વર્લ્ડ બેડમિન્ટન ચેમ્પિયનશિપઃ સાઇના નેહવાલ ક્વાર્ટર ફાઇનલમાં, કિદાંબી હાર્યો

નવી દિલ્હીઃ સ્ટાર ભારતીય શટલર કિદાંબી શ્રીકાંતને વર્લ્ડ બેડમિન્ટન ચેમ્પિયનશિપના પ્રી-ક્વાર્ટર ફાઇનલમાં હારનો સામનો કરવો પડ્યો છે. ગુરૂવારે તેને બિન-વરણી પ્રાપ્ત મલેશિયાના ડૈરન લ્યૂએ હરાવી દીધો. 

પાંચમી રેન્કિંગ પ્રાપ્ત શ્રીકાંતે ગત વર્ષે ચાર ટાઇટલ પોતાના નામે કર્યા હતા. આ મેચમાં શ્રીકાંતને સીધા સેટમાં 18-21, 18-21 હારનો સામનો કરવો પડ્યો. પૂર્વ વિશ્વ નંબર 10 આ મેચ માત્ર 41 મિનિટમાં પોતાના નામે કરી લીધો. 

લંડન ઓલંમ્પિકમાં બ્રોન્ઝ મેડલ જીતનાર સાઇના નેહવાલે પોતાનો મેચ જીતીને આગામી રાઉન્ડમાં જગ્યા બનાવી. મહિલા સિંગલ્સના પ્રી-ક્વાર્ટર ફાઇનલ મેચમાં તેણે થાઇલેન્ડની રતચાનોક ઇંતાનોનને સીધી ગેમ્સમાં હરાવી.

સાઇનાએ 2015 અને 2017માં આ ટૂર્નામેન્ટમાં ક્રમશઃ સિલ્વ અને બ્રોન્ઢ મેડલ જીત્યો હતો. તેણે આ મેચ 21-16, 21-19થી જીતી. ક્વાર્ટર ફાઇનલમાં તેનો મુકાબલો ઓલંમ્પિક ચેમ્પિયન બે વારની વર્લ્ડ ચેમ્પિયન સ્પેનની કૈરોલિના મારિનને સામે થશે. 

સાઇનાએ મેચ બાદ કહ્યું, આ જીત ખૂબ મહત્વપૂર્ણ છે. તે (ઇંતાનોન) સારી ખેલાડી છે, તે વાપસી કરવા માટે જાણીતી છે. બીજો સેટ મારા પક્ષમાં જઈ રહ્યો હતો પરંતુ તેણે શાનદાર વાપસી કરી અને સ્કોર 19-19 સુધી પહોંચાડી દીધો. આ સમયે ગોપી સરે મહત્વપૂર્ણ ભૂમિકા નિભાવી. તેમણે મને જણાવ્યું કે શું કરવું છે અને મેં તેમ જ કર્યું અને મેચ મારા પક્ષમાં આવી ગયો. 

આ પહેલા ભારતીય મિક્સ્ડ ડબલ્સ જોડી સાત્વિક સાઇરાજ અને અશ્વિની પોનપ્પાએ પણ જીત મેળવી. તેમણે વિશ્વની સાતમાં નંબરની મલેશિયાઇ જોડી ગો સૂન હુઆત અને શેવન જૈમી લીને હરાવી. આ જોડીએ 20-22, 21-14, 21-16 જીત હાસિલ કરી.