UPI ಪೇಮೆಂಟ್ ವೇಳೆ ವಹಿವಾಟು ವಿಫಲವಾದರೂ ಹಣ ಕಡಿತಗೊಂಡರೆ ತಕ್ಷಣವೇ ಮಾಡಿ ಈ ಕೆಲಸ

ಸಾಮಾನ್ಯವಾಗಿ, ವ್ಯವಹಾರ ವಿಫಲವಾದ ನಂತರ ಹಣ ಸ್ವಯಂಚಾಲಿತವಾಗಿ ನಿಮ್ಮ ಖಾತೆಗೆ ಬರುತ್ತದೆ. ಈ ಕೆಲಸವು ಕೆಲವೊಮ್ಮೆ ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ.

File Image

ನವದೆಹಲಿ:  ನಾವು ವೇಗವಾಗಿ ಡಿಜಿಟಲ್ ಇಂಡಿಯಾ (DIgital India) ಕಡೆಗೆ ಸಾಗುತ್ತಿದ್ದೇವೆ. ಜಗತ್ತಿನಲ್ಲಿ ಹಣದ ವ್ಯವಹಾರವು ಹೆಚ್ಚು ಡಿಜಿಟಲ್ ಆಗುತ್ತಿದೆ. ಈಗ ನೀವು ಮನೆಯಲ್ಲಿ ಕುಳಿತು ನಿಮ್ಮ ಮೊಬೈಲ್ ಫೋನ್ ಸಹಾಯದಿಂದ ಶಾಪಿಂಗ್ ಮಾಡಬಹುದು ಅಥವಾ ಕುಳಿತಲ್ಲಿಯೇ ನಿಮ್ಮ ಹಣದ ವಹಿವಾಟು ನಡೆಸಬಹುದು.

ಮೊಬೈಲ್ ಫೋನ್‌ನಿಂದ ಇನ್ನೊಬ್ಬರ ಬ್ಯಾಂಕ್ ಖಾತೆಗೆ ಹಣವನ್ನು ವರ್ಗಾಯಿಸಲು, ನಾವು ಏಕೀಕೃತ ಪಾವತಿ ಇಂಟರ್ಫೇಸ್ ಅನ್ನು ಬಳಸುತ್ತೇವೆ, ಅಂದರೆ ಯುಪಿಐ (UPI). ಯುಪಿಐ ಅನ್ನು ರಾಷ್ಟ್ರೀಯ ಪಾವತಿ ನಿಗಮ (NPCI) ಸಿದ್ಧಪಡಿಸಿದೆ. ಈ ಸಂಪೂರ್ಣ ವ್ಯವಸ್ಥೆಯ ನಿಯಂತ್ರಣ ರಿಸರ್ವ್ ಬ್ಯಾಂಕಿನ ಕೈಯಲ್ಲಿದೆ.

ಮೊಬೈಲ್ ಫೋನ್ ಮೂಲಕ ಒಬ್ಬರ ಬ್ಯಾಂಕ್ ಖಾತೆಗೆ ಹಣವನ್ನು ವರ್ಗಾಯಿಸುವಾಗ,  ಅನೇಕ ಬಾರಿ  ವಹಿವಾಟು ಅಂದರೆ ಹಣ ವರ್ಗಾವಣೆ ವಿಫಲಗೊಳ್ಳುತ್ತದೆ. ಅಂದರೆ ನೀವು ಹಣವನ್ನು ಕಳುಹಿಸಲು ಬಯಸುವ ಖಾತೆಗೆ ಹಣ ಟ್ರಾನ್ಸ್ಫರ್ ಆಗುವುದಿಲ್ಲ. ಆದರೆ ನಿಮ್ಮ ಖಾತೆಯಿಂದ ಹಣವನ್ನು ಕಡಿತಗೊಳಿಸಲಾಗುತ್ತದೆ.

ವಹಿವಾಟುಗಳು ಏಕೆ ವಿಫಲಗೊಳ್ಳುತ್ತವೆ?
ವಹಿವಾಟಿನ ವೈಫಲ್ಯಕ್ಕೆ ಹಲವು ಕಾರಣಗಳಿವೆ. ಮಿತಿಗಿಂತ ಹೆಚ್ಚಿನ ವಹಿವಾಟುಗಳನ್ನು ಮಾಡಿದ ನಂತರ ನಿಮ್ಮ ವ್ಯವಹಾರವು ಅನೇಕ ಬಾರಿ ವಿಫಲಗೊಳ್ಳುತ್ತದೆ ಎಂದು ತಜ್ಞರು ನಂಬುತ್ತಾರೆ. ಹೆಚ್ಚಿನ ಬ್ಯಾಂಕುಗಳು ಯುಪಿಐ ಮೂಲಕ ಪ್ರತಿದಿನ 10 ವಹಿವಾಟುಗಳನ್ನು ಅನುಮತಿಸುತ್ತವೆ. ಅದಕ್ಕಿಂತ ಹೆಚ್ಚಿನ ವಹಿವಾಟು ನಡೆಸುವ ವೇಳೆಯೂ ವಹಿವಾಟು ವಿಫಲಗೊಳ್ಳುವ ಸಾಧ್ಯತೆ ಇದೇ ಎಂದು ಹಲವು ಆರ್ಥಿಕ ತಜ್ಞರು ತಿಳಿಸಿದ್ದಾರೆ.

ಇದಲ್ಲದೆ ನಿಮ್ಮ ಖಾತೆಯಲ್ಲಿನ ಹಣದ ಕೊರತೆ ಅಥವಾ ತಪ್ಪಾದ ಪಿನ್ ಸಂಖ್ಯೆಯನ್ನು ನಮೂದಿಸುವ ಮೂಲಕ ವ್ಯವಹಾರಗಳು ವಿಫಲಗೊಳ್ಳುತ್ತವೆ.

ಆದರೆ ಅನೇಕ ಬಾರಿ ಎಲ್ಲವೂ ಸರಿಯಾಗಿದ್ದರೂ ಸಹ ನಿಮ್ಮ ಖಾತೆಯಿಂದ ಹಣವನ್ನು ಕಡಿತಗೊಳಿಸಿದ ನಂತರ ವ್ಯವಹಾರವು ವಿಫಲಗೊಳ್ಳುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ನಿಮ್ಮ ಹಣವನ್ನು ನಿಮ್ಮ ಖಾತೆಗೆ ಹೇಗೆ ಹಿಂತಿರುಗಿಸಲಾಗುತ್ತದೆ. ಕೆಲವರು ತಮ್ಮ ಹಣವನ್ನು ಪಡೆಯುತ್ತಾರೋ ಇಲ್ಲವೋ ಎಂಬ ಭಯದಲ್ಲಿರುತ್ತಾರೆ. 

ವ್ಯವಹಾರವು ವಿಫಲವಾದ ನಂತರ ಸಾಮಾನ್ಯವಾಗಿ ಹಣವು ನಿಮ್ಮ ಖಾತೆಗೆ ಸೇರುತ್ತದೆ. ಆದರೆ  ಕೆಲವೊಮ್ಮೆ ಇದು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ.

ವಹಿವಾಟು ವಿಫಲವಾದರೆ ಏನು ಮಾಡಬೇಕು?
ನಿಮ್ಮ ಹಣವನ್ನು ಹಿಂತಿರುಗಿಸದಿದ್ದರೆ ನೀವು ಯುಪಿಐ ಅಪ್ಲಿಕೇಶನ್‌ಗೆ ಹೋಗಿ ನಿಮ್ಮ ದೂರನ್ನು ದಾಖಲಿಸಬಹುದು. ಇದಕ್ಕಾಗಿ ನೀವು ಪಾವತಿ ಹಿಸ್ಟರಿ (Payment History) ಆಯ್ಕೆಗೆ ಹೋಗಬೇಕಾಗುತ್ತದೆ. ಇಲ್ಲಿ ನೀವು Raise Dispute ಆಯ್ಕೆಗೆ ಹೋಗಬೇಕು. Raise Dispute ಆಯ್ಕೆಗೆ ಹೋಗಿ ನಿಮ್ಮ ದೂರನ್ನು ಫೈಲ್ ಮಾಡಿ.

ಯುಪಿಐನೊಂದಿಗೆ ನೀವು ಈ ರೀತಿ ವ್ಯವಹರಿಸುತ್ತೀರಿ:
ನಿಮ್ಮ ಮೊಬೈಲ್ ಫೋನ್‌ನಿಂದ ಇನ್ನೊಬ್ಬರ ಬ್ಯಾಂಕ್ ಖಾತೆಗೆ ಹಣವನ್ನು ವರ್ಗಾಯಿಸಲು ನೀವು ಬಯಸಿದರೆ, ನೀವು ಯುಪಿಐನ ಸೇವೆಗಳನ್ನು ಬಳಸಬೇಕಾಗುತ್ತದೆ. ನಿಮ್ಮ ಬ್ಯಾಂಕ್ ಖಾತೆಗೆ ಯುಪಿಐ ಅಪ್ಲಿಕೇಶನ್ ಅನ್ನು ನೀವು ಲಿಂಕ್ ಮಾಡಬೇಕು. ಇದರ ನಂತರ ನೀವು ಅದನ್ನು ನಿಮ್ಮ ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಬೇಕು. ನಿಮ್ಮ ಬ್ಯಾಂಕ್ ಖಾತೆಯಲ್ಲಿ ನೋಂದಾಯಿಸಲಾದ ಅದೇ ಮೊಬೈಲ್ ಸಂಖ್ಯೆಯಲ್ಲಿ ನೀವು ಯುಪಿಐ ಅಪ್ಲಿಕೇಶನ್ ಅನ್ನು ಸಕ್ರಿಯಗೊಳಿಸಬಹುದು.

ಇದರ ನಂತರ, ನೀವು ಹಣದ ವ್ಯವಹಾರಕ್ಕಾಗಿ ಮೊಬೈಲ್ ಸಂಖ್ಯೆಯನ್ನು ಮಾತ್ರ ಬಳಸಬೇಕಾಗುತ್ತದೆ. ನೀವು ಯುಪಿಐನೊಂದಿಗೆ ಯಾವುದೇ ಸಮಯದಲ್ಲಿ ಬ್ಯಾಂಕ್ ಖಾತೆಯಿಂದ ಹಣವನ್ನು ವಹಿವಾಟು ಮಾಡಬಹುದು. ಇಲ್ಲಿ ಹಣವನ್ನು ತಕ್ಷಣ ವರ್ಗಾಯಿಸಲಾಗುತ್ತದೆ.

ಒಂದು ಮೊಬೈಲ್ ಅಪ್ಲಿಕೇಶನ್‌ನೊಂದಿಗೆ ಅನೇಕ ಬ್ಯಾಂಕ್ ಖಾತೆಗಳಿಂದ ವಹಿವಾಟು ನಡೆಸಬಹುದು. ಇಂಟರ್ನೆಟ್ ಸಂಪರ್ಕವಿಲ್ಲದ ಫೋನ್‌ನಲ್ಲಿ 99# ಅನ್ನು ಡಯಲ್ ಮಾಡುವ ಮೂಲಕ ನೀವು ಈ ಸೇವೆಯನ್ನು ಪಡೆಯಬಹುದು.