રાજ્યના મુખ્યમંત્રી વિજય રૂપાણીએ આજે 'મુખ્યમંત્રી સાથે મોકળા મને' કાર્યક્રમમાં સીધો સંવાદ કરશે. આ કાર્યક્રમમાં મુખ્યમંત્રી દિવ્યાંગ લોકો સાથે સંવાદ કરશે. મુખ્યમંત્રી રૂપાણી દર મહિને આ કાર્યક્રમ યોજે છે. જેમાં મુખ્યમંત્રી રાજ્યના અલગ-અલગ વિષય પર અને જુદા-જુદા સમુદાયો સાથે મોકળા મને વાતચીત કરે છે. આ કાર્યક્રમમાં રાજ્યના ‘દિવ્યાંગ’ બાળકોની વિવિધ સંસ્થાઓના 54 જેટલા દિવ્યાંગ બાળકો મુખ્યમંત્રી વિજય રૂપાણી સાથે રૂબરૂ મુલાકાત કરીને સીધો સંવાદ કરશે.જે સમાજમાં દિવ્યાંગો પ્રત્યે સંવેદના ન હોય તે સમાજ સંસ્કારી ગણાતો નથી ત્યારે દિવ્યંગો પ્રત્યે સંવેદના ધરાવતા મુખ્યમંત્રી આ કાર્યક્રમમાં માનસિક, શારીરિક દિવ્યાંગો તથા અનાથ બાળકો સાથે મોકળા મને સંવાદ કરશે. આ બાળકો દિવ્યાંગ હોવા છતાં, વિવિધ પ્રવૃત્તિઓમાં રસ લઇ ઉત્સાહભેર આગળ વધી વિશેષ ઉપલબ્ધિઓ પ્રાપ્ત કરી છે.