વડોદરા પાસે સાવલી પોલીસે કનોડા પોઈચા પાસેથી વિદેશી દારૂનો મોટો જથ્થો ઝડપી પાડ્યો છે. પોલીસને ટેમ્પોમાંથી ઈંગ્લિશ દારૂનો જથ્થો મળી આવ્યો હતો. ત્યારે બૂટલેગરોએ અપનાવેલી નવી મોડસ ઓપરેન્ડીથી પોલીસ પણ ચોંકી ગઈ હતી. કારણ કે, બૂટલેગરોએ ટેમ્પોની પાછલી બોડીમાં ચોરખાનું બનાવીને દારૂ સંતાડ્યો હતો. પ્રથમ દ્રષ્ટિએ જોઈએ તો ટેમ્પો એકદમ ખાલી લાગતો હતો. પણ પોલીસે ચેક કરીને જોયું તો ગાડીના ચોર ખાનામાં દારૂ છુપાવાયેલો હતો. સાવલી પોલીસે ટેમ્પોચાલકની ધરપકડ કરી છે.