ಸ್ಥಿರ ಠೇವಣಿ ವಿಷಯದಲ್ಲಿ ಗ್ರಾಹಕರ ನೆಚ್ಚಿನ ಬ್ಯಾಂಕ್ ಗಳು ಯಾವುವು ಗೊತ್ತಾ?

Best Bank For FD: ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಲ್ಲಿ ಎಫ್‌ಡಿ ವಿಷಯದಲ್ಲಿ, ಎಸ್‌ಬಿಐನ ಮಾರುಕಟ್ಟೆ ಪಾಲು ಶೇಕಡಾ 36 ರಷ್ಟು ಪಾಲನ್ನು ಹೊಂದಿದೆ. ಖಾಸಗಿ ವಲಯದ ಬ್ಯಾಂಕ್‌ಗಳಲ್ಲಿ, ಹೂಡಿಕೆದಾರರಿಗೆ ಎಫ್‌ಡಿ ಮಾಡಲು HDFC ಅತ್ಯಂತ ಆದ್ಯತೆಯ ಬ್ಯಾಂಕ್ ಆಗಿದೆ. (Busines News In Kannada)

ಬೆಂಗಳೂರು: ಒಂದು ವರ್ಷಕ್ಕೂ ಹೆಚ್ಚು ಕಾಲ ಬಡ್ಡಿದರಗಳ ಹೆಚ್ಚಳದ ನಂತರ, ಹೂಡಿಕೆದಾರರ ಒಲವು FD ಯತ್ತ ವೇಗವಾಗಿ ಹೆಚ್ಚಾಗುತ್ತಿದೆ. ಆದರೆ ಹೂಡಿಕೆದಾರರು ತಮ್ಮ ಹಣವನ್ನು ಯಾವ ಬ್ಯಾಂಕ್‌ಗಳಲ್ಲಿ ಹೆಚ್ಚು ಠೇವಣಿ ಇಡಲು ಇಷ್ಟಪಡುತ್ತಿದ್ದಾರೆ ನಿಮಗೆ ತಿಳಿದಿದೆಯಾ? ಕೇಂದ್ರೀಯ ಬ್ಯಾಂಕ್ ಈ ಕುರಿತು ದತ್ತಾಂಶ ಹಂಚಿಕೊಂಡಿದೆ. 2022 ರ ಹಣಕಾಸು ವರ್ಷದ ಆರ್‌ಬಿಐ ಅಂಕಿಅಂಶಗಳ ಪ್ರಕಾರ, 7 ಸಾರ್ವಜನಿಕ ವಲಯದ ಬ್ಯಾಂಕುಗಳು ಮತ್ತು 3 ಖಾಸಗಿ ವಲಯದ ಬ್ಯಾಂಕುಗಳು ಒಟ್ಟು ಠೇವಣಿಗಳ ಶೇಕಡಾ 76 ರಷ್ಟು ಪಾಲನ್ನು ಹೊಂದಿವೆ. ಹೂಡಿಕೆದಾರರು ಪ್ರಮುಖ ಸಾರ್ವಜನಿಕ ವಲಯದ ಬ್ಯಾಂಕುಗಳು ಮತ್ತು ಖಾಸಗಿ ಬ್ಯಾಂಕುಗಳಲ್ಲಿ ಹೂಡಿಕೆ ಮಾಡಲು ಬಯಸುತ್ತಾರೆ. (Business News In Kannada)

ಎಸ್‌ಬಿಐನ ಮಾರುಕಟ್ಟೆ ಪಾಲು ಶೇಕಡಾ 36 ರಷ್ಟಿದೆ
ಹೂಡಿಕೆಗಾಗಿ ಗ್ರಾಹಕರು ಎಸ್‌ಬಿಐಗೆ ಹೆಚ್ಚು ಆದ್ಯತೆ ನೀಡುತ್ತಿದ್ದಾರೆ. ಶೇ. 23  ರಷ್ಟು ವಿವಿಧ ಅವಧಿಯ ಎಫ್‌ಡಿಗಳನ್ನು ಇದರಲ್ಲಿ ಠೇವಣಿ ಮಾಡಲಾಗುತ್ತದೆ. ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಲ್ಲಿ ಎಫ್‌ಡಿ ವಿಷಯದಲ್ಲಿ, ಎಸ್‌ಬಿಐನ ಮಾರುಕಟ್ಟೆ ಪಾಲು ಶೇಕಡಾ 36 ರಷ್ಟಿದೆ. ಖಾಸಗಿ ವಲಯದ ಬ್ಯಾಂಕ್‌ಗಳಲ್ಲಿ, ಹೂಡಿಕೆದಾರರಿಗೆ ಎಫ್‌ಡಿ ಮಾಡಲು HDFC ಅತ್ಯಂತ ಆದ್ಯತೆಯ ಬ್ಯಾಂಕ್ ಆಗಿದೆ. ವಿಭಿನ್ನ ಅವಧಿಯ FD ಗಳಲ್ಲಿ ಒಟ್ಟು ಬ್ಯಾಂಕ್ ಠೇವಣಿಗಳ 8 ಪ್ರತಿಶತವನ್ನು ಹೊಂದಿರುವ ಈ ಬ್ಯಾಂಕ್ ಖಾಸಗಿ ವಲಯದ ಬ್ಯಾಂಕ್‌ಗಳಲ್ಲಿ ಎಫ್‌ಡಿ ವಿಷಯದಲ್ಲಿ ಮಾರುಕಟ್ಟೆಯ ಶೇ.28 ರಷ್ಟು ಪಾಲನ್ನು ಹೊಂದಿದೆ.

ಎಸ್‌ಬಿಐ ನಂತರ ಹೂಡಿಕೆದಾರರು ಕೆನರಾ ಬ್ಯಾಂಕ್‌ಗೆ ಆದ್ಯತೆ ನೀಡಿದ್ದಾರೆ
ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಲ್ಲಿ, ಎಸ್‌ಬಿಐ ನಂತರ, ಹೂಡಿಕೆದಾರರು ಕೆನರಾ ಬ್ಯಾಂಕ್ ಮತ್ತು ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ಹೂಡಿಕೆ ಮಾಡಲು ಆದ್ಯತೆ ನೀಡಿದ್ದಾರೆ. ಈ ಎರಡೂ ಸಾರ್ವಜನಿಕ ವಲಯದ ಬ್ಯಾಂಕುಗಳು,  ಎಲ್ಲಾ ಅವಧಿಗಳಲ್ಲಿ ಒಟ್ಟು ಬ್ಯಾಂಕ್ ಠೇವಣಿಗಳಲ್ಲಿ 7 ಪ್ರತಿಶತ ಪಾಲನ್ನು ಹೊಂದಿವೆ. ಸಾರ್ವಜನಿಕ ವಲಯದ ಬ್ಯಾಂಕುಗಳಲ್ಲಿ, ಕೆನರಾ ಮತ್ತು ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾದ FD ಯಲ್ಲಿನ ಮಾರುಕಟ್ಟೆ ಪಾಲು ಕ್ರಮವಾಗಿ 12 ಶೇಕಡಾ ಮತ್ತು 11 ಶೇಕಡಾ ಆಗಿದೆ. ಈ ಎರಡು ಬ್ಯಾಂಕುಗಳ ಬಳಿಕ, ಬ್ಯಾಂಕ್ ಆಫ್ ಬರೋಡಾ ಮತ್ತು ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಎರಡೂ ಎಲ್ಲಾ ಅವಧಿಗಳಲ್ಲಿ ಒಟ್ಟು ಬ್ಯಾಂಕ್ ಠೇವಣಿಗಳಲ್ಲಿ ಶೇ.6 ರಷ್ಟನ್ನು ಹೊಂದಿವೆ.

ಇದನ್ನೂ ಓದಿ-ಕಡಿಮೆ ಹೂಡಿಕೆಯಲ್ಲಿ ಈ ಹಣ್ಣಿನ ಕೃಷಿ ಆರಂಭಿಸಿ, ಮಾರುಕಟ್ಟೆಯಲ್ಲಿ ಇದಕ್ಕಿದೆ ಭಾರಿ ಡಿಮ್ಯಾಂಡ್, ಬಂಪರ್ ಹಣಗಳಿಕೆ ಪಕ್ಕಾ!

ICICI ನಲ್ಲಿ FD ಮಾಡಲು ಇಷ್ಟ
ಖಾಸಗಿ ವಲಯದ ಬ್ಯಾಂಕ್‌ಗಳಲ್ಲಿ ಎಚ್‌ಡಿಎಫ್‌ಸಿ ನಂತರ, ಹೂಡಿಕೆದಾರರು ಐಸಿಐಸಿಐ ಬ್ಯಾಂಕ್‌ನಲ್ಲಿ ಎಫ್‌ಡಿಗೆ ಆದ್ಯತೆ ನೀಡಿದ್ದಾರೆ. ಇದರಲ್ಲಿ, ನಿಶ್ಚಿತ ಠೇವಣಿಗಳಲ್ಲಿ ಖಾಸಗಿ ಬ್ಯಾಂಕ್‌ಗಳ ಮಾರುಕಟ್ಟೆ ಪಾಲು ಎಲ್ಲಾ ಅವಧಿಗಳಲ್ಲಿ ಒಟ್ಟು ಬ್ಯಾಂಕ್ ಠೇವಣಿಗಳ 6 ಪ್ರತಿಶತ ಮತ್ತು 19 ಪ್ರತಿಶತ ಆಗಿದೆ. ಎಫ್‌ಡಿಗಾಗಿ ಹೂಡಿಕೆದಾರರು ಆದ್ಯತೆ ನೀಡುವ ಟಾಪ್ 10 ಬ್ಯಾಂಕ್‌ಗಳ ಪಟ್ಟಿಯಲ್ಲಿ ಆಕ್ಸಿಸ್ ಬ್ಯಾಂಕ್ ಮೂರನೇ ಸ್ಥಾನದಲ್ಲಿದೆ. ಇದರಲ್ಲಿ, ನಿಶ್ಚಿತ ಠೇವಣಿಗಳಲ್ಲಿ ಖಾಸಗಿ ಬ್ಯಾಂಕ್‌ಗಳ ಮಾರುಕಟ್ಟೆ ಪಾಲು ಶೇಕಡಾ 5 ರಷ್ಟಿದೆ ಮತ್ತು ಎಲ್ಲಾ ಅವಧಿಗಳಲ್ಲಿ ಖಾಸಗಿ ಬ್ಯಾಂಕುಗಳ ಮಾರುಕಟ್ಟೆ ಪಾಲು ಶೇಕಡಾ 5 ರಷ್ಟಿದೆ.

ಇದನ್ನೂ ಓದಿ-October 2023 ರಲ್ಲಿ ಇಷ್ಟು ದಿನಗಳವರೆಗೆ ಬ್ಯಾಂಕ್ ಗೆ ರಜೆ ಇರಲಿದೆ, ನೋಟ್ ಮಾಡ್ಕೊಳ್ಳಿ, ಸುಮ್ನೆ ಟೈಮ್ ವೆಸ್ಟ್ ಆಗಲ್ಲ!

ಹೂಡಿಕೆದಾರರು ಎಫ್‌ಡಿಯಲ್ಲಿ ಹೂಡಿಕೆ ಮಾಡಲು ಆದ್ಯತೆ ನೀಡುವ ಟಾಪ್ 10 ಬ್ಯಾಂಕ್‌ಗಳ ಪಟ್ಟಿಯಲ್ಲಿ ಕೊನೆಯ ಎರಡು ಬ್ಯಾಂಕ್‌ಗಳೆಂದರೆ ಬ್ಯಾಂಕ್ ಆಫ್ ಇಂಡಿಯಾ ಮತ್ತು ಇಂಡಿಯನ್ ಬ್ಯಾಂಕ್. ಈ ಎರಡೂ ಬ್ಯಾಂಕ್ ಗಳು  ಎಲ್ಲಾ ಅವಧಿಗಳಲ್ಲಿ ಒಟ್ಟು ಬ್ಯಾಂಕ್ ಠೇವಣಿಗಳಲ್ಲಿ 4 ಪ್ರತಿಶತವನ್ನು ಹೊಂದಿವೆ. ಇವೆರಡೂ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಲ್ಲಿನ ಸ್ಥಿರ ಠೇವಣಿಗಳಲ್ಲಿ ಶೇಕಡಾ 6 ರಷ್ಟು ಮಾರುಕಟ್ಟೆ ಪಾಲನ್ನು ಹೊಂದಿವೆ.

ಇದನ್ನೂ ನೋಡಿ-