Success Story : పెళ్లి అనగానే ముందుగా గుర్తుకు వచ్చేది బట్టలు..ఆడవారైతే బట్టలతోపాటు నగలు. ముఖ్యంగా భారతీయ వివాహాలకు సాంప్రదాయ పద్ధతిలో దుస్తుల గురించి ఆలోచిస్తున్నప్పుడు చాలా మందికి ఠక్కున మన్యవర్ బ్రాండ్ ఇమేజ్ గుర్తుకు వస్తుంది. ఈ చిన్న వ్యాపారి తన తల్లి నుంచి రూ.10వేలు తీసుకుని దీన్ని ప్రారంభించాడు. నేడు దాని మార్కెట్ క్యాప్ రూ. 32,000 కోట్ల కంటే ఎక్కువ. అతనేవరో కాదు రవి మోదీ. 10వేల నుంచి ప్రారంభమైన ఆయన బిజినెస్ నేడు రూ. 32వేల కోట్ల కంటే ఎక్కువకు చేరుకుంది. రవి మోదీ సక్సెస్ స్టోరీ గురించి ఇప్పుడు తెలుసుకుందాం.
Success Story : ఓ చిన్న వ్యాపారి రూ.10 వేల పెట్టుబడితో రూ.32,000 కోట్ల విలువైన బ్రాండ్‌ను తయారు చేశాడు. ఈ స్థాయికి చేరుకోవడానికి అతనికి 21 ఏళ్లు పట్టింది. ఈ కాలంలో అతను ఎలాంటి లోన్ తీసుకోలేదు లేదా వేరొక ఇన్వెస్టర్ దగ్గర అప్పు తీసుకోలేదు. నేడు ఈ బ్రాండ్‌కు భారతదేశంలో 600 కంటే ఎక్కువ స్టోర్‌లు కలిగి ఉన్నాయి. అంతేకాదు ఈ వ్యాపారం విదేశాలకు కూడా విస్తరించింది.
మాన్యవర్ కు 16 అంతర్జాతీయ దుకాణాలు ఉన్నాయి. ఈ రోజు అతని నికర విలువ దాదాపు రూ. 20,000 కోట్లు. దేశంలోని టాప్ 100 మంది ధనవంతుల జాబితాలో అతను ఒగరుగా నిలిచారు. అతనేవరో కాదు మాన్యవర్ ఎత్నిక్ వేర్ బ్రాండ్ వ్యవస్థాపకుడు, ఎండీ రవి మోదీ. IIFL హురున్ ఇండియా రిచ్ లిస్ట్ 2022లో అత్యంత వేగంగా సంపాదిస్తున్న వ్యాపారవేత్తగా మోదీ నిలిచారు
ఫోర్బ్స్ ప్రకారం, 46 ఏళ్ల రవి మోదీ నికర విలువ 3.4 బిలియన్ డాలర్లు అంటే రూ. 28,319 కోట్లు. రవిమోదీ భారతదేశంలోని అత్యంత ధనవంతుల జాబితాలో 64వ స్థానంలో ఉన్నాడు. అయితే రాత్రికి రాత్రే ఆయన ఈ స్థానాన్ని సాధించలేదు. ఇక్కడికి చేరుకోవడానికి చాలా కష్టపడ్డాడు. దీని వెనుక అతని కఠినమైన పోరాటం, రిస్క్ తీసుకోగల సామర్థ్యం ఉంది. రవి 2002లో వేదాంత ఫ్యాషన్స్‌ని ప్రారంభించాడు.
పెనీ బ్రాండ్ మన్యవర్ నేడు భారతీయ వివాహ మార్కెట్‌లో ప్రసిద్ధ బ్రాండ్. మోదీ 2011లో దుబాయ్‌లో మాన్యవర్‌లోని తొలి అంతర్జాతీయ స్టోర్‌ను ప్రారంభించారు. ఈ ఏడాది మేలో కంపెనీలో 10% వాటాను విక్రయించాడు. మోదీ భార్య శిల్పి కంపెనీ బోర్డులో ఉండగా, ఆయన కుమారుడు వేదాంత్ కంపెనీ చీఫ్ మార్కెటింగ్ ఆఫీసర్‌గా ఉన్నారు.
రవి మోదీ తండ్రికి కోల్‌కతాలో చిన్న బట్టల దుకాణం ఉండేది. రవి మోదీ కూడా చిన్నప్పటి నుంచి తండ్రికి సాయం చేసేవాడు. 13 ఏళ్ల నుంచి నిత్యం దుకాణానికి రావడం ప్రారంభించాడు. తొమ్మిదేళ్లుగా షాపులో పనిచేస్తూనే అమ్మకాలలోని చిక్కుముడులు తెలుసుకున్నారు. ఈ సమయంలో, అతను కోల్‌కతాలోని సెయింట్ జేవియర్స్ కళాశాల నుండి బి.కామ్ చేశాడు. ఈ విధంగా రవి మోదీ తన సొంత దుకాణంలో సేల్స్‌మెన్‌గా పనిచేశాడు. ఇంతలో తండ్రితో విభేదాలు రావడంతో సొంతంగా ఏదైనా చేయాలనే ఆలోచనలో పడ్డాడు.
తన తల్లి వద్ద నుంచి రూ.10వేలు తీసుకుని రవి మోదీ తన దుకాణాన్ని తెరిచాడు. దానికి తన బిడ్డ పేరు మీద వేదాంత ఫ్యాషన్స్ అని పేరు పెట్టాడు. కంపెనీ భారతీయ వస్త్రాల తయారీని ప్రారంభించింది. ఉత్తరప్రదేశ్, ఒడిశా, బీహార్, మధ్యప్రదేశ్, పశ్చిమ బెంగాల్‌లో రెడీమేడ్ వస్త్రాలు విక్రయించాడు. క్రమంగా అతని దుస్తులను ప్రజలు ఇష్టపడటం ప్రారంభించారు
ఇంతలో, ఒక ఏజెన్సీ బ్రాండ్ పేరుతో మార్కెట్లోకి ప్రవేశించమని సూచించింది. ఇలా 'మాన్యవర్' ఉద్భవించింది. వీరు మొదట విశాల్ మెగా మార్ట్, పాంటలూన్ వంటి పెద్ద దుకాణాలను టార్గెట్ చేశారు. దాని బట్టలు అక్కడ అమ్మడం ప్రారంభించారు. కొంతకాలం తర్వాత అతను తన సొంత దుకాణాన్ని తెరవాలని నిర్ణయించుకున్నాడు. ఒడిశా రాజధాని భువనేశ్వర్‌లో తొలి స్టోర్‌ను ప్రారంభించారు.
2016లో టీమిండియా కెప్టెన్ విరాట్ కోహ్లీ బ్రాండ్ అంబాసిడర్‌గా నియమితులయ్యారు. దీని తర్వాత బ్రాండ్‌కు రెక్కలు వచ్చినట్లు అనిపించింది. ఆ తర్వాత కంపెనీ నటి అనుష్క శర్మ సంతకం చేసి, ఆమెతో కలిసి మహిళా బ్రాండ్ మోహేను మార్కెట్లోకి విడుదల చేసింది. ఎగువ మధ్యతరగతి కోసం త్వమేవ్ బ్రాండ్ దిగువ వర్గానికి మంథన్ బ్రాండ్‌ను ప్రారంభించింది. రణబీర్ సింగ్, అలియా భట్‌లను కూడా కంపెనీ సంతకం చేసింది. కంపెనీ తన IPOను ఫిబ్రవరి 2022లో ప్రారంభించింది. నేడు కంపెనీ మార్కెట్ క్యాప్ రూ.32,354.40 కోట్లు. రవి మోదీ సింప్లిసిటీని ఇష్టపడే వ్యాపారవేత్త. మెట్రో నగరపు సందడికి దూరంగా కోల్‌కతా శివార్లలోని సొసైటీలో నివసిస్తున్నారు.
