Happy Holi 2024: ఇవాళ దేశమంతా హోలీ సంబరాల్లో మునిగింది. ప్రతి ఒక్కరూ ఆనందంగా హోలీ జరుపుకున్నారు. సెలెబ్రిటీలతో పాటు రాజకీయ నేతలు హోలీ వేడుకల్లో ఆనందంగా పాల్గొన్నారు. ఎన్నికల వేళ కావడంతో ఇక ప్రముఖ రాజకీయ నేతలంతా హోలీని మంచి సందర్భంగా చేసుకున్నారు. అమిత్ షా, రాజ్నాథ్ సింహ్, హేమమాలిని, జేపీ నడ్డా ఇలా అందరూ తమదైన శైలిలో హోలి వేడుకల్లో పాల్గొన్నారు.
రాజ్నాథ్ సింహ్ కేంద్ర రక్షణ శాఖ మంత్రి రాజ్నాథ్ సింహ్ ఢిల్లీలోని తన నివాసంలో డప్పు వాయిస్తూ హోలీ వేడుకల్లో కన్పించారు.
లాలూ ప్రసాద్ యాదవ్ బీహార్ మాజీ ముఖ్యమంత్రి, ఆర్జేడీ అధ్యక్షుడు లాలూ ప్రసాద్ యాదవ్ ఢిల్లీలో భార్య రబ్డీ దేవి, కుమార్తె మీసా భారతి, చిన్న కుమార్తె రోహిణి ఆచార్యతో కలిసి హోలీ వేడుకల్లో పాల్గొన్నారు.
జేపీ నడ్డా బీజేపీ జాతీయ అధ్యక్షుడు జేపీ నడ్డా కూడా హోలీ ఆడారు. కార్యకర్తలు, నేతలతో కలిసి హోలీ వేడుకల్లో కన్పించారు.
హేమా మాలిని బాలీవుడ్ డ్రీమ్ గర్ల్ , బీజేపీ ఎంపీ హేమమాలిని యూపిలోని వృందావన్‌లో స్థానికులతో కలిసి హోలి వేడుకల్లో పాల్గొన్నారు.
ఏక్‌నాథ్ షిండే మహారాష్ట్ర ముఖ్యమంత్రి ఏక్‌నాథ్ షిండే పార్టీ కార్యకర్తలు, పోలీసులతో హోలీ వేడుకల్లో పాలుపంచుకున్నారు.
అమిత్ షా కేంద్ర హోంమంత్రి అమిత్ షా అహ్మదాబాద్‌లో కార్యకర్తలతో కలిగి హోలీ వేడుకల్లో పాల్గొన్నారు.
