ಭಾರತದ ಅತ್ಯಂತ ʼಶ್ರೀಮಂತ ಬಾಲನಟಿʼ ಇವರೇ ನೋಡಿ..! ಸ್ಟಾರ್‌ ನಟರಿಗಿಂತಲೂ ಜಾಸ್ತಿ ಈಕೆಯ ಆಸ್ತಿ

Indian richest child actor : ಇತ್ತೀಚಿನ ದಿನಗಳಲ್ಲಿ ನಟ-ನಟಿಯರು ಕೋಟಿ ಕೋಟಿ ರೂ. ಸಂಭಾವನೆ ಪಡೆಯುವ ಮೂಲಕ ಅಚ್ಚರಿ ಮೂಡಿಸುತ್ತಿದ್ದಾರೆ. ಒಂದು ಸಿನಿಮಾ ಹಿಟ್‌ ಆದ್ರೆ ಸಾಕು ಅವರ ಸಂಭಾವನೆ ಮೌಲ್ಯ ಎರಡು ಪಟ್ಟು ಹೆಚ್ಚಾಗುತ್ತದೆ. ಇದು ಬರೀ ನಟಿ ನಟಿಯರಿಗಷ್ಟೇ ಅಲ್ಲ, ಬಾಲ ನಟರಿಗೂ ಅನ್ವಯವಾಗುತ್ತದೆ. ಹಾಗಿದ್ರೆ, ಭಾರತದ ಅತ್ಯಂತ ಶ್ರೀಮಂತ ಬಾಲ ನಟಿ ಯಾರು ಗೊತ್ತಾ ನಿಮ್ಗೆ.. ಬನ್ನಿ ತಿಳಿಯೋಣ..

Sara Arjun : ಸ್ಟಾರ್‌ ನಟರನ್ನು ಮೀರಿಸುವ ಸಂಭಾವನೆಯನ್ನು ಇಂದು ಬಾಲನಟ- ನಟಿಯರು ಪಡೆಯುತ್ತಿದ್ದಾರೆ. ಎಲ್ಲರಿಗೂ ಭಾರತೀಯ ಸಿನಿರಂಗದ ಶ್ರೀಮಂತ ನಟ ಯಾರು ಅಂತ ಕೇಳಿದ್ರೆ ಶಾರುಖ್‌ ಖಾನ್‌ನತ್ತ ಬೆರಳುಮಾಡಿ ತೋರಿಸುತ್ತಾರೆ. ಹಾಗಿದ್ರೆ ಭಾರತೀಯ ಸಿನಿರಂಗದ ಶ್ರೀಮಂತ ಬಾಲ ಕಲಾವಿದರು ಯಾರಿರಬಹುದು..? ಈ ಕುರಿತ ಇಂಟ್ರಸ್ಟಿಂಗ್‌ ಮಾಹಿತಿ ಇಲ್ಲಿದೆ ನೋಡಿ..

ಹೌದು.. ನಟಿ ಸಾರಾ ಅರ್ಜುನ್ 2011 ರಲ್ಲಿ ʼದೈವತಿರುಮಾಲ್‌ʼ ಎಂಬ ತಮಿಳು ಸಿನಿಮಾದ ಮೂಲಕ ನಟನಾವೃತ್ತಿಗೆ ಪಾದಾರ್ಪಣೆ ಮಾಡಿದರು. ನಂತರ ಅದೇ ನಿರ್ದೇಶಕರ ‘ಸೈವಂ’ ಚಿತ್ರದಲ್ಲಿ ಮಗುವಿನ ಪಾತ್ರವನ್ನೂ ಕಾಣಿಸಿಕೊಂಡು ಸಿನಿರಸಿಕರಿಗೆ ಪರಿಚಯವಾದರು. ಅರೇ ಶ್ರೀಮಂತ ಕಲಾವಿದೆ ಅಂತ ಹೇಳಿ ಇವರ ಬಗ್ಗೆ ಯಾಕೆ ಮಾತಾಡ್ತೀದಿನಿ ಅಂದಿಕೊಂಡ್ರಾ.. ಮುಂದೆ ಓದಿ ಎಲ್ಲಾ ನಿಮ್ಗೆ ಅರ್ಥವಾಗುತ್ತದೆ.

ಇದನ್ನೂ ಓದಿ: ಭಾರತದ ಫೈನಲ್ ಪಂದ್ಯ ನೋಡಬೇಡಿ: ಅಭಿಮಾನಿಗಳಿಗೆ ಅಮಿತಾಭ್ ಬಚ್ಚನ್ ಸಲಹೆ

ಸಾರಾ ಖ್ಯಾತ ತಮಿಳು ನಟ ರಾಜ್ ಅರ್ಜುನ್ ಅವರ ಪುತ್ರಿ. ಅವರ ತಾಯಿ ಕೂಡ ಭರತನಾಟ್ಯ ಕಲಾವಿದೆ. ತನ್ನ ತಂದೆಯ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟ ಬಾಲನಟಿ ಇದೀಗ ಹಿರೋಯಿನ್‌ ಆಗಿ ಸಿನಿಮಾದಲ್ಲಿ ಮಿಂಚುತ್ತಿದ್ದಾಳೆ. ಅಲ್ಲದೆ, ಖ್ಯಾತ ನಿರ್ದೇಶಕ ಮಣಿರತ್ನಂ ನಿರ್ದೇಶನದ "ಪೊನ್ನಿಯಿನ್ ಸೆಲ್ವನ್" ಚಿತ್ರದ ಎರಡು ಭಾಗಗಳಲ್ಲಿ ಯುವ ನಂದಿನಿಯಾಗಿ ನಟಿಸುವ ಮೂಲಕ ಭಾರತೀಯ ಸಿನಿರಸಿಕರಿಗೆ ಪರಿಚಯವಾದರು. ಪೊನ್ನಿಯನ್‌ ಸೆಲ್ವನ್‌ ಬಾಕ್ಸ್ ಆಫೀಸ್ನಲ್ಲಿ 800 ಕೋಟಿ ರೂ. ಗಳಿಸಿದೆ. 2005 ರಲ್ಲಿ ಜನಿಸಿದ ಸಾರಾಗೆ ಈಗ 18 ವರ್ಷ ವಯಸ್ಸು.

ಇಷ್ಟೇಲ್ಲಾ ಸಾಧನೆ ಮಾಡಿರುವ ಸಾರಾ ಅರ್ಜುನ್ 2023 ರ ಹೊತ್ತಿಗೆ 10 ಕೋಟಿ ರೂ. ನಿವ್ವಳ ಮೌಲ್ಯದೊಂದಿಗೆ ಭಾರತದ ಅತ್ಯಂತ ಶ್ರೀಮಂತ ಬಾಲನಟಿ ಎಂಬ ದಾಖಲೆಯನ್ನು ಹೊಂದಿದ್ದಾರೆ. ಹೀಗಾಗಿ 10 ವರ್ಷಗಳಲ್ಲಿ ಸಾರಾ ಅವರ ಆಸ್ತಿ ಮೌಲ್ಯ ಜೆಟ್ ವೇಗದಲ್ಲಿ ಏರಿಕೆಯಾಗಿದೆ. ಶಾಲೆಯಲ್ಲಿ ಓದುತ್ತಿರುವಾಗಲೇ ಕೋಟಿಗಟ್ಟಲೆ ಸಂಪಾದನೆ ಮಾಡಿರುವ ಸಾರಾ ಸದ್ಯದಲ್ಲೇ ನಾಯಕಿಯಾಗಿ ಅಭಿಮಾನಿಗಳಲ್ಲಿ ನಿರೀಕ್ಷೆ ಮೂಡಿಸಿದ್ದಾರೆ. ಇವಾಗ ನಿಮ್ಗೆ ನಾನು ಏಕೆ ಸಾರಾ ಬಗ್ಗೆ ಹೇಳಿದೆ ಅಂತ ಅರ್ಥವಾಗಿರಬೇಕು ಅಲ್ವಾ..?

ಇದನ್ನೂ ಓದಿ:ಲಿಯೋ OTT ರಿಲೀಸ್ ಡೇಟ್ ಫಿಕ್ಸ್..! ಮುಂದಿನ ವಾರದಿಂದಲೇ ಸ್ಟ್ರೀಮಿಂಗ್

ಯಸ್‌.. ಭಾರತೀಯ ಶ್ರೀಮಂತ ಕಾಲಾವಿದೆ ಸಾರಾ, ಸದ್ಯ ಎಎಲ್ ವಿಜಯ್ ನಿರ್ದೇಶನದ ಸಿನಿಮಾದ ಮೂಲಕ ನಾಯಕಿಯಾಗಿ ಪಾದಾರ್ಪಣೆ ಮಾಡುತ್ತಿದ್ದಾರೆ ಎಂಬ ಸುದ್ದಿ ಇದೆ. ಅಲ್ಲದೆ, ನಟ ವಿಜಯ್ ಅವರೊಂದಿಗೆ ಮಹಿಳಾ ನಾಯಕಿಯಾಗಿ ಮತ್ತೊಂದು ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ವರದಿಗಳೂ ಇವೆ. ಆದರೆ, ಇದು ಇನ್ನೂ ದೃಢಪಟ್ಟಿಲ್ಲ. ಅದರ ಹೊರತಾಗಿ 18 ವರ್ಷ ತುಂಬಿರುವ ಸಾರಾ ಅರ್ಜುನ್ ತನಗಿಂದ 16 ವರ್ಷ ಹಿರಿಯ ನಟನ ಎದುರು ಸಿನಿಮಾದಲ್ಲಿ ನಟಿಸಲಿದ್ದಾರೆ ಎಂಬ ವರದಿಗಳಿವೆ.