ibomma income: మిడిల్ క్లాస్ వాళ్ల ఓటీటీ ప్లాట్‌పామ్ ఐ బొమ్మ గురించి పెద్దగా చెప్పనక్కర్లేదు. ఎందుకంటే ఈ వెబ్ సైట్‌లో రెండు తెలుగు రాష్ట్రాల ప్రజలు ఎన్నో సినిమాలు చూసినా అనుభవం ఉంది. థియేటర్లలో టికెట్ల ధరలు పెరిగిపోవడంతో చాలామంది ఓటీటీ వెబ్ సైట్‌లలో వచ్చే సినిమాలను చూసేందుకు ఇష్టపడుతున్నారు. అయితే ఈ ఓటిటి ప్లాట్ఫామ్స్ సబ్స్క్రిప్షన్ ధరలు కూడా పెరగడంతో చాలామంది ఐబొమ్మలో సినిమాలు చూసేందుకు ఎక్కువగా ఆసక్తి చూపుతున్నారు.
అంతేకాకుండా ఓటీపీ వెబ్ సైట్‌లలో వచ్చే ప్రతి కొత్త సిరీస్, సినిమాలు ఐ బొమ్మలో స్ట్రీమింగ్ అవడంతో మరింత ప్రజాదరణ సంపాదించుకుంది. అయితే చాలామందికి ఈ ఐ బొమ్మ గురించి సందేహాలు ఉన్నాయి. అంతేకాకుండా కొంతమంది అయితే ఈ ఐబొమ్మాలో సినిమాలు ఎవరు పెడతారని గూగుల్లో సెర్చ్ కూడా చేస్తున్నారు.
మరికొంతమంది అయితే ఈ ఐ బొమ్మ ద్వారా ఎంత సంపాదిస్తున్నారు.. ఈ ఐ బొమ్మ వాడడం వల్ల వైరస్ వస్తుందా..లేదా?. అసలు ఐ బొమ్మలో సినిమాలు ఎక్కడి నుండి అప్లోడ్ చేస్తారు?. అనే ప్రశ్నలను గూగుల్లో సెర్చ్ చేస్తున్నారు.
ఇప్పటికీ చాలామందికి ఐ బొమ్మ సైట్‌లో కొత్త సినిమాలు ఎవరు పెడుతున్నారన్న ప్రశ్నకి సమాధానమే దొరకలేదు. దీనిని ఎవరు నడుపుతారు? అనేది కూడా ఎవరు కనిపెట్టలేకపోయారు.
ఇటీవల కొంతమంది టెక్ నిపుణులు తెలిపిన వివరాల ప్రకారం.. ఐ బొమ్మ వెబ్ సైట్‌ని విదేశాల నుంచే నడుపుతున్నారని తెలుస్తోంది. అంతేకాకుండా ఈ సైట్ డొమైన్ బ్లాక్ చేసినప్పటికీ మరో డొమైన్ బుక్ చేసుకుని అందులో సినిమాలు పెడుతున్నట్లు సమాచారం.
అయితే ఇప్పటికే ఐబొమ్మను బ్యాన్ చేయాలని పెద్ద పెద్ద నిర్మాతలు పలుసార్లు పోలీసులకు కంప్లైంట్ చేయగా.. చర్యలు తీసుకున్నప్పటికీ మళ్లీ కొత్త సినిమాలను స్ట్రీమింగ్ చేయడం అందర్నీ ఆశ్చర్యాన్ని గురిచేస్తోంది.
ఐబొమ్మలో పదేపదే సినిమాలు చూడడం వల్ల మొబైల్ లేదా కంప్యూటర్లో వైరస్ డౌన్‌లోడ్ అయ్యే అవకాశాలు ఉన్నాయి. దీనికి కారణంగా అనేక సమస్యలు వస్తాయని టెక్ నిపుణులు చెబుతున్నారు.
నిత్యం ఈ ఐ బొమ్మ వెబ్ సైట్‌లలో లక్షలాదిమంది సినిమాలు చూస్తున్నారు. దీని కారణంగా సైట్‌కి గూగుల్ పదేపదే అడ్వర్టైజ్మెంట్లను కూడా అందిస్తోంది. దీంతో లక్షలకు లక్షలుగా ఆదాయం జనరేట్‌ అయ్యే ఛాన్స్‌ ఉంది.
ఐ బొమ్మలో పదేపదే సినిమాలు చూడడం చట్టరీత్య నేరమే..సినిమాలు చూడడం క్రైమ్ కిందికి వస్తుంది. అయినప్పటికీ ఏమాత్రం లెక్కచేయకుండా ఐ బొమ్మ వెబ్సైట్లో సినిమాలు చూస్తున్నారు.
