ટાઇગરે માર્યો જબરદસ્ત પંજો, બોક્સઓફિસ પર મચાવી ધમાલ

નવી દિલ્હી : માર્ચના છેલ્લા અઠવાડિયામાં રિલીઝ થયેલી ટાઇગર શ્રોફની 'બાગી 2' બોક્સઓફિસ પર ધમાકેદાર કમાણી કરી રહી છે. મળતી માહિતી પ્રમાણે આ ફિલ્મે રિલીઝના પાંચમા દિવસે લગભગ 11 કરોડ રૂ.ની કમાણી કરી છે. આ સાથે જ ફિલ્મની કુલ કમાણી 96.20 કરોડ રૂ. થઈ ગઈ છે. રિલીઝના પહેલા દિવસે જ 25 કરોડ રૂ.ની કમાણી કરનાર આ ફિલ્મને દર્શકોનો જબરદસ્ત રિસ્પોન્સ મળી રહ્યો છે. આ ફિલ્મે દીપિકા પદુકોણની 'પદ્માવત'ના ફર્સ્ટ ડે કલેક્શનનો રેકોર્ડ તોડી નાખ્યો છે. ટાઇગરની આ ફિલ્મ 2018ની બીજી સૌથી મોટી વિકેન્ડ ઓપનર ફિલ્મ બની ગઈ છે. ટ્રેડ એનાલિસ્ટ તરણ આદર્શે 2018ની ટોપ વિકેન્ડ ઓપન ફિલ્મનું લિસ્ટ શેયર કર્યું છે જેમાં આ ફિલ્મનો સમાવેશ થાય છે. 

આ ફિલ્મની સફળતા માટે ફિલ્મમેકર કરણ જોહરે ટ્વિટર પર ટાઇગર શ્રોફને વધામણા આપ્યા છે. ટાઇગર શ્રોફના એક્શન અને દિશા પટણી સાથેની તેની કેમિસ્ટ્રી લોકોને પસંદ પડી છે. 

Kick ass action and the manic magic and sheer sincerity of @iTIGERSHROFF ! Congratulations to Sajid Nadiadwala and his team for this mainstream masala madness!!!! pic.twitter.com/sH55brZUy6

— Karan Johar (@karanjohar) April 3, 2018

ફિલ્મમાં ટાઇગર રણવીર પ્રતાપ સિંહ ઉર્ફે રોનીની ભૂમિકામાં છે અને એક કમાન્ડોની ભૂમિકા ભજવી રહ્યો છે. જ્યારે નેહા (દિશા) તેના કોલેજની લવરની ભૂમિકામાં છે અને તેના લગ્ન બીજા સાથે થઈ જાય છે અને ચાર વર્ષ બાદ બંન્નેની મુલાકાત થાય છે. નેહા, રોની પાસેથી તેની કિડનેપ થયેલી બાળકીને શોધવા માટે મદદ માંગે છે અને અહીંથી સ્ટોરી બદલાઇ જાય છે. ફિલ્મમાં દીપક ડોબરિયાલ અને દિશાના પતિની ભૂમિકામાં છે. પ્રતીક બબ્બર એ દિશાના દિયર સનીની ભૂમિકામાં છે. 

પ્રથમ કડીમાં રોનીને સની પર શંકા જાય છે. પરંતુ નેહાના પતિ શેખરનો રોલ ભજવી રહેલ દર્શન કુમાર રોનીને જણાવે છે કે તેની કોઇ પુત્રી છે જ નહીં. તેવામાં ફિલ્મની સ્ટોરી કોમ્પ્લેક્સ થઈ જાય છે. નવી નવી વાતો સામે આવે છે, પરંતુ આ બધા વચ્ચે શું રોની આ મિસ્ટ્રીને ઉકેલવામાં સફળ થાય છે કે નહીં ? તે માટે તમારે સિનેમાઘરમાં જઈને ફિલ્મ જોવી પડશે.