Jawan : ಕಾಲಿವುಡ್‌ ಖ್ಯಾತ ನಿರ್ದೇಶಕ ಅಟ್ಲಿ ನಿರ್ದೇಶನದಲ್ಲಿ ಮೂಡಿಬಂದ ಸಿನಿಮಾ ಜವಾನ್. ಈ ಚಿತ್ರ ಟೈಟಲ್‌ನಿಂದಲೇ ಅಭಿಮಾನಿಗಳಲ್ಲಿ ಕ್ರೇಜ್‌ ಹೆಚ್ಚಿಸಿತ್ತು. ಶೂಟಿಂಗ್‌ ಶುರುವಾಗಿ ಬಿಡುಗಡೆಯಾಗುವವರೆಗೂ ಯಾವುದೇ ಹಿಂಟ್‌ ಬಿಟ್ಟುಕೊಡದೇ ಸಿನಿಮಾ ಕುತುಹಲ ಹೆಚ್ಚಿಸಿತ್ತು.
ಈ ಕುತೂಹಲಕ್ಕೆ ಬ್ರೇಕ್‌ ನೀಡಿ ಬಹುನಿರೀಕ್ಷಿತ ಜವಾನ್ ಸಿನಿಮಾ ಸೆಪ್ಟಂಬರ್‌ 7 ಕ್ಕೆ ರಿಲೀಸ್‌ ಆಗಿ ದಾಖಲೆಗಳನ್ನು ಧೂಳಿಪಟ ಮಾಡುತ್ತಿದೆ. ಇನ್ನು ಈ ಸಿನಿಮಾ ಸಾಕಷ್ಟು ವಿಶೇಷತೆಗಳನ್ನು ಒಳಗೊಂಡಿದೆ. ಹೌದು ಈ ಜವಾನ್ ಚಿತ್ರದಲ್ಲಿ ಬಾಲಿವುಡ್‌ ಮತ್ತು ಸೌತ್‌ ಸಿನಿಮಾದ ಸಂಗವಾಗಿದ್ದು, ಕಾಲಿವುಡ್‌ನ ಪ್ರತಿಭಾನ್ವಿತ ಕಲಾವಿದರು ಕಿಂಗ್‌ ಖಾನ್‌ ಜೊತೆ ಕೈ ಜೋಡಿಸಿದ್ದಾರೆ.
ಇನ್ನು ಈ ಸಿನಿಮಾದಲ್ಲಿ ಶಾರುಖ್‌ ಡಬಲ್‌ ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದು, ಎರಡು ಕಾಲಘಟ್ಟದಲ್ಲಿ ಸಿನಿಮಾ ನಡೆದಿದೆ. ಪಕ್ಕಾ ಮಾಸ್‌ ಕಮರ್ಷಿಯಲ್ ಶೈಲಿಯಲ್ಲಿ ತಯಾರಾದ ಈ ಸಿನಿಮಾದಲ್ಲಿ ತಾರಾಬಳಗವೇ ಹೈಲೈಟ್‌.
ಹೌದು ಪ್ರಮುಖ ಪಾತ್ರವರ್ಗದಿಂದ ಗಮನ ಸೆಳೆದಿರುವ ಜವಾನ್ ಸಿನಿಮಾ ಮುಂಗಡ ಬುಕಿಂಗ್‌ ಸೇರಿದಂತೆ...ಬಿಡುಗಡೆ ನಂತರವೂ ಭರ್ಜರಿಯಾಗಿ ಕಲೆಕ್ಷನ್ ಮಾಡಿದೆ. ಹಾಗಾದರೇ ಈ ದೊಡ್ಡ ಮಟ್ಟದ ಸಿನಿಮಾ ಬಜೆಟ್ ಎಷ್ಟು? ಸದ್ಯದ ಕಲೆಕ್ಷನ್ ಎಷ್ಟು? ಸಿನಿಮಾ ಹಿಟ್ ಅಥವಾ ಫ್ಲಾಪ್? ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ.
ಇದನ್ನೂ ಓದಿ-ಜೈಲರ್ ಬ್ಲಾಕ್ ಬಸ್ಟರ್ ಹಿಟ್, ಚಿತ್ರತಂಡಕ್ಕೆ ಸಿಕ್ತು ಭರ್ಜರಿ ಉಡುಗೊರೆ
ಜವಾನ್ ಸಿನಿಮಾ ಬಜೆಟ್ ಎಷ್ಟು?
ಬಾಕ್ಸಾಫಿಸ್‌ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡುತ್ತಿರುವ ಜವಾನ್ ಸಿನಿಮಾ ಅಧ್ಬುತ ಕಲಾವಿದರ ಉತ್ತಮ ಪಾತ್ರಗಳನ್ನು ಒಳಗೊಂಡಿದೆ. ಚಿತ್ರದಲ್ಲಿ ಒಂದೊಂದು ಪಾತ್ರಕ್ಕೂ ಹೆಚ್ಚು ಮಹತ್ವ ನೀಡಲಾಗಿದೆ. ಇನ್ನು ಈ ಸಿನಿಮಾದ ಚಿತ್ರೀಕರಣ ಮುಂಬೈ, ಹೈದರಾಬಾದ್, ಚೆನ್ನೈ, ರಾಜಸ್ಥಾನ, ದುಬೈ ಮುಂತಾದ ಕಡೆಗಳಲ್ಲಿ ನಡೆದಿದ್ದು, ಕೆಲವು ವರದಿಗಳ ಪ್ರಕಾರ ಜವಾನ್ 300 ಕೋಟಿ ರೂಪಾಯಿಗಳ ಬಜೆಟ್ ನಲ್ಲಿ ನಿರ್ಮಾಣವಾಗಿದೆ ಎನ್ನಲಾಗುತ್ತಿದೆ.
ಜವಾನ್ ಸದ್ಯದವರೆಗಿನ ಕಲೆಕ್ಷನ್ ಎಷ್ಟು?
ಬಿಡುಗಡೆಯಾದ ಮೊದಲ ದಿನ 65 ಕೋಟಿ ರೂ ಕಲೆಕ್ಷನ್ ಮಾಡಿದ ಜವಾನ್ ಬಿಡುಗಡೆಯಾದ ನಾಲ್ಕು ದಿನಗಳಲ್ಲಿ 287 ಕೋಟಿ ರೂಪಾಯಿಗಳನ್ನು ಗಳಿಸುವಲ್ಲಿ ಯಶಸ್ವಿಯಾಗಿದೆ. 5 ನೇ ದಿನ ಅಂದರೇ ಇಂದು (ಸೆ.11) 30 ಕೋಟಿ ಗಳಿಸಲಿದೆ ಎಂದು ವರದಿ ಮಾಡಲಾಗಿದ್ದು, ಒಟ್ಟಾರೆ ಕಲೆಕ್ಷನ್ 316.56 ಕೋಟಿಗೆ ತಲುಪಲಿದೆ ಎನ್ನಲಾಗುತ್ತಿದೆ.
ಜವಾನ್ ಹಿಟ್ ಅಥವಾ ಫ್ಲಾಪ್?
ಜವಾನ್ ಪ್ರೇಕ್ಷಕರು ಮತ್ತು ವಿಮರ್ಶಕರಿಂದ ಉತ್ತಮ ವಿಮರ್ಶೆಗಳನ್ನು ಪಡೆಯುತ್ತಿದೆ. ಅಲ್ಲದೇ ಕಲೆಕ್ಷನ್ ವಿಚಾರದಲ್ಲಿಯೂ ಸಹ ಭರ್ಜರಿಯಾಗಿ ಮುನ್ನುಗ್ಗುತ್ತಿದೆ. ಆದ್ದರಿಂದ ಶಾರುಖ್‌ ಖಾನ್‌ ಅವರ ಜವಾನ್ ಸಿನಿಮಾ ಸೂಪರ್‌ ಹಿಟ್ ಸಿನಿಮಾ ಆಗಲಿದೆ ಎನ್ನಲಾಗುತ್ತಿದೆ.
ಇದನ್ನೂ ಓದಿ-ಜವಾನ್ 4ನೇ ದಿನ : ವಾರಾಂತ್ಯದಲ್ಲಿ ಹೇಗಿತ್ತು ಬಾಕ್ಸ್‌ ಆಫೀಸ್‌ ಕಲೆಕ್ಷನ್
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/watch?v=uzXzteRDY-k
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾ
