Room Booking In Tirumala: తిరుమల శ్రీవారి భక్తులకు గుడ్‌ న్యూస్‌. ఎప్పటి నుంచో సరైన గదుల సదుపాయం లేకుండా ఇబ్బందులు పడుతున్న సంగతి తెలిసిందే. ఇకపై అలాంటి కష్టాలు ఉండవు. భక్తులకు అన్ని విధాలుగా సదుపాయాలు కల్పించే దిశగా టీటీడీ యంత్రాంగం అడుగులు వేస్తోంది.
తిరుమల శ్రీ వేంకటేశుని దర్శనార్ధం నిత్యం వేల మంది భక్తులు దేశం నలుమూలల నుంచి వస్తారు. అయితే, ప్రతినెలా ప్రత్యేక దర్శనం టిక్కెట్లను టీటీడీ యంత్రాంగం విడుదల చేస్తోంది. ఈ టిక్కెట్లతో మూడు నెలల తర్వాత భక్తులకు దర్శనం కల్పిస్తున్నారు. దేశ నలుమూలల నుంచి శ్రీవారి భక్తులు దర్శనార్ధం వస్తారు.
అయితే, అదేరోజు గదుల బుకింగ్ కోటాను కూడా టీటీడీ అధికారిక వెబ్‌సైట్‌లో అందుబాటులో పెడతారు. అయితే, సర్వదర్శనానికి వచ్చే భక్తులకు గదులు దొరకకా తీవ్ర ఇబ్బందులు పడుతున్నారు.
ప్రత్యేకంగా లాకర్ల వంటి సదుపాయాలు కూడా ఉన్నాయి. ఇక ప్రత్యేక రోజుల సమయంలో భక్తులు మరింత పెరుగుతారు. ఆ సమయంలో వారు తీవ్ర ఇబ్బందులకు గురవుతున్నారు.
ఇవి కాకుండా కొన్ని ప్రత్యేక కాంప్లెక్సులు కూడా అందుబాటులో ఉన్నాయి. అయితే, ఇవి కాకుండా గదుల ఇబ్బందులు ఎదురు కాకుండా కొత్తగా టీటీడీ కార్యాచరణ చేస్తోంది. యాత్రికుల వసతి సదుపాయం (PAC-5) భవనాన్ని కొత్తగా టీటీడీ నిర్మిస్తోంది.
తిరుమల దేవస్థానం యంత్రాంగం త్వరలో ఈ నిర్మాణాలు పూర్తి చేయనుంది. ఇప్పటికి 16 హాళ్లలో 8 పూర్తయ్యాయి. వీటితోపాటు మరిన్ని సదుపాయాలు కల్పించనున్నారు. ఇక్కడ అన్న ప్రసాదం ఏర్పాట్లను కూడా పూర్తి చేయనున్నాయి.
