Tata Group Latest Update: ಬೆಳವಣಿಗೆಯಲ್ಲಿ ಪಾಕಿಸ್ತಾನದ ಅರ್ಥವ್ಯವಸ್ಥೆಯನ್ನೂ ಹಿಂದಿಕ್ಕಿದ ಟಾಟಾ ಸಮೂಹ!

Tata Group Economy: ಭಾರತದ ಮುಂಚೂಣಿಯ ಬಿಸ್ನೆಸ್ ಗ್ರೂಪ್ ಟಾಟಾ ಗ್ರೂಪ್‌ನ ಮಾರುಕಟ್ಟೆ ಮೌಲ್ಯ $365 ಶತಕೋಟಿ ಅಥವಾ 30.3 ಲಕ್ಷ ಕೋಟಿ ರೂ.ಗೆ ತಲುಪಿದೆ (Business News In Kannada).

Tata Group Update: ಭಾರತದ ಮುಂಚೂಣಿಯ ವ್ಯಾಪಾರ ಸಮೂಹ ಟಾಟಾ ಗ್ರೂಪ್ 365 ಬಿಲಿಯನ್ ಡಾಲರ್ ಮೌಲ್ಯದೊಂದಿಗೆ ಪಾಕಿಸ್ತಾನದ ಆರ್ಥಿಕತೆಯನ್ನು ಹಿಂದಿಕ್ಕಿದೆ. ಟಾಟಾ ಸಮೂಹದ ಹಲವು ಕಂಪನಿಗಳ ಷೇರುಗಳು ಕಳೆದ ಒಂದು ವರ್ಷದಲ್ಲಿ ಬಂಪರ್ ರಿಟರ್ನ್ಸ್ ನೀಡುವ ಮೂಲಕ ಹೂಡಿಕೆದಾರರನ್ನು ಮತ್ತಷ್ಟು ಶ್ರೀಮಂತರನ್ನಾಗಿಸಿದೆ. ಟಾಟಾ ಸಮೂಹ ಉಪ್ಪು ತಯಾರಿಕೆಯಿಂದ ಹಿಡಿದು ಸಾಫ್ಟ್‌ವೇರ್‌ವರೆಗಿನ ದೈತ್ಯ ಉತ್ಪಾದನಾ ಕಂಪನಿಯಾಗಿದ್ದು, ಉಬ್ದಿ ಅದರ ನಿವ್ವಳ ಮೌಲ್ಯವು ನೆರೆಯ ಪಾಕಿಸ್ತಾನದ ಆರ್ಥಿಕತೆಗಿಂತ ದೊಡ್ಡದಾಗಿದೆ. ಭಾರತದ ಅತಿದೊಡ್ಡ ವ್ಯಾಪಾರ ಸಂಸ್ಥೆಯಾದ ಟಾಟಾ ಗ್ರೂಪ್‌ನ ಮಾರುಕಟ್ಟೆ ಮೌಲ್ಯ $365 ಶತಕೋಟಿ ಅಥವಾ 30.3 ಲಕ್ಷ ಕೋಟಿ ರೂ.ಗೆ ತಲುಪಿದೆ. (Business News In Kannada)

ಅಂತಾರಾಷ್ಟ್ರೀಯ ಹಣಕಾಸು ನಿಧಿ ಅಥವಾ ಐಎಂಎಫ್ ಪಾಕಿಸ್ತಾನದ ಜಿಡಿಪಿ ಗಾತ್ರ ಸುಮಾರು $341 ಶತಕೋಟಿ ಆಗಿದೆ ಎಂದು ಅಂದಾಜಿಸಿದೆ. ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್, ರೂ 15 ಲಕ್ಷ ಕೋಟಿ ಅಥವಾ $ 170 ಶತಕೋಟಿ ಮಾರುಕಟ್ಟೆ ಮೌಲ್ಯವನ್ನು ಹೊಂದಿದೆ, ಇದು ಭಾರತದ ಎರಡನೇ ಅತಿದೊಡ್ಡ ಕಂಪನಿ ಮಾತ್ರವಲ್ಲದೆ ಪಾಕಿಸ್ತಾನದ ಆರ್ಥಿಕತೆಯ ಅರ್ಧದಷ್ಟು ಭಾಗವನ್ನು ಆವರಿಸಬಲ್ಲದು.

ಸಾಲದ ಹೊರೆಯಲ್ಲಿ ಸಿಲುಕಿರುವ ಪಾಕಿಸ್ತಾನದ ಆರ್ಥಿಕ ಸ್ಥಿತಿ ಕಳೆದ ಕೆಲ ಸಮಯದಿಂದ ಗಂಭೀರವಾಗಿದೆ. ಇತ್ತೀಚಿನ ದಿನಗಳಲ್ಲಿ ಟಾಟಾ ಗ್ರೂಪ್‌ನ ಮಾರುಕಟ್ಟೆ ಕ್ಯಾಪ್ ಗಮನಾರ್ಹವಾಗಿ ಹೆಚ್ಚಾಗಿದೆ ಮತ್ತು ಕಳೆದ ಒಂದು ವರ್ಷದಲ್ಲಿ ಟೈಟಾನ್, ಟಿಸಿಎಸ್ ಮತ್ತು ಟಾಟಾ ಪವರ್ ಜೊತೆಗೆ ಟಾಟಾ ಮೋಟಾರ್ಸ್ ಮತ್ತು ಟ್ರೆಂಟ್ ಷೇರುಗಳ ಏರಿಕೆ ಇದರ ಹಿಂದಿನ ಕಾರಣ ಎನ್ನಲಾಗಿದೆ.

ಕಳೆದ ಒಂದು ವರ್ಷದಲ್ಲಿ ಟಾಟಾ ಸಮೂಹದ ಎಂಟು ಕಂಪನಿಗಳ ಷೇರುಗಳು ಹೂಡಿಕೆದಾರರ ಸಂಪತ್ತನ್ನು ದ್ವಿಗುಣಗೊಳಿಸಿವೆ. ಟಾಟಾ ಗ್ರೂಪ್ ಷೇರು ಮಾರುಕಟ್ಟೆಯಲ್ಲಿ 25 ಕಂಪನಿಗಳನ್ನು ಪಟ್ಟಿ ಮಾಡಿದ್ದು, ಅದರಲ್ಲಿ ಒಂದು ಮಾತ್ರ ಕಳೆದ ಒಂದು ವರ್ಷದಲ್ಲಿ ಹೂಡಿಕೆದಾರರಿಗೆ ನಕಾರಾತ್ಮಕ ಆದಾಯ ನೀಡಿದೆ.

ಇದನ್ನೂ ಓದಿ-ಒಂದೇ ವರ್ಷದ ಸ್ಥಿರ ಠೇವಣಿ ಮೇಲೆ ಜಬರ್ದಸ್ತ್ ಲಾಭ ಗಳಿಸಬೇಕೆ? ಈ ಸರ್ಕಾರಿ ಬ್ಯಾಂಕ್!

ಸ್ಟಾಕ್ ಮಾರುಕಟ್ಟೆಯ ಹೂಡಿಕೆದಾರರಿಗೆ ಮಲ್ಟಿಬ್ಯಾಗರ್ ರಿಟರ್ನ್ಸ್ ನೀಡುವ ಕಂಪನಿಗಳಲ್ಲಿ ಟಾಟಾ ಸಮೂಹದ ಟ್ರೆಂಟ್ ಲಿಮಿಟೆಡ್ ಅಗ್ರಸ್ಥಾನದಲ್ಲಿದೆ, ಇದು ಹೂಡಿಕೆದಾರರಿಗೆ 1 ವರ್ಷದಲ್ಲಿ 195 ಪ್ರತಿಶತದಷ್ಟು ಲಾಭವನ್ನು ನೀಡಿದೆ, ಆದರೆ ಟಾಟಾ ಇನ್ವೆಸ್ಟ್‌ಮೆಂಟ್ ಕಾರ್ಪೊರೇಶನ್‌ನ ಷೇರುಗಳು ಹೂಡಿಕೆದಾರರಿಗೆ ಶೇಕಡಾ 153 ರಷ್ಟು ಲಾಭವನ್ನು ನೀಡಿದೆ. 

ಇದನ್ನೂ ಓದಿ-ಕೂದಲು ಈ 3 ಕಾರಣಗಳಿಂದ ಬಿಳಿಯಾಗುತ್ತವೆ, ನೈಸರ್ಗಿಕವಾಗಿ ಹೇಗೆ ಸರಿಪಡಿಸಬೇಕು ಇಲ್ಲಿ ತಿಳಿಯಿರಿ!

ಟಾಟಾ ಮೋಟಾರ್ಸ್ ಷೇರುಗಳು ಒಂದು ವರ್ಷದಲ್ಲಿ 113 ಪ್ರತಿಶತ ಆದಾಯವನ್ನು ನೀಡಿದೆ. ಟಾಟಾ ಪವರ್ ಕಂಪನಿಯ ಷೇರುಗಳು ಒಂದು ವರ್ಷದಲ್ಲಿ ಹೂಡಿಕೆದಾರರಿಗೆ ಶೇ. 83 ರಷ್ಟು ಲಾಭವನ್ನು ನೀಡಿವೆ, ಇಂಡಿಯನ್ ಹೋಟೆಲ್ ಷೇರುಗಳು ಶೇ. 67 ರಷ್ಟು ಆದಾಯವನ್ನು ನೀಡಿವೆ ಮತ್ತು ಟೈಟಾನ್ ಷೇರುಗಳು ಶೇ. 45 ರಷ್ಟು ಆದಾಯವನ್ನು ನೀಡಿದೆ. 

ಇದನ್ನೂ ನೋಡಿ-