Bigg Boss 10 : ದೊಡ್ಮನೆಯಲ್ಲಿ ʼಪ್ರೀತಿ-ಸ್ನೇಹʼ ಸಮರ..! ವಿನಯ್ Vs ಸಂಗೀತ, ಕಾರ್ತಿಕ್ ಬೆಂಬಲ ಯಾರಿಗೆ..?

Sangeetha Sringeri - Karthik : ದೊಡ್ಮನೆ​ಯಲ್ಲಿ ಪ್ರೀತಿ ಮತ್ತು ಸ್ನೇಹದ ನಡುವೆ ಯುದ್ಧ ನಡೆಯುತ್ತಿದೆ. ವಿನಯ್‌ ಗೌಡ ಮತ್ತು ಸಂಗೀತಾ ಶೃಂಗೇರಿ ಜಗಳ ತಾರಕಕ್ಕೇರುತ್ತಿದೆ. 16 ಜನರಲ್ಲಿ ಬೇರೆ ಯಾರೂ ಕಾಣಸ್ತೀಲ್ವಾ ನಿಂಗೆ.. ಹೋಗಿ ಬೆರಳಾಡಿಸೋಕೆ.. ಅಂತ ವಿನಯ್‌ ಗೆಳೆಯ ಕಾರ್ತಿಕ್‌ ಮೇಲೆ ಗುಡುಗಿದ್ದಾರೆ.

Bigg boss kannada 10

Bigg Boss Kannada season 10 : ಬಿಗ್​ ಬಾಸ್​ ಮನೆ ದಿನದಿಂದ ದಿನಕ್ಕೆ ರಣರಂಗವಾಗುತ್ತಿದೆ. ಸ್ಪರ್ಧಿಗಳ ನಡುವೆ ಪ್ರೀತಿ, ಪ್ರೇಮದ ಜೊತೆ ದ್ವೇಷ ಹೆಚ್ಚುತ್ತಿದೆ. 1 ವಾರದಿಂದ ದೊಡ್ಮನೆ ಮಂದಿ ಮನಸ್ಸು ಬದಲಾಗಿದ್ದು, ಸ್ನೇಹಿತರು ಶತ್ರುಗಳಾಗುತ್ತಿದ್ದಾರೆ, ಶತ್ರುಗಳ ಸ್ನೇಹಿತರಾಗಿದ್ದಾರೆ. 

ಸಧ್ಯ ಸಂಗೀತಾ ಶೃಂಗೇರಿ, ಕಾರ್ತಿಕ್ ನಡುವೆ ಲವ್‌ ಶುರುವಾಗಿದೆ ಅಂತ ನೆಟ್ಟಿಗರು ಮಾತನಾಡಿಕೊಳ್ಳುತ್ತಿದ್ದಾರೆ. ಇದರ ನಡುವೆ ವಿನಯ್‌ - ಸಂಗೀತಾ ಸಮರ ಶಂಖ ಊದಿದ್ದಾರೆ. ಇವರಿಬ್ಬರ ನಡುವೆ ಕಾರ್ತಿಕ್‌ ಯಾರಿಗೆ ಬೆಂಬಲ ನೀಡ್ತಾರೆ ಅಂತ ಕಾಯ್ದು ನೋಡಬೇಕಿದೆ.

ಇದನ್ನೂ ಓದಿ: ನಟ ಪವನ್ ಕಲ್ಯಾಣ್ ಮಾಜಿ ಪತ್ನಿ ರೇಣು ದೇಸಾಯಿ ಎರಡನೇ ಮದುವೆ..!?

ಹೌದು.. ದೊಡ್ಮನೆ​ಯಲ್ಲಿ ಲವ್‌ ಮತ್ತು ಸ್ನೇಹದ ನಡುವೆ ಯುದ್ಧ ನಡೆಯುತ್ತಿದೆ. ವಿನಯ್‌ ಗೌಡ ಮತ್ತು ಸಂಗೀತಾ ಶೃಂಗೇರಿ ಜಗಳ ತಾರಕಕ್ಕೇರುತ್ತಿದೆ. ಇದೀಗ ವಿನಯ್‌ ಗೌಡ್‌ ಕಾರ್ತಿಕ್‌ಗೆ ನೇರವಾಗಿ ಪ್ರಶ್ನೆ ಮಾಡಿದ್ದಾರೆ. ಈ ಕುರಿತು ಬಿಗ್‌ಬಾಸ್‌ ಪ್ರಮೋ ಒಂದನ್ನು ರಿಲೀಸ್‌ ಮಾಡಿದೆ. ಅದರಲ್ಲಿ..

"ಎಲ್ಲಾ ಮೀನುಗಳು ಒಂದು ಕಡೆ ಇದ್ರೆ ನೀನ್‌ ಮಾತ್ರ ಒಂದು ಕಡೆ ಇರ್ತೀಯಾ.. 16 ಜನರಲ್ಲಿ ಬೇರೆ ಯಾರೂ ಕಾಣಸ್ತೀಲ್ವಾ ನಿಂಗೆ.. ಹೋಗಿ ಬೆರಳಾಡಿಸೋಕೆ.. ನಾನ್‌ ಏನ್‌ ಮಾಡಿದಿನಿ ನಿಂಗೆ.. ನಾನಾ ಇಲ್ಲಾ ಅವಳಾ.. ? ವಾರ್‌ ಡಿಕ್ಲೇರ್‌ ಮಾಡಿದಾರೆ ವಾರ್‌ ಮಾಡೋಣ" ಅಂತ ವಿನಯ್‌ ಕಾರ್ತಿಕ್‌ ತರಾಟೆಗೆ ತೆಗೆದುಕೊಂಡರು.

ಇದನ್ನೂ ಓದಿ: ಟೈಟಲ್ ರಿಲೀಸ್ ನಲ್ಲೇ ದಾಖಲೆ ಬರೆದ ಪ್ರಿಯಾಂಕಾ ʼಕ್ಯಾಪ್ಚರ್‌ʼ ಸಿನಿಮಾ..!

ಇತ್ತ ಸಂಗೀತಾ ಶೃಂಗೇರಿ ಸಹ "ಕಾರ್ತಿಕ್‌ ನೀನು ಸಪೋರ್ಟ್‌ ಮಾಡಿದ್ರು ಬಿಟ್ಟು ನಾನು ಹೋರಾಡ್ತೀನಿ" ಅಂತ ಸ್ಪಷ್ಟವಾಗಿ ಹೇಳಿದ್ದು, ಪ್ರೋಮೋದಲ್ಲಿದೆ. ಇದರಿಂದ ದೊಡ್ಡಮನೆಯಲ್ಲಿ ಸ್ನೇಹಿತರ ನಡುವೆ ಯುದ್ಧ ನಡೆಯುತ್ತೆ ಎನ್ನುವುದು ಬಹಳ ಸ್ಪಷ್ಟವಾಗುತ್ತಿದೆ. ಸಧ್ಯ ಕಾರ್ತಿಕ್‌ ವಿನಯ್‌ಗೆ ಬೆಂಬಲ ನೀಡ್ತಾರಾ ಅಥವಾ ಸಂಗೀತಾ ಪರ ನಿಲ್ತಾರಾ ಅಂತ ನೋಡಬೇಕಿದೆ.