ಚಿನ್ನ ಮತ್ತು ಬೆಳ್ಳಿ ದರದಲ್ಲಿ ಭಾರಿ ಇಳಿಕೆ..! ಆಭರಣ ಕೂಡಲೇ ಕೊಳ್ಳಲು ಸುವರ್ಣಾವಕಾಶ..!

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಬಜೆಟ್‌ನಲ್ಲಿ ಆಮದು ಸುಂಕವನ್ನು ಶೇಕಡಾ 6 ಕ್ಕೆ ಇಳಿಸಿದಾಗಿನಿಂದ ಚಿನ್ನ ಮತ್ತು ಬೆಳ್ಳಿಯ ಬೆಲೆಯಲ್ಲಿ ನಿರಂತರ ಇಳಿಕೆ ಕಂಡುಬರುತ್ತಿದೆ. ಕಳೆದ ಕೆಲವು ವಹಿವಾಟು ಅವಧಿಗಳಲ್ಲಿಯೇ ಚಿನ್ನ 6000 ರೂ.ಗಿಂತ ಹೆಚ್ಚು ಮತ್ತು ಬೆಳ್ಳಿ 10000 ರೂ.ಗಿಂತ ಹೆಚ್ಚು ಕುಸಿದಿದೆ. ಹೀಗಿರುವಾಗ ಚಿನ್ನ, ಬೆಳ್ಳಿ ಖರೀದಿಗೆ ಸರಿಯಾದ ಸಮಯ ಬಂದಿದೆಯೇ ಅಥವಾ ಖರೀದಿಸಲು ಇನ್ನೆಷ್ಟು ಕಾಯಬೇಕು ಎಂದು ಜನ ಕೇಳುತ್ತಿದ್ದಾರೆ. ಹಬ್ಬದ ಸೀಸನ್ ಆರಂಭವಾಗಲಿದ್ದು, ಇದಕ್ಕೂ ಮುನ್ನ ಚಿನ್ನ, ಬೆಳ್ಳಿ ಅಗ್ಗವಾಗುತ್ತಿರುವುದರಿಂದ ಜನರ ನಿರೀಕ್ಷೆಗೆ ರೆಕ್ಕೆಪುಕ್ಕ ಬಂದಿದೆ. ಚಿನ್ನ ಮತ್ತು ಬೆಳ್ಳಿ ಅಗ್ಗವಾಗಿರುವುದರಿಂದ ಜನರು ಮದುವೆಗೆ ಚಿನ್ನಾಭರಣಗಳನ್ನು  ಬುಕ್ ಮಾಡಲು ಪ್ರಾರಂಭಿಸಿದ್ದಾರೆ.

MCX ನಲ್ಲಿ ಎಷ್ಟಿದೆ ಬೆಲೆ?

ಜುಲೈ 22 ರಂದು, ಬಜೆಟ್‌ಗೆ ಒಂದು ದಿನ ಮೊದಲು, MCX ನಲ್ಲಿ ಚಿನ್ನದ ದರವು 10 ಗ್ರಾಂಗೆ 72718 ರೂ. ಅದೇ ರೀತಿ ಬೆಳ್ಳಿಯ ದರ ಪ್ರತಿ ಕೆಜಿಗೆ 89203 ರೂ. ಜುಲೈ 22ರಿಂದ ಅದರಲ್ಲಿ ನಿರಂತರ ಕುಸಿತ ಕಾಣುತ್ತಿದೆ. ಜುಲೈ 25 ರ ವಹಿವಾಟಿನಲ್ಲಿ, MCX ನಲ್ಲಿ ಚಿನ್ನದ ಬೆಲೆ 1117 ರೂಪಾಯಿಗಳಷ್ಟು ಕುಸಿದಿದೆ ಮತ್ತು 10 ಗ್ರಾಂಗೆ 67835 ರೂಪಾಯಿಗಳಿಗೆ ಟ್ರೆಂಡಿಂಗ್ ಆಗಿದೆ. ಅದೇ ರೀತಿ ಬೆಳ್ಳಿ ಬೆಲೆ 2976 ರೂಪಾಯಿ ಇಳಿಕೆಯಾಗಿದ್ದು, 10 ಗ್ರಾಂ ಬೆಳ್ಳಿ 81918 ರೂಪಾಯಿಗೆ ಟ್ರೆಂಡ್ ಆಗಿದೆ. ಒಂದು ಬಾರಿ ಬೆಳ್ಳಿಯ ದರ 92000 ರೂ.ಗಿಂತ ಹೆಚ್ಚಿತ್ತು.

https://ibjarates.com ಬಿಡುಗಡೆ ಮಾಡಿರುವ ದರದ ಪ್ರಕಾರ ಚಿನ್ನ ನಿನ್ನೆಗೆ ಹೋಲಿಸಿದರೆ 1000 ರೂಪಾಯಿ ಕುಸಿದು 10 ಗ್ರಾಂಗೆ 68177 ರೂಪಾಯಿ ತಲುಪಿದೆ. ಅದೇ ರೀತಿ ಬೆಳ್ಳಿಯಲ್ಲಿ ಸುಮಾರು 3000 ರೂ.ಗಳ ಕುಸಿತ ಕಂಡುಬಂದಿದ್ದು, ಪ್ರತಿ ಕೆಜಿಗೆ 81800 ರೂ. ಬಜೆಟ್‌ನಲ್ಲಿ ಆಮದು ಸುಂಕ ಕಡಿತಗೊಳಿಸುವ ಘೋಷಣೆಯ ನಂತರ ಚಿನ್ನ ಮತ್ತು ಬೆಳ್ಳಿಯಲ್ಲಿ ಈ ಕುಸಿತ ಕಂಡುಬರುತ್ತಿದೆ. ಸರ್ಕಾರ ಅದನ್ನು ಶೇ 15ರಿಂದ ಶೇ 6ಕ್ಕೆ ಇಳಿಸಿದೆ.

ಇದನ್ನೂ ಓದಿ : Budget 2024: ನಿತೀಶ್-ನಾಯ್ಡುಗೆ ರಿಟರ್ನ್ ಗಿಫ್ಟ್, ಬಿಹಾರ-ಆಂಧ್ರಕ್ಕೆ ಬಜೆಟ್‌ನಲ್ಲಿ ಬಂಪರ್

ಜುಲೈ 18 ರಂದು ಸುಮಾರು 74000 ರೂಪಾಯಿ ಇದ್ದ ಚಿನ್ನ ಈಗ 68000 ರೂಪಾಯಿಗೆ ಕುಸಿದಿದೆ. ಅದೇ ರೀತಿ ಬಜೆಟ್‌ಗೂ ಮುನ್ನ 91555 ರೂ.ನಲ್ಲಿದ್ದ ಬೆಳ್ಳಿ ಈಗ 81800 ರೂ.ಗೆ ಇಳಿದಿದೆ. ಖರೀದಿ ಹೆಚ್ಚಾದಂತೆ ಚಿನ್ನ ಮತ್ತು ಬೆಳ್ಳಿಯ ಬೆಲೆ ಮತ್ತೆ ಏರಿಕೆಯಾಗುವ ಸಾಧ್ಯತೆ ಇದೆ.

ಕೆಡಿಯಾ ಕಮಾಡಿಟೀಸ್‌ನ ಉಪಾಧ್ಯಕ್ಷ ಅಜಯ್ ಕೇಡಿ aಅವರ ಪ್ರಕಾರ ಆಮದು ಸುಂಕವನ್ನು ಕಡಿತಗೊಳಿಸಿದ ನಂತರ, ಎರಡೂ ಅಮೂಲ್ಯವಾದ ಲೋಹಗಳು ನಿರಂತರವಾಗಿ ಇಳಿಯುತ್ತಿವೆ ಎಂದು ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳ ಬಗ್ಗೆ ಹೇಳಿದ್ದಾರೆ. ಚಿನ್ನ ಮತ್ತು ಬೆಳ್ಳಿ ಖರೀದಿಸಲು ಇದು ಉತ್ತಮ ಸಮಯ. ಖರೀದಿಯಲ್ಲಿನ ಹೆಚ್ಚಳದಿಂದಾಗಿ, ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಮತ್ತೆ ಹೆಚ್ಚಾಗಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ.

https://ibjarates.com ಪ್ರಕಾರ , ಗುರುವಾರ 23 ಕ್ಯಾರೆಟ್ ಚಿನ್ನದ ದರ 67904 ರೂ., 22 ಕ್ಯಾರೆಟ್ ಚಿನ್ನ 62450 ರೂ., 18 ಕ್ಯಾರೆಟ್ ಚಿನ್ನ ರೂ. 51133 ಮತ್ತು 14 ಕ್ಯಾರೆಟ್ ಚಿನ್ನ 10 ಗ್ರಾಂಗೆ 39884 ರೂ. ಹೆಚ್ಚಿದ ಖರೀದಿಯಿಂದಾಗಿ ಚಿನ್ನ ಮತ್ತು ಬೆಳ್ಳಿ ಏರಿಕೆಯಾಗಬಹುದು ಎಂದು ಇತರ ತಜ್ಞರು ಹೇಳುತ್ತಾರೆ.

(ಜೀ ಕನ್ನಡ ನ್ಯೂಸ್ ಯಾವುದೇ ಲೋಹದಲ್ಲಿ ಹೂಡಿಕೆ ಮಾಡಲು ಸಲಹೆ ನೀಡುವುದಿಲ್ಲ. ಯಾವುದೇ ಹೂಡಿಕೆ ಮಾಡುವ ಮೊದಲು ನಿಮ್ಮ ಸಲಹೆಗಾರರನ್ನು ಸಂಪರ್ಕಿಸಿ)

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...