Google Pay Fact Check: ಇದು ಡಿಜಿಟಲ್ ಯುಗ. ಪ್ರಸ್ತುತ ಜನರು ತಮ್ಮ ಬಹುತೇಕ ಸಮಯವನ್ನು ಸೋಶಿಯಲ್ ಮೀಡಿಯಾಗಳಲ್ಲಿ ಕಳೆಯುತ್ತಾರೆ. ಅಲ್ಲಿ ಅವರಿಗೆ ಮನರಂಜನೆ ಜೊತೆಗೆ ಕೆಲವು ಅಗತ್ಯ ಮಾಹಿತಿಗಳೂ ಲಭ್ಯವಾಗುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ಜನರನ್ನು ವಂಚಿಸಲು, ವಂಚಕರು ಈ ಮಾಧ್ಯಮವನ್ನು ವ್ಯಾಪಕವಾಗಿ ಬಳಸುತ್ತಾರೆ. ಹಾಗಾಗಿಯೇ, ಸಾಮಾಜಿಕ ಮಾಧ್ಯಮದಲ್ಲಿ ಕಂಡುಬರುವ ಪ್ರತಿಯೊಂದು ಮಾಹಿತಿಯನ್ನು ನೀವು ಚೆನ್ನಾಗಿ ಪರಿಶೀಲಿಸಿದ ನಂತರ ಪರಿಗಣಿಸಬೇಕು. ಇತ್ತೀಚೆಗೆ, ಸಾಮಾಜಿಕ ಮಾಧ್ಯಮದಲ್ಲಿ ಒಂದು ಪೋಸ್ಟ್ ಸಖತ್ ವೈರಲ್ ಆಗುತ್ತಿದೆ, ಅದರಲ್ಲಿ ನಿಮ್ಮ Google Pay ಪಾವತಿಯಲ್ಲಿ ನೀವು ಯಾವುದೇ ಸಮಸ್ಯೆಯನ್ನು ಎದುರಿಸಿದರೆ, ನೀವು ಅದರ ಬಗ್ಗೆ ದೂರು ನೀಡಲು ಸಹ ಸಾಧ್ಯವಿಲ್ಲ, ಏಕೆಂದರೆ ಗೂಗಲ್ ಪೇಗೆ ಆರ್‌ಬಿಐನಿಂದ ಪಾವತಿ ಅಪ್ಲಿಕೇಶನ್‌ನ ಪರವಾನಗಿ ಲಭ್ಯವಾಗಿಲ್ಲ ಎಂಬ ಸುದ್ದಿ ಹರಿದಾಡುತ್ತಿದೆ. ಈ ಮಾಹಿತಿ ಸತ್ಯವೇ? ಈ ಬಗ್ಗೆ ಇಲ್ಲಿದೆ ಮಾಹಿತಿ.
ವೈರಲ್ ಸಂದೇಶದ ಏನು ಹೇಳುತ್ತದೆ?
ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಅಡಿಯಲ್ಲಿ ಪಾವತಿ ವ್ಯವಸ್ಥೆಯಾಗಿ ಆರ್‌ಬಿಐನಿಂದ ಗೂಗಲ್ ಪೇ ಅನ್ನು ಅಧಿಕೃತಗೊಳಿಸಲಾಗಿಲ್ಲ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿರುವ ಸಂದೇಶದಲ್ಲಿ ಉಲ್ಲೇಖಿಸಲಾಗಿದೆ. GPay ಅಂದರೆ ಗೂಗಲ್ ಪೇ ಮೂಲಕ ಪಾವತಿ ಮಾಡುವಾಗ ನೀವು ಯಾವುದೇ ಸಮಸ್ಯೆಯನ್ನು ಎದುರಿಸಿದರೆ, ನೀವು ಅದರ ಬಗ್ಗೆ ದೂರು ನೀಡಲು ಸಹ ಸಾಧ್ಯವಿಲ್ಲ ಎಂದು ಈ ಸಂದೇಶದಲ್ಲಿ ಎಚ್ಚರಿಸಲಾಗಿದೆ. ಅಷ್ಟೇ ಅಲ್ಲದೇ, ಈ ವೈರಲ್ ಸಂದೇಶದಲ್ಲಿ, ದೆಹಲಿ ಹೈಕೋರ್ಟ್‌ನಲ್ಲಿ ಆರ್‌ಬಿಐ ಈ ಮಾಹಿತಿಯನ್ನು ನೀಡಿದೆ ಎಂದು ಹೇಳಲಾಗಿದೆ. ಇದರಲ್ಲಿ ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಅವರ ಚಿತ್ರವನ್ನೂ ಬಳಸಲಾಗಿದೆ.
ಇದನ್ನೂ ಓದಿ- JioMart ಬಿಗ್ ಡಿಸ್ಕೌಂಟ್- ಇಂದು iPhone 14ರಲ್ಲಿ ಸಿಗುತ್ತಿದೆ ಭಾರೀ ರಿಯಾಯಿತಿ
ಈ ಸಂದೇಶ ಎಷ್ಟು ಸತ್ಯ?
ಸರ್ಕಾರಿ ಸಂಸ್ಥೆ ಪಿಐಬಿ, ಈ ವೈರಲ್ ಸಂದೇಶವನ್ನು ಸತ್ಯ-ಪರಿಶೀಲಿಸುವಾಗ, ಈ ಹಕ್ಕು ಸಂಪೂರ್ಣವಾಗಿ ನಕಲಿ ಮತ್ತು ಅದರಲ್ಲಿ ಯಾವುದೇ ಸತ್ಯವಿಲ್ಲ ಎಂದು ಹೇಳಿದೆ. ಅಧಿಕೃತ ಪಾವತಿ ಸೇವಾ ಪೂರೈಕೆದಾರರಾಗಿ NPCI ನಿಂದ Google Pay ಪರವಾನಗಿ ಪಡೆದಿದೆ ಎಂದು ಪಿಐಬಿ ಸ್ಪಷ್ಟಪಡಿಸಿದೆ.
Claim: #GooglePay is not authorized by the @RBI as a payment system under the National Payments Corporation of India (NPCI)#PIBFactCheck
✅This claim is #Fake
✅ According to the @NPCI_NPCI, Google Pay is an authorized #UPI payment services provider
🔗https://t.co/TbJ39cVP2j pic.twitter.com/Ps6UAd2Sco
— PIB Fact Check (@PIBFactCheck) November 6, 2022
ಇದನ್ನೂ ಓದಿ- Honda City: ಹೋಂಡಾ ಸಿಟಿಗೆ 60 ಸಾವಿರ ಡಿಸ್ಕೌಂಟ್, ಈ 4 ಕಾರುಗಳ ಮೇಲೂ ಭರ್ಜರಿ ರಿಯಾಯಿತಿ!
ಎನ್‌ಪಿಸಿಐ ಹೇಳಿದ್ದೇನು?
ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ಈ ಪೋಸ್ಟ್‌ಗೆ ಸಂಬಂಧಿಸಿದಂತೆ, ಎನ್‌ಪಿಸಿಐ ಕೂಡ ಈ ಸಂದೇಶವು ಸಂಪೂರ್ಣವಾಗಿ ನಕಲಿ ಎಂದು ಹೇಳಿಕೆ ನೀಡಿದೆ. Google Pay ಅನ್ನು ಥರ್ಡ್ ಪಾರ್ಟಿ ಆಪ್ ಪ್ರೊವೈಡರ್ (TPAP) ಎಂದು ವರ್ಗೀಕರಿಸಲಾಗಿದೆ ಎಂದು ನಾವು ಸ್ಪಷ್ಟಪಡಿಸಲು ಬಯಸುತ್ತೇವೆ ಎಂದು NPCI ಹೇಳಿದೆ. ಇದು ಇತರ ಹಲವು ಪಾರ್ಟಿಗಳಂತೆ, ಬ್ಯಾಂಕಿಂಗ್ ಪಾಲುದಾರರ ಭಾಗವಾಗಿರುವ UPI ಪಾವತಿ ಸೇವೆಗಳನ್ನು ಸಹ ಒದಗಿಸುತ್ತದೆ ಮತ್ತು UPI ಚೌಕಟ್ಟಿನ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ ಎಂದು ಎನ್‌ಪಿಸಿಐ ತಿಳಿಸಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
