ವಿನೋದ್‌ ಹಾಗೂ ನನ್ನ ನಡುವೆ ಇರುವ ಆತ್ಮೀಯತೆ ನಮಗಿಬ್ಬರಿಗಷ್ಟೇ ಗೊತ್ತು : ಶಿವಣ್ಣ

Shivarajkumar on Leelavathi : ಸ್ಯಾಂಡಲ್‌ವುಡ್‌ ಹಿರಿಯ ಜೀವ, ನಟಿ ಡಾ. ಲೀಲಾವತಿಯವರು ಆನಾರೋಗ್ಯದಿಂದ ಮನೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ನಟ ದರ್ಶನ್‌, ಅರ್ಜುನ್‌ ಸರ್ಜಾ ಸೇರಿದಂತೆ ಹಲವು ನಟ ನಟಿಯರು ಅವರ ಮೆನೆಗೆ ಭೇಟಿ ಕೊಟ್ಟು ಆರೋಗ್ಯ ವಿಚಾರಿಸುತ್ತಿದ್ದಾರೆ. ಇನ್ನು ನಿನ್ನೆ ಶಿವರಾಜ್‌ಕುಮಾರ್‌ ಅವರ ಪತ್ನಿ ಗೀತಾ ಜೊತೆ ಬಂದು ಲೀಲಮ್ಮನ ಆರೋಗ್ಯ ವಿಚಾರಿಸಿದರು.

Leelavathi : ಚಂದನವನದ ಹಿರಿಯ ನಟಿ ಲೀಲಾವತಿಯವರು ತಮ್ಮ ಅದ್ಭುತ ನಟನೆಯ ಮೂಲಕ ಅಪಾರ ಅಭಿಮಾನಿಗಳ ಮನಗೆದ್ದಿದ್ದಾರೆ. ಇತ್ತೀಚಿಗೆ ವಯೋಸಹಜ ಕಾಯಿಲೆಗಳಿಂದ ಹಾಸಿಗೆ ಹಿಡಿದಿರುವ ಲೀಲಮ್ಮನ ಆರೋಗ್ಯ ವಿಚಾರಿಸಲು ಸ್ಯಾಂಡಲ್‌ವುಡ್‌ ದಂಡು ಅವರ ಮೆನೆಗೆ ತೆರಳುತ್ತಿದೆ. ನಿನ್ನೆ ಶಿವಣ್ಣ ಸಹ ಲೀಲಾವತಿಯವರ ಆರೋಗ್ಯ ವಿಚಾರಿಸಿ, ವಿನೋದ್‌ ರಾಜ್‌ಕುಮಾರ್‌ ಅವರಿಗೆ ದೈರ್ಯತುಂಬಿದರು.

ನೆಲಮಂಗಲದ ಸೋಲದೇವನಹಳ್ಳಿಯಲ್ಲಿರುವ ಅವರ ತೋಟದಮನೆಗೆ ಭೇಟಿ ನೀಡಿದ ಶಿವರಾಜ್‌ಕುಮಾರ್ ಮತ್ತು ಗೀತಾ ಲೀಲಾವತಿಯವರ ಆರೋಗ್ಯ ವಿಚಾರಿಸಿದರು. ಈ ವೇಳೆ ಮಾಧ್ಯಮದವರೊಂದಿಗೆ ಮಾತನಾಡುವಾಗ, ನನ್ನ ಹಾಗೂ ವಿನೋದ್‌ ಆತ್ಮೀಯತೆ ನಮಗಿಬ್ಬರಿಗಷ್ಟೇ ಗೊತ್ತು, ಅವರು ಧೈರ್ಯವಾಗಿರಬೇಕು. ಲೀಲಾವತಿ ಅಮ್ಮ ನನ್ನ ಧ್ವನಿ ಗುರುತಿಸಿದರು. ಅವರ ಪ್ರೀತಿಯನ್ನು ನಾನು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ಅವರು ಆದಷ್ಟು ಬೇಗ ಗುಣಮುಖರಾಗುತ್ತಾರೆ ಎಂದು ಶಿವಣ್ಣ ಪ್ರಾರ್ಥಿಸಿದರು.

ಇದನ್ನೂ ಓದಿ: ಸಲಾರ್‌ ಕಥೆಯ ಹಿಂಟ್‌ ರಿವಿಲ್‌:‌ ಉಗ್ರಂ ರೀಮೆಕ್‌ ಚರ್ಚೆಗೆ ಬ್ರೇಕ್‌ ಹಾಕಿದ ಪ್ರಶಾಂತ್‌ ನೀಲ್!

ಹೌದು.. ಲೀಲಾವತಿಯವರು ಸುಮಾರು 600ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ ಅದ್ಭುತ ನಟಿ. ಹಾಸಿಗೆ ಹಿಡಿದು ಮಲಗಿರು 87 ವರ್ಷದ ಲೀಲಮ್ಮ ಒಂದು ಕಾಲದಲ್ಲಿ ಸ್ಟಾರ್‌ ನಟಿಯಾಗಿ ಮಿಂಚಿದ್ದಾರೆ. ಕನ್ನಡವಷ್ಟೇ ಅಲ್ಲದೆ, ತಮಿಳು, ತೆಲುಗು, ಮಲಯಾಳಂ ನಟಿಸಿ ಸೈ ಎನಿಸಿಕೊಂಡಿರುವ ಅಪ್ಪಟ ಕನ್ನಡದ ಹಿರಿಯ ಜೀವ.

1950 ಆಸುಪಾಸಿನಲ್ಲಿ ಸಿನಿಪಯಣ ಆರಂಭಿಸಿದ ಲೀಲಾವತಿಯವರಿಗೆ ಕರ್ನಾಟಕ ಸರಕಾರದ ಡಾ. ರಾಜಕುಮಾರ್ ಪ್ರಶಸ್ತಿಯನ್ನು ನೀಡಿ ಗೌರವಿಸಿದೆ. ತುಮಕೂರು ವಿಶ್ವವಿದ್ಯಾಲಯ ಗೌರ ಡಾಕ್ಟರೇಟ್ ಪದವಿಯನ್ನು ನೀಡಿದೆ. ಅಂದಿನ ಕಾಲದಲ್ಲಿ ಡಾ. ರಾಜ್‌ಕುಮಾರ್‌ ಮತ್ತು ಲೀಲಾವತಿಯವರನ್ನು ತೆರೆ ಮೇಲೆ ನೋಡುವುದೇ ಒಂದು ಭಾಗ್ಯವಾಗಿತ್ತು. ಭಕ್ತ ಕುಂಬಾರ, ಸಿಪಾಯಿರಾಮು, ಸಂತ ತುಕಾರಾಂ, ನಂದಾ ದೀಪ, ಗಂಗೆ ಗೌರಿ.. ಒಂದೇ ಎರಡೇ ಸಾಲು ಸಾಲು ಸಿನಿಮಾಗಳು ಇಂದಿಗೂ ಕನ್ನಡಿಗರ ನೆಚ್ಚಿನ ಸಿನಿಮಾಗಳ ಪಟ್ಟಿಯಲ್ಲಿವೆ.