కీలక వ్యాఖ్యలు

Farmers protest: వ్యవసాయ చట్టాలకు వ్యతిరేకంగా జరుగుతున్న రైతుల ఆందోళనపై సుప్రీంకోర్టు కీలక వ్యాఖ్యలు చేసింది. నిరసన తెలిపే హక్కు రైతులకుందా లేదా అనే విషయంపై చేసిన వ్యాఖ్యలు ఆసక్తి రేపుతున్నాయి.

కేంద్ర ప్రభుత్వం (Central government) తీసుకొచ్చిన వ్యవసాయ చట్టాలకు ( Agriculture acts ) వ్యతిరేకంగా గత 17 రోజులుగా రైతులు పెద్ద ఎత్తున ఆందోళన చేపడుతున్నారు. డిసెంబర్ 8న భారత్ బంద్ ( Bharat Bandh ) తలపెట్టి..నిరసన గళాన్ని విన్పించారు. అనంతరం జాతీయ రహదార్లను దిగ్భంధించారు. ఢిల్లీ నోయిడా సరిహద్దుల్లో ( Delhi Noida Border ) రైతుల ఉద్యమం సాగుతోంది. 

ఈ నేపధ్యంలో రోడ్లపై ఆందోళన చేస్తున్న రైతుల్ని అక్కడ్నించి ఖాళీ చేయించాలంటూ సుప్రీంకోర్టులో పిటీషన్ దాఖలైంది. ఈ పిటీషన్ పై విచారణ జరిపిన సుప్రీంకోర్టు కీలకమైన వ్యాఖ్యలు చేసింది. రైతులకు తమ నిరసన తెలిపే హక్కుందని..కానీ రోడ్లను దిగ్భంధించి ఏ నగరాన్ని కూడా మూసివేయలేరని సుప్రీంకోర్టు ( Supreme court ) వ్యాఖ్యానించింది.

సుప్రీంకోర్టు ఛీఫ్ జస్టిస్ ఎస్ఏ బాబ్డే వ్యాఖ్యల్లో..

మేం మిమ్మల్ని ఆందోళన చేయవద్దని అనడం లేదు. ఆపడం లేదు. నిరసన తెలుపండి.. కానీ నిరసనకు ఓ ఉద్దేశ్యముంటుంది. మీరు కేవలం ధర్నానే చేయకూడదు..చర్చలు కూడా జరపాలి..చర్చల కోసం ముందుకు రావాలి. రైతుల పట్ల మాకు కూడా ఆవేదన ఉంది. మేం కోరేది ఒకటే. అందరికీ ఆమోదయోగ్యమైన సమాధానం వెతకాలని.

పిటీషనర్ తరపున హరీష్ సాల్వే వాదన విన్పించారు. రైతుల ఆందోళన ( Farmers protest ) ప్రభావం రవాణాపై పడుతోంది. దాంతో ధరలు పెరుగుతున్నాయి. ఒకవేళ రోడ్లు మూసివేసుంటే ప్రజలకు చాలా ఇబ్బంది కలుగుతుంది. ఆందోళన అంటే మరో నగరాన్ని బంద్ చేయడం కాదు కదా అని వాదించారు. 

రైతులకు ఆ హక్కు లేదు

అటు అటార్నీ జనరల్ కేకే వేణుగోపాల్ ( Attorney general kk venugopal ) కూడా కీలక వ్యాఖ్యలు చేశారు కోర్టులో. రైతుల ఆందోళనలో ఏ ఒక్క రైతు కూడా మాస్క్ ధరించడం లేదని..పెద్ద సంఖ్యలో గుమిగూడారని..దీనివల్ల కోవిడ్ సంక్రమణ ప్రమాదం పొంచి ఉందన్నారు. రైతులు ఇక్కడ్నించి ఊర్లకు వెళ్లి అక్కడ కరోనా వ్యాధిని సంక్రమింపజేస్తారని..ఇతరుల మౌళిక అధికారాల్ని ఉల్లంఘించే హక్కు రైతులకు లేదని ఆయన చెప్పారు.