Corona LIVE : સૌરાષ્ટ્રનાં 2થી વધારે કેસ એવા કે જેને ક્યાંથી ચેપ લાગ્યો તે મોટો કોયડો

રાજકોટ : સરકાર દ્વારા આજે લોકડાઉનનાં બીજા તબક્કાની શરૂઆત થઇ ચુકી છે. જો કે સૌરાષ્ટ્રમાં પણ કોરોનાના કેસમાં સતત વધારો થઇ રહ્યો છે. જો કે સૌરાષ્ટ્રમાં કેટલાક કોરોના પોઝિટિવ કેસએવા પણ આવ્યા છે જેની કોઇ હિસ્ટ્રી મળતી નથી. તેઓને સંક્રમણ ક્યાંથી લાગ્યું હોઇ શકે છે તે અંગે તંત્ર હજી પણ અંધારામાં છે.

જામનગરનાં 14 માસના બાળકની વાત કરીએ તો કોરોનાથી તેનું મૃત્યું થયું હતું. આ બાળક જામનગરથી તો ઠીક ઘરથી પણ એટલું બહાર નિકળેલું નથી. તેના માતા પિતાના રિપોર્ટ પણ નેગેટિવ આવ્યા છે. તો પછી આ બાળકને ચેપ કઇ રીતે લાગ્યો તે એક મોટો સવાલ છે. પાડોશમાં પણ કોઇ કોરોના પોઝિટિવ આવ્યું નથી.

ભાવનગરનાં ઘોઘારોડ જકાતનાકા પાસે 70 વર્ષીય વૃદ્ધ જસુભાઇ ઝાંબુચાનો કોરોના પોઝિટિવ આવ્યો હતો. જો કે જસુભાઇ કોઇ એવા વ્યક્તિના સંપર્કમાં આવ્યા નથી કે બહાર પણ ખુબ જ ઓછા ગયા હતા. જસુભાઇએ 7 એપ્રીલે કોરોના પર વિજય મેળવ્યો હતો. હોસ્પિટલમાંથી રજા આપવામાં આવી હતી. જો કે આરોગ્ય વિભાગને હજી સુધી આની કોઇ જ કડી મળી નથી.