વિધાનસભાની વાતઃ પ્રાંતિજમાં કેવા છે હાલના સમીકરણો? જાણો આ વખતે પરિવર્તન કે પુનરાવર્તન

ઝી બ્યૂરો, અમદાવાદઃ પ્રાંતિજ વિધાનસભા બેઠક સાબરકાંઠા જિલ્લામાં આવે છે. જિલ્લામાં પ્રાંતિજ સિવાય 3 બીજી બેઠક છે. જેના નામ છે હિંમતનગર, ઈડર, ખેડબ્રહ્મા છે. જ્યારે ભિલોડા, અરવલ્લી અને બાયડ અરવલ્લી જિલ્લામાં આવે છે. સાબરકાંઠા જિલ્લો ગુજરાત રાજ્યના ઉત્તર-પૂર્વી ભાગમાં  આવેલો છે.

પ્રાંતિજ બેઠક ભાજપનો ગઢ છે:
પ્રાંતિજ બેઠક પર ભાજપનો દબદબો છે. કેમ કે 1990થી 2007 સુધી અહીંયા ભાજપને જ જીત મળી હતી. જોકે 2012ની ચૂંટણીમાં ભાજપનો પરાજય થયો હતો. પરંતુ 2017ની ચૂંટણીમાં ભાજપે આ બેઠક જીતી લીધી હતી. 1998 અને 2002ની ચૂંટણીમાં ભાજપના દીપસિંહ રાઠોડે બેઠક પર જીત મેળવી હતી. જ્યારે 2002ની ચૂંટણીમાં જયસિંહજી ચૌહાણે જીતનો ઝંડો ફરકાવ્યો હતો.

વિધાનસભા ચૂંટણીઓમાં પ્રાંતિજ બેઠકનો ટ્રેક રેકોર્ડ:
વર્ષ  વિજેતા ઉમેદવાર            પક્ષ

1962  શાંતુભાઈ પટેલ           કોંગ્રેસ

1967  એન. એ. ઝાલા              સ્વતંત્ર

1972  ગોપાલદાસ પટેલ       કોંગ્રેસ

1975  દીપસિંહ રાઠોડ          અપક્ષ

1980  મગનભાઈ પટેલ           જેએનપી

1985  ગોવિંદભાઈ પટેલ        કોંગ્રેસ

1990  વિરેન્દ્રસિંહ ઝાલા      ભાજપ

1995  વિરેન્દ્રસિંહ ઝાલા      ભાજપ

1998  દીપસિંહ રાઠોડ          ભાજપ

2002  દીપસિંહ રાઠોડ         ભાજપ

2007  જયસિંહજી ચૌહાણ     ભાજપ

2012  મહેન્દ્રસિંહ બારૈયા      કોંગ્રેસ

2017  ગજેન્દ્રસિંહ પરમાર     ભાજપ

પ્રાંતિજ બેઠક પર મતદારો:
પ્રાંતિજ બેઠક પર કુલ 3 લાખ 61 હજાર મતદારો છે. જેમાંથી 1 લાખ 26 હજાર 209 પુરુષ મતદારો છે અને 1 લાખ 17 હજાર 138 મહિલા મતદારો છે.

2017નું પરિણામ:
2017માં યોજાયેલી ગુજરાત વિધાનસભાની ચૂંટણીમાં પ્રાંતિજ બેઠક પરથી ભાજપના પરમાર ગજેન્દ્ર સિંહની જીત થઈ હતી. તેમનો મુકાબલો કોંગ્રેસના બારૈયા મહેન્દ્રસિંહ કછારસિંહ સાથે હતો.