આયશાનો આ અંતિમ સંવાદ સાંભળીને જલ્લાદ પણ રડી પડે...જાણો મોતના ઠીક પહેલાં આયશાના મનમાં શું ચાલતું હતું...

ઝી બ્યૂરો, અમદાવાદઃ અમદાવાદના રિવરફ્રન્ટ ખાતે સાબરમતી નદીમાં કુદીને આત્મહત્યા કરતા પહેલાં આયશા આરીફ ખાન મકરાણીએ એક વીડિયો બનાવીને પોતાની વ્યથા તેમાં વ્યક્ત કરી હતી. બોલીવુડનો કોઈ રાઈટર કે ડાયરેક્ટર ન લખી શકે તેવી સ્ક્રિપ્ટ આયશાએ મરતા પહેલાં પોતાના માટે તૈયાર કરી...પહેલાં તે રિવરફ્રન્ટ પર પહોંચી...આમ તેમ જોયું...જ્યાં કોઈની અવરજવર નહોંતી આયશાએ એવી જગ્યા પસંદ કરી...અને પછી કેટલાંય સમયથી જે એના મનમાં ચાલતું હતું તે બધું જ એક સાથે એક વીડિયોમાં તેણે કહી દીધું. અને ત્યાર બાદ લગાવી દીધી મોતની છલાંગ...

આત્મહત્યા પહેલાં આયશાએ પોતાના માતા-પિતા સાથે વાત કરી એમા તેણે કહ્યું કે તેના પતિ આરીફે કહ્યું છેકે, તું મરને જા તો વીડિયો બના કે ભેજ દેના તો મેરે કો પુલિસ ન લે જાયે...એટલે તે આવો વીડિયો બનાવીને આપે છે...અને કહી છેકે, હાં તો ઠીક હૈ મૈં મરને જા રહી હું તુમ્હારે વહાં કોઈ નહીં આયેગા.. આયશાનો પતિ તેને પહેલાંથી જ નફરત કરતો હોવાનો એક ટિકટોક સામે આવ્યો છે. જેમાં તેનો પતિ પોતે જ એ વાત કબુલે છે. જેમાં તેનો પતિ એવું પણ કબુલે છેકે, એક દિવસ એવો આવશે જ્યારે તુ રોઈશ, તડપીશ પણ તને ક્યાંય ખુશી નહીં મળે.

સાબરમતી નદીમાં કુદીને આત્મહત્યા કરતા પહેલાં આયશાએ જે વીડિયો બનાવ્યો એમાં બે મિનિટ અને ચાર સેકન્ડના આ વીડિયોમાં આયશા ત્રણ થી ચાર વાર એવું કહેતા જોવા મળી કે મૈં ખુશ હું... જોકે, તેના ચહેરા પરના ખોટા સ્મિતની પાછળ છુપાયેલું તેનું સાચું દર્દ તેની આંખોમાં સ્પષ્ટ જોવા મળી રહ્યું હતું. એટલું જ નહીં તેના કરકશ અવાજમાં પણ એ દર્દ છલકાઈ રહ્યું હતું. આયશાના આપઘાતનો આ કિસ્સો સમાજના દરેક લોકોને કંઈક શીખ આપે છે. કયારેય નહીં ભુલાય આયશાનો આ અંતિમ સંવાદ...