Kangana Ranaut Childhood Photos: ಗುಂಗುರು ಕೂದಲಿನ ಶಾಲಾ ಉಡುಗೆ ತೊಟ್ಟಿರುವ ಈ ಮುದ್ದಾದ ಹುಡುಗಿಯ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಫೋಟೋದಲ್ಲಿ, ಹುಡುಗಿ ತನ್ನ ಸೊಂಟದ ಮೇಲೆ ಕೈಯಿಟ್ಟು ಕ್ಯಾಮರಾಗೆ ಪೋಸ್ ನೀಡುತ್ತಿದ್ದಾಳೆ. ಈ ಹುಡುಗಿ ಇಂದು ಬಾಲಿವುಡ್‌ನ 'ಕ್ವೀನ್' ಎನಿಸಿಕೊಂಡಿದ್ದಾರೆ. ಚಿತ್ರಗಳಲ್ಲಿ ನಟಿಸುವುದರ ಜೊತೆಗೆ ತನ್ನ ಸಖತ್ ಸ್ಟೈಲ್‌ಗೆ ಹೆಸರುವಾಸಿಯಾದ ನಟಿ. ನೀವು ಇನ್ನೂ ಈ ಮುದ್ದಾದ ಹುಡುಗಿಯನ್ನು ಗುರುತಿಸದಿದ್ದರೆ, ಅದು ಬೇರೆ ಯಾರೂ ಅಲ್ಲ, ಡ್ಯಾಶಿಂಗ್ ಕ್ವೀನ್ ಕಂಗನಾ ರಣಾವತ್.
ಕಂಗನಾ ರಣಾವತ್ ಅವರ ಬಾಲ್ಯದ ಫೋಟೋ ವೈರಲ್ :
ಕಂಗನಾ ರಣಾವತ್ ಅವರ ಈ ಬಾಲ್ಯದ ಫೋಟೋಗೆ ಅವರ ಅಭಿಮಾನಿಗಳು ಸಾಕಷ್ಟು ಪ್ರೀತಿಯನ್ನು ಸುರಿಸುತ್ತಿದ್ದಾರೆ. ನಟಿ ಕಂಗನಾ ರಣಾವತ್ ಬಾಲ್ಯದ ಈ ಫೋಟೋವನ್ನು ಅವರ ಅಭಿಮಾನಿ ಪುಟವೊಂದು ಹಂಚಿಕೊಂಡಿದೆ, ಜೊತೆಗೆ ಶೀರ್ಷಿಕೆಯನ್ನು ಸಹ ಬರೆಯಲಾಗಿದೆ. ಶೀರ್ಷಿಕೆಯಲ್ಲಿ, ಸಾಮಾನ್ಯ ಜನರು ಕ್ಯಾಮೆರಾ ಮುಂದೆ ಪೋಸ್ ನೀಡಲು ಹಿಂಜರಿಯುತ್ತಾರೆ ಆದರೆ ಸ್ಟಾರ್ ಆಗಿ ಹುಟ್ಟಿದವರು ಡ್ಯಾಶಿಂಗ್ ಪೋಸ್ ನೀಡುತ್ತಾರೆ. ಈ ಫೋಟೋಗೆ ಪ್ರಿಕ್ರಿಯಿಸಿರುವ ಕಂಗನಾ, ಫೋಟೋಶೂಟ್‌ಗಾಗಿ ತರಗತಿಗಳನ್ನು ಬಂಕ್ ಮಾಡುತ್ತಿದ್ದೆ ಎಂದು ಹೇಳಿದ್ದಾರೆ. ಅಲ್ಲದೆ, ತನ್ನ ಹಳ್ಳಿಯ ಶರ್ಮಾ ಅಂಕಲ್ ತನ್ನ ಫೋಟೋಳನ್ನು ಕ್ಲಿಕ್ ಮಾಡುತ್ತಿದ್ದರು ಎಂದು ನಟಿ ಹೇಳಿದರು.
I bunked classes to do photo shoots, there is a small studio in the village called Sharma uncle studio, Sharma uncle really appreciated and encouraged me to click pictures, he made big prints and plastered on his studio walls, everyone who passed his studio spoke about it .. https://t.co/w4m6QZVMFb
— Kangana Ranaut (@KanganaTeam) February 19, 2023
ಇದನ್ನೂ ಓದಿ : Katrina Kaif Pregnancy: ತಾಯಿಯಾಗ್ತಿದ್ದಾರೆ ಬಾಲಿವುಡ್ ನಟಿ ಕತ್ರಿನಾ ಕೈಫ್..! ಈ ಫೋಟೋ ನೋಡಿ
ಬಾಲ್ಯದ ಕಥೆ ಹೇಳಿದ ಕಂಗನಾ!
ಕಂಗನಾ ರಣಾವತ್ ಟ್ವಿಟ್ಟರ್ ಸಹ ಫೋಟೋ ಜೊತೆಗೆ ಬಾಲ್ಯದ ಕಥೆಯನ್ನು ಹೇಳಿದ್ದಾರೆ. "ನಾನು ಫೋಟೋ ಶೂಟ್ ಮಾಡಲು ತರಗತಿಗಳನ್ನು ಬಂಕ್ ಮಾಡಿದ್ದೇನೆ, ಗ್ರಾಮದಲ್ಲಿ ಶರ್ಮಾ ಅಂಕಲ್ ಸ್ಟುಡಿಯೋ ಎಂಬ ಸಣ್ಣ ಸ್ಟುಡಿಯೋ ಇತ್ತು. ಶರ್ಮಾ ಅಂಕಲ್ ಫೊಟೋ ಕ್ಲಿಕ್ಕಿಸಲು ನನ್ನನ್ನು ಪ್ರೋತ್ಸಾಹಿಸಿದರು. ಅವರಿಗೆ ನನ್ನ ಫೋಟೋಗಳು ಇಷ್ಟವಾಗುತ್ತಿದ್ದವು. ಅದನ್ನು ದೊಡ್ಡದಾಗಿ ಪ್ರಿಂಟ್‌ ಮಾಡಿ ಅವರ ಸ್ಟುಡಿಯೋ ಗೋಡೆಗಳ ಮೇಲೆ ಹಾಕುತ್ತಿದ್ದರು" ಎಂದು ಕಂಗನಾ ಬರೆದಿದ್ದಾರೆ.
'ಎಮರ್ಜೆನ್ಸಿ' ಚಿತ್ರದಲ್ಲಿ ಸದ್ಯ ಕಂಗನಾ ಬ್ಯುಸಿಯಾಗಿದ್ದಾರೆ. ಕಂಗನಾ ರಣಾವತ್ ಹೊಸ ಸಿನಿಮಾ ಎಮರ್ಜೆನ್ಸಿ ಚಿತ್ರದಲ್ಲಿ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೇ ಕಂಗನಾ ಅವರ 'ತೇಜಸ್', 'ಮಣಿಕರ್ಣಿಕಾ 2' ಮತ್ತು 'ಟಿಕು ವೆಡ್ಸ್ ಶೇರು' ಚಿತ್ರಗಳು ಬಿಡುಗಡೆಗೆ ಅಣಿಯಾಗಿವೆ.
ಇದನ್ನೂ ಓದಿ : ತಂದೆ - ಮಗ ಇಬ್ಬರ ಜೊತೆಯೂ ರೊಮಾನ್ಸ್ ಮಾಡಿದ ನಟಿಯರಿವರು.!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
