Bigg Boss ಅಲ್ಲಾರಿ.. Fit Boss : ಕನ್ನಡ ಕಿರುತೆರೆ ಲೋಕದಲ್ಲೇ ವಿಭಿನ್ನ ರಿಯಾಲಿಟಿ ಶೋ!

Fit Boss Kannada Reality Show: "ಫಿಟ್ ಬಾಸ್" ಶೀರ್ಷಿಕೆಯ ಕಾರ್ಯಕ್ರಮವನ್ನು ನಡೆಸಲಿದೆ. ಆರೋಗ್ಯಕ್ಕೆ ಮೀಸಲಾದ ವಿಶ್ವದ ಮೊದಲ ಕನ್ನಡ ಭಾಷೆಯ ರಿಯಾಲಿಟಿ ಶೋ ಇದಾಗಲಿದೆ.

Fit Boss : ಆರೋಗ್ಯಕರ ಜೀವನಶೈಲಿಯನ್ನು ಉತ್ತೇಜಿಸುವ ಉದ್ದೇಶದಿಂದ ಕನ್ನಡದ ವಾಹಿನಿಯೊಂದು ವಿಶಿಷ್ಟ ರಿಯಾಲಿಟಿ ಶೋಗೆ ವೇದಿಕೆಯನ್ನು ಸಿದ್ಧಪಡಿಸುತ್ತಿದೆ. ಈ ಬಾರಿ "ಫಿಟ್ ಬಾಸ್" ಶೀರ್ಷಿಕೆಯ ಕಾರ್ಯಕ್ರಮವನ್ನು ನಡೆಸಲಿದೆ. ಆರೋಗ್ಯಕ್ಕೆ ಮೀಸಲಾದ ವಿಶ್ವದ ಮೊದಲ ಕನ್ನಡ ಭಾಷೆಯ ರಿಯಾಲಿಟಿ ಶೋ ಇದಾಗಲಿದೆ. 

ಇದನ್ನೂ ಓದಿ: BBK 10: ಸ್ನೇಕ್‌ ಶ್ಯಾಮ್‌ ಸಮರ್ಥರಾದ್ರೂ ಎಲಿಮಿನೇಟ್‌ ಆಗಲು ಕಾರಣ ಇದೇನಾ?

ಫಿಟ್ ಬಾಸ್ ರಿಯಾಲಿಟಿ ಶೋ ಆರೋಗ್ಯದ ಬಗ್ಗೆ ಜಾಗೃತಿ ಮೂಡಿಸುವ ನಮ್ಮ ಪ್ರಯಾಣದಲ್ಲಿ ಒಂದು ಗಮನಾರ್ಹ ಹೆಜ್ಜೆಯಾಗಿದೆ. ಮೊದಲ ಬಾರಿಗೆ ತೂಕವನ್ನು ಕಳೆದುಕೊಳ್ಳಬೇಕಾದ ವ್ಯಕ್ತಿಗಳಿಗಾಗಿ ತಯಾರಿಸಿದ ಶೋ ಇದಾಗಿದೆ. ಈ ರಿಯಾಲಿಟಿ ಶೋ ನಲ್ಲಿ ಭಾಗವಹಿಸುವವರ ಜೀವನವನ್ನು ಪರಿವರ್ತಿಸುತ್ತದೆ. 'ಫಿಟ್ ಬಾಸ್' ಆಯುಷ್ ಟಿವಿಯಲ್ಲಿ ಸಂಜೆ 7 ರಿಂದ 8 ರವರೆಗೆ ಮತ್ತು ಸಿರಿಕನ್ನಡ ವಾಹಿನಿಯಲ್ಲಿ ರಾತ್ರಿ 8 ರಿಂದ 9 ರವರೆಗೆ ಅಕ್ಟೋಬರ್ 16 ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ಪ್ರಸಾರವಾಗಲಿದೆ.

ಆಡಿಷನ್‌ನಲ್ಲಿ ಸುಮಾರು 2 ಸಾವಿರ ಮಂದಿ ಭಾಗಿಯಾಗಿದ್ದರು. ಇದರಲ್ಲಿ ಸುಮಾರು 100 ಕೆಜಿಗಿಂತ ಹೆಚ್ಚು ತೂಕವಿರುವ 21 ಜನರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. 21 ದಿನಗಳ ಅವಧಿಯಲ್ಲಿ, ಸ್ಪರ್ಧಿಗಳು ವಿವಿಧ ದೈಹಿಕ ಮತ್ತು ಮಾನಸಿಕ ಸವಾಲುಗಳಲ್ಲಿ ಭಾಗವಹಿಸುವಾಗ ತೂಕವನ್ನು ಕಳೆದುಕೊಳ್ಳುತ್ತಾರೆ. ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ 5 ಲಕ್ಷ ನಗದು ಬಹುಮಾನ ನೀಡಲಾಗುವುದು. ಫಿಟ್‌ ಬಾಸ್‌ ಕಾರ್ಯಕ್ರಮವನ್ನು ಪ್ರಶಾಂತ್ ಸಂಬರಗಿ ನಿರೂಪಣೆ ಮಾಡಲಿದ್ದಾರೆ. 

ಇದನ್ನೂ ಓದಿ: Bigg Boss 10 : ಬಿಗ್‌ ಬಾಸ್‌ ನಲ್ಲಿ ಮೊದಲ ವಾರವೇ ಚಿಗುರೊಡೆಯಿತು ಪ್ರೇಮ.!