ಗೃಹಿಣಿಯನ್ನು ಲಕ್ಷಾಧಿಪತಿಯನ್ನಾಗಿಸುತ್ತದೆ ಸರ್ಕಾರದ ಈ ಸ್ಕೀಮ್ ! ನೀವು ಕೂಡಾ ಪಡೆಯಬಹುದು ಲಾಭ

Investment Options for Housewife:ಈ ಸ್ಕೀಮ್ ಮೂಲಕ ಗೃಹಿಣಿಯ ಲಕ್ಷದ ಒಡತಿಯಾಗುವ ಕನಸು ನನಸಾಗಬಹುದು. ಮೂಲಕ ಗೃಹಿಣಿ ಕೂಡಾ ದೊಡ್ಡ ಮೊತ್ತಡ ಹಣವನ್ನು ಸಂಗ್ರಹಿಸುವುದು ಸಾಧ್ಯವಾಗುತ್ತದೆ.

Investment Options for Housewife : ಕೈಯ್ಯಲ್ಲಿ ಒಂದಷ್ಟು ಹಣ ಉಳಿಯಬೇಕು, ಉಳಿಸಬೇಕು ಎನ್ನುವುದು ಎಲ್ಲರ ಹಂಬಲವಾಗಿರುತ್ತದೆ. ಉಳಿತಾಯದ ವಿಷಯದಲ್ಲಿ ಮಹಿಳೆಯರು ಸ್ವಲ್ಪ ಮುಂದೆಯೇ ಇರುತ್ತದೆ. ಹತ್ತು ರೂಪಾಯಿಯಲ್ಲಿ ಒಂದು ರೂಪಾಯಿಯಾದರೂ ಉಳಿಸಬೇಕು ಎನ್ನುವ ಯೋಚನೆಯಲ್ಲಿರುತ್ತಾರೆ. ಇನ್ನು ಗೃಹಿಣಿಯರು ಕೂಡಾ ಉಳಿತಾಯದ ವಿಷಯದಲ್ಲಿ ಹಿಂದೆ ಬೀಳುವುದಿಲ್ಲ. ಮನೆ ಖರ್ಚಿಗೆಂದು ಸಿಗುವ ಹಣದಲ್ಲಿಯೇ ಅಷ್ಟೋ ಇಷ್ಟೋ ಉಳಿತಾಯಕ್ಕೆ ಇಳಿದು ಬಿಡುತ್ತಾರೆ. ಹೀಗೆ ಹನಿ ಹನಿ ಕೂಡಿಸಿ ಹಳ್ಳ ಮಾಡುವ ಮಹಿಳೆಯರಿಗೆಂದೇ ಸರ್ಕಾರ ಕೂಡಾ ಸ್ಕೀಮ್ ವೊಂದನ್ನು ಜಾರಿಗೆ ತಂದಿದೆ. ಈ ಸ್ಕೀಮ್ ಮೂಲಕ ಗೃಹಿಣಿಯ ಲಕ್ಷದ ಒಡತಿಯಾಗುವ ಕನಸು ನನಸಾಗಬಹುದು.  .ಇದಕ್ಕಾಗಿ ಕೇವಲ 500 ಅಥವಾ 1000 ರೂ.ಗಳಿಂದ ಹೂಡಿಕೆಯನ್ನು ಪ್ರಾರಂಭಿಸಿದರೆ ಸಾಕು.  

ಬೇರೆ ಬೇರೆ ಕಾರಣಗಳಿಂದಾಗಿ ಮಹಿಳೆಯರು ಕೆಲಸಕ್ಕೆ ಹೋಗುವುದು ಸಾಧ್ಯವಾಗುವುದಿಲ್ಲ. ಕೆಲಸ ಇಲ್ಲ ಎಂದಾದಾಗ ಆದಾಯವೂ ಇರುವುದಿಲ್ಲ.  ಹೀಗಾದಾಗ ಉಳಿತಾಯ ಹೇಗೆ ಎನ್ನುವ ಪ್ರಶ್ನೆ ಮೂಡುತ್ತದೆ. ಆದರೆ  ಕೇವಲ 1000 ರೂಪಾಯಿಗಳನ್ನು ಹೂಡಿಕೆ ಮಾಡುವ ಮೂಲಕ  ಗೃಹಿಣಿ ಕೂಡಾ ದೊಡ್ಡ ಮೊತ್ತಡ ಹಣವನ್ನು ಸಂಗ್ರಹಿಸುವುದು ಸಾಧ್ಯವಾಗುತ್ತದೆ. 

ಇದನ್ನೂ ಓದಿ : ಗಣೇಶ ಚತುರ್ಥಿ ಹಬ್ಬದಂದು ತುಸು ಏರಿಕೆ ಕಂಡ ಚಿನ್ನದ ದರ! 10 ಗ್ರಾಂ ಬಂಗಾರದ ಬೆಲೆ ಇವತ್ತೆಷ್ಟಿದೆ?

ಅನೇಕ ಯೋಜನೆಗಳಲ್ಲಿ ಹಣವನ್ನು ಹೂಡಿಕೆ ಮಾಡಬಹುದು  : 
ಇಂದು ಕಡಿಮೆ ಹಣದಿಂದಲೂ ಹೂಡಿಕೆಯನ್ನು ಪ್ರಾರಂಭಿಸಬಹುದಾದ ಕೆಲವು ಸ್ಕೀಮ್ ಗಳ ಬಗ್ಗೆ ಮಾಹಿತಿ ನೀಡುತ್ತಿದ್ದೇವೆ. PPF ಅಂದರೆ ಸಾರ್ವಜನಿಕ ಭವಿಷ್ಯ ನಿಧಿ, SIP ಮತ್ತು RD ಸೇರಿದಂತೆ ಹಲವು ಆಯ್ಕೆಗಳಿವೆ. ಅಲ್ಲಿ ನೀವು ಹಣವನ್ನು ಹೂಡಿಕೆ ಮಾಡಬಹುದು. 

ಸಾರ್ವಜನಿಕ ಭವಿಷ್ಯ ನಿಧಿ (. PPF) :
ಗೃಹಿಣಿಯರು PPF ಅಂದರೆ ಸಾರ್ವಜನಿಕ ಭವಿಷ್ಯ ನಿಧಿ ಯೋಜನೆಯಲ್ಲಿ ಹಣವನ್ನು ಹೂಡಿಕೆ ಮಾಡಬಹುದು. ಈ ಯೋಜನೆಯಲ್ಲಿ ಕನಿಷ್ಠ 500 ಮತ್ತು ಗರಿಷ್ಠ 1.5 ಲಕ್ಷ ರೂ.ವರೆಗೆ ಹೂಡಿಕೆ ಮಾಡಬಹುದು. ಈ ಸಮಯದಲ್ಲಿ, ಸರ್ಕಾರವು ಶೇಕಡಾ 7.1 ರ ದರದಲ್ಲಿ ಬಡ್ಡಿಯ ಲಾಭವನ್ನು ನೀಡುತ್ತದೆ. ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ ಯೋಜನೆಯಲ್ಲಿ 15 ವರ್ಷಗಳ ಕಾಲ ನಿರಂತರವಾಗಿ ಹೂಡಿಕೆ ಮಾಡಬೇಕು. ನಂತರ ಸಂಪೂರ್ಣ ಹಣವನ್ನು ಬಡ್ಡಿಯೊಂದಿಗೆ  ಹಿಂತಿರುಗಿಸಲಾಗುತ್ತದೆ. 

ಇದನ್ನೂ ಓದಿ : ಹಣಕಾಸಿಗೆ ಸಂಬಂಧಿಸಿದ ಈ 5 ಕೆಲಸಗಳ ಅಂತಿಮ ಗಡುವು ಇದೆ ತಿಂಗಳು ಮುಕ್ತಾಯಗೊಳ್ಳುತ್ತಿವೆ, ತಪ್ಪಿದರೆ ಭಾರಿ ಹಾನಿ!

1000 ರೂಪಾಯಿಯಿಂದ ಹೂಡಿಕೆ : 
15 ವರ್ಷಗಳವರೆಗೆ ಪ್ರತಿ ತಿಂಗಳು 1000 ರೂಗಳನ್ನು ಠೇವಣಿ ಮಾಡಿದರೆ, ಒಂದು ವರ್ಷದಲ್ಲಿ 12,000 ಮತ್ತು 15 ವರ್ಷಗಳಲ್ಲಿ 1,80,000 ಠೇವಣಿ ಮಾಡಿದಂತೆ ಆಗುತ್ತದೆ. ಇದರ ಬಡ್ಡಿಯಾಗಿ 1,45,457 ರೂಪಾಯಿಗಳನ್ನು ಪಡೆಯಬಹುದು.  ಅಂದರೆ ಮೆಚ್ಯೂರಿಟಿ ಅವಧಿಯಲ್ಲಿ ಒಟ್ಟು 3,25,457 ರೂಪಾಯಿಗಳು ನಿಮ್ಮ ಕೈ ಸೇರುತ್ತದೆ. 

SIPನಲ್ಲಿಯೂ ಹೂಡಿಕೆ ಮಾಡಬಹುದು : 
 ಹೂಡಿಕೆ ಮಾಡಲು ಗೃಹಿಣಿಯ ಬಾಲಿ ಇರುವ ಮತ್ತೊಂದು ಆಯ್ಕೆಯೆಂದರೆ ಮ್ಯೂಚುವಲ್ ಫಂಡ್‌ಗಳಲ್ಲಿ SIP ಮಾಡುವುದು. ಇತ್ತೀಚಿನ ದಿನಗಳಲ್ಲಿ ಜನರು SIP ಅನ್ನು ಹೆಚ್ಚು ಇಷ್ಟಪಡುತ್ತಿದ್ದಾರೆ. ಇದರಲ್ಲಿ ಹಣವನ್ನು ಹೂಡಿಕೆ ಮಾಡುವ ಮೂಲಕ ದೊಡ್ಡ ಮಟ್ಟದ ಲಾಭವನ್ನು ಪಡೆಯಬಹುದು.  SIP ನಲ್ಲಿ ರಿಟರ್ನ್ ಅಥವಾ ಬಡ್ಡಿ ಬಗ್ಗೆ ಮಾತನಾಡುವುದಾದರೆ, ಸರಾಸರಿ ಇದು ಸುಮಾರು 12 ಶೇಕಡಾ. ಈ ಬಡ್ಡಿ ಹೆಚ್ಚು ಅಥವಾ ಕಡಿಮೆ ಆಗಬಹುದು. 

SIP ನಲ್ಲಿ ಸಿಗುವ ರಿಟರ್ನ್ ಎಷ್ಟು ? :
ಪ್ರತಿ ತಿಂಗಳು 1000 ರೂಪಾಯಿಗಳ SIP ಮಾಡುತ್ತೀರಿ ಎಂದಿಟ್ಟುಕೊಳ್ಳಿ, 15 ವರ್ಷಗಳಲ್ಲಿ 1,80,000 ರೂಪಾಯಿಗಳನ್ನು ಇಲ್ಲಿ ಹೂಡಿಕೆ ಮಾಡುತ್ತೀರಿ. ನೀವು ಶೇಕಡಾ 12 ರ ದರದಲ್ಲಿ ಬಡ್ಡಿಯನ್ನು ಪಡೆದರೆ,  3,24,576 ರೂ ಬಡ್ಡಿ ನಿಮ್ಮ ಖಾತೆ ಸೇರುತ್ತದೆ. ಈ ಮೂಲಕ 15 ವರ್ಷಗಳಲ್ಲಿ 5,04,576 ರೂ. ಆದಾಯ ಗಳಿಸಬಹುದು. 

ಇದನ್ನೂ ಓದಿ : 6 ಲಕ್ಷಕ್ಕಿಂತ ಕಡಿಮೆ ಬೆಲೆಯ ಈ SUV... ಎಷ್ಟೆಲ್ಲಾ ವೈಶಿಷ್ಟ್ಯಗಳಿವೆ ಗೊತ್ತಾ?

RD ಸಹ ಅತ್ಯುತ್ತಮ ಆಯ್ಕೆ : 
ಇದಲ್ಲದೆ, ನೀವು ಸಂಪೂರ್ಣವಾಗಿ ಸುರಕ್ಷಿತ ಆಯ್ಕೆಯನ್ನು ಬಯಸಿದರೆ ಬ್ಯಾಂಕ್‌ನಲ್ಲಿ ಆರ್‌ಡಿಯನ್ನು ತೆರೆಯಬಹುದು. ಹೂಡಿಕೆದಾರರು ಆರ್‌ಡಿಯಲ್ಲಿ ಸ್ಥಿರ ಲಾಭವನ್ನು ಪಡೆಯುತ್ತಾರೆ. ಅಲ್ಪಾವಧಿಗೆ ಹೂಡಿಕೆ ಮಾಡುವುದಾದರೆ  RD ಅತ್ಯುತ್ತಮ ಆಯ್ಕೆಯಾಗಿದೆ. 5 ವರ್ಷಗಳ ಕಾಲ ಅಂಚೆ ಕಚೇರಿಯಲ್ಲಿ ಆರ್‌ಡಿ ಮಾಡಿಸಿಕೊಳ್ಳಬಹುದು. ಇದರ ಮೇಲೆ ನೀವು ಸುಮಾರು 6.5 ಶೇಕಡಾ ದರದಲ್ಲಿ ಬಡ್ಡಿಯ ಲಾಭವನ್ನು ಪಡೆಯಬಹುದು.  

ಉದಾಹರಣೆಗೆ, ನೀವು 1000 ರೂ.ಯಂತೆ 5 ವರ್ಷಗಳಲ್ಲಿ  60,000 ಹೂಡಿಕೆ ಮಾಡಿದರೆ ಮುಕ್ತಾಯದ ಮೇಲೆ 70,989 ಪಡೆಯುತ್ತೀರಿ. ನೀವು ಈ ಹಣವನ್ನು ಹಿಂಪಡೆಯಬಹುದು ಅಥವಾ ಅದನ್ನು ಎಫ್‌ಡಿಯಲ್ಲಿ ಠೇವಣಿ ಮಾಡಬಹುದು.