PIB Fact Check: બેરોજગારોને દર મહિને મળે છે 6 હજાર રૂપિયા? જાણો સરકારે શું કહ્યું?

Govt Unemployment Allowance:  કેન્દ્ર સરકાર તરફથી દેશના સામાન્ય નાગરિકો માટે તમામ પ્રકારની યોજનાઓ ચલાવવામાં આવી રહી છે. આ યોજનાઓમાંથી મોટાભાગની યોજનાઓમાં પૈસા લાભાર્થીના ખાતામાં ટ્રાન્સફર કરવામાં આવી રહ્યા છે. પરંતુ સાઈબર ક્રાઈમ કરતા લોકો સમયાંતરે સરકારી યોજનાઓના ભ્રમિત કરતા મેસેજ વાયરલ કરતા રહે છે. હાલમાં આવો જ એક મેસેજ વાયરલ થઈ રહ્યો છે જેના વિશે જાણવું તમારા માટે જરૂરી છે. 

સાવધાન રહેવાની જરૂર
વોટ્સએપ પર વાયરલ થઈ રહેલા આ મેસેજમાં દાવો કરવામાં આવી રહ્યો છે કે પ્રધાનમંત્રી બેરોજગારી ભથ્થા યોજના હેઠળ સરકાર તરફથી બેરોજગાર યુવાઓને દર મહિને 6000 રૂપિયાનું ભથ્થું આપવામાં આવી રહ્યું છે. જો તમારા મોબાઈલ પર આ પ્રકારનો કોઈ મેસેજ આવ્યો હોય તો સાવધાન રહેવાની જરૂર છે. સરકાર તરફથી પણ આ અંગે ટ્વીટ કરીને જાણકારી અપાઈ છે. 

દર મહિને 6000 રૂપિયાનું ભથ્થું?
વોટ્સએપ પર આવતા મેસેજમાં દાવો કરવામાં આવી રહ્યો છે કે મોદી સરકાર પ્રધાનમંત્રી ભથ્થા યોજના હેઠળ બેરોજગાર યુવાઓને દર મહિને 6000 રૂપિયા ભથ્થું આપી રહી છે. મેસેજમાં યોજના માટે રજિસ્ટ્રેશન શરૂ થયું હોવાનો પણ દાવો કરવામાં આવી રહ્યો છે. રજિસ્ટ્રેશન કરવા માટે અપાયેલી લિંક પર ક્લિક કરવાનું કહેવાઈ રહ્યું છે. 

एक वायरल #Whatsapp मैसेज में दावा किया जा रहा है कि प्रधानमंत्री बेरोजगारी भत्ता योजना के तहत सरकार बेरोजगार युवाओं को हर महीने ₹6,000 का भत्ता दे रही है #PIBFactCheck

▶️ यह मैसेज फर्जी है

▶️ भारत सरकार ऐसी कोई योजना नहीं चला रही

▶️ कृपया ऐसे मैसेज फॉरवर्ड ना करें pic.twitter.com/jwqhr6hVk2

— PIB Fact Check (@PIBFactCheck) June 7, 2022

ફેક્ટ ચેક દ્વારા અપાઈ જાણકારી
પીઆઈબી તરફથી ઓફિશિયલ ટ્વિટર એકાઉન્ટ પર ફેક્ટ ચેક દ્વારા જાણકારી આપવામાં આવી છે. પીઆઈબીની ટ્વીટમાં સ્પષ્ટ કરાયું કે સરકાર તરફથી આવી કોઈ યોજના શરૂ કરવામાં આવી નથી. ટ્વીટમાં સ્પષ્ટ લખ્યું છે કે આ મેસેજ ફેક છે અને ભારત સરકાર એવી કોઈ યોજના ચલાવતી નથી. આ સાથે જ પીઆઈબી તરફથી એવી અપીલ પણ કરવામાં આવી કે કૃપા કરીને આવા મેસેજ ફોરવર્ડ ન કરો. 

આ રીતે કરાવી શકાય ફેક્ટ ચેક
તમારી પાસે જો આવા કોઈ પણ મેસેજ આવે તો તમે તેનું ફેક્ટ ચેક (હકીકત) પીઆઈબી (PIB) ના માધ્યમથી કરાવી શકો છો. આ માટે તમારે  https://factcheck.pib.gov.in/  પર વિઝિટ કરવાની રહેશે. આ ઉપરાંત તમે તેના માટે વોટ્સએપ નંબર +918799711259 કે ઈમેઈલ pibfactcheck@gmail.com ઉપર પણ જાણકારી મેઈલ કરી શકો છો.