Norway Night Time: సూర్యుని చుట్టూ భూమి..భూమి చుట్టూ చంద్రుడు తిరగడం, భూమి తన చుట్టూ తాను తిరుగుతూ పరిభ్రమణం చెందడం కారణంగానే పగలు రాత్రి ఏర్పడతాయి. అందుకే వివిధ దేశాల్లో పగలు-రాత్రి సమయాల్లో తేడా ఉంటుంది. అదే సమయంలో అందమైన ప్రకృతి రమణీయతకు కేరాఫ్‌గా నిలిచే ప్రాంతాలు చాలానే ఉన్నాయి. ఆర్కిటిక్ ప్రాంతంలో ఉన్న నార్వేలో రాత్రి సమయం కేవలం 40 నిమిషాలే అంటే నమ్మలేకపోతున్నారా..అందుకే ఈ దేశాన్ని ల్యాండ్ ఆఫ్ ది మిడ్‌నైట్ సన్ అని పిలుస్తారు.
నార్వే ప్రపంచంలోని ధనిక దేశాల్లో ఒకటి. ధనిక దేశంతో పాటు ప్రాకృతిక రమణీయతకు పెట్టింది పేరు. ప్రపంచంలోని ప్రతి ప్రాంతం నుంచి ఇక్కడికి పర్యాటకులు తరలివస్తుంటారు.
నార్వే సముద్రతీరం నిజంగానే ఓ సుందరమైన ప్రాంతం. బీచ్ నుంచి ఇక్కడి నివాస ప్రాంతాల వ్యూ పాయింట్ అద్భుతం.
నార్వే నిజంగానే భూతల స్వర్గంలా ఉంటుంది. మంచుతో నిండుకున్న పర్వతాలు, పచ్చని పైరులు పర్యాటకుల్ని ఏడాదంతా ఆకర్షిస్తుంటాయి. మీరెన్నడూ చూడని అద్భుతమైన, అందమైన ప్రదేశాలు ఇక్కడే సొంతం.
నార్వే సుందర రమణీయత పర్యాటకుల్ని మంత్రముగ్దుల్ని చేస్తుంది. ప్రకృతి ప్రేమికులకు ఇదొక మంచి అనువైన ప్రాంతం. ఇక్కడి ప్రకృతి, అందాలు అందర్నీ హత్తుకుంటుంటాయి.
ఉత్తర నార్వేలో శీతాకాలంలో సైతం సూర్యోదయం జరగదు. వేసవిలో సూర్యాస్తమయం ఉండదు. నార్వేలోని రోరోస్ నగరం అత్యంత చలిప్రదేశంగా భావిస్తారు. ఇక్కడి ఉష్ణోగ్రత మైనస్ 50 డిగ్రీలకు పడిపోతుంది.
నార్వేలో రాత్రి 12 గంటల 43 నిమిషాలకు సూర్యాస్తమయం అవుతుంది. కేవలం 40 నిమిషాల విరామం తరువాత సూర్యోదయమైపోతుంది. అందుకే ఈ దేశాన్ని కంట్రీ ఆఫ్ మిడ్‌నైట్ సన్ అని పిలుస్తారు. ఇది ఆర్కిటిక్ ప్రాంత పరిధిలోనిది. అందుకే ఇక్కడ మే-జూలై మధ్యకాలంలో అయితే 76 రోజుల వరకూ సూర్యాస్తమయమే జరగదు.
