Kangana Ranaut wikipedia : ತನ್ನ ಮಾಹಿತಿಯನ್ನೊಳಗೊಂಡ ವಿಕಿಪೀಡಿಯಾದ ಬಗ್ಗೆ ನಟಿ ಕಂಗನಾ ರನೌತ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ವಿಕಿಪೀಡಿಯಾವನ್ನು 'ಎಡಪಂಥೀಯರು ಹೈಜಾಕ್ ಮಾಡಿದ್ದಾರೆ' ಎಂದು ಹೇಳಿದ್ದು, ವೆಬ್‌ಸೈಟ್‌ನಲ್ಲಿ ತಪ್ಪು ತಪ್ಪು ಮಾಹಿತಿಯನ್ನು ಹರಡಲಾಗಿದೆ ಎಂದು ದೂರಿದ್ದಾರೆ. ಈ ಕುರಿತು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.
ವಿಕಿಪೀಡಿಯಾವನ್ನು ಎಡಪಂಥೀಯರು ಸಂಪೂರ್ಣವಾಗಿ ಹೈಜಾಕ್ ಮಾಡಿದ್ದಾರೆ. ನನ್ನ ಜನ್ಮದಿನ, ಎತ್ತರ ಹಾಗೂ ನನ್ನ ಹಿನ್ನೆಲೆಯ ಬಗ್ಗೆ ಹೆಚ್ಚಿನ ಮಾಹಿತಿಯು ಸಂಪೂರ್ಣವಾಗಿ ತಪ್ಪಾಗಿದೆ. ನಾವು ಅದನ್ನು ಸರಿಪಡಿಸಲು ಎಷ್ಟು ಪ್ರಯತ್ನಿಸಿದರೂ ಆಗುತ್ತಿಲ್ಲ. ವಿಕಿಪೀಡಿಯಾದಲ್ಲಿ ನನ್ನ ಜನ್ಮದಿನವು ಮಾರ್ಚ್ 20 ಅಂತ ಇದೆ. ಆದ್ರೆ, ನನ್ನ ಜನ್ಮದಿನ ಮಾರ್ಚ್ 23. ದಯವಿಟ್ಟು ವಿಕಿಪೀಡಿಯಾದ ಮಾಹಿತಿಯನ್ನು ನಂಬಬೇಡಿ ಎಂದು ಕಂಗನಾ ತಮ್ಮ ಅಭಿಮಾನಿಗಳಿಗೆ ತಿಳಿಸಿದ್ದಾರೆ.
ಇದನ್ನೂ ಓದಿ: Kabzaa OTT Rights : ದಾಖಲೆಯ ಮೊತ್ತಕ್ಕೆ ʻಕಬ್ಜʼ OTT ಹಕ್ಕುಗಳ ಮಾರಾಟ!
ಸದ್ಯ ಕಂಗನಾ ʼಚಂದ್ರಮುಖಿ 2ʼ ಚಿತ್ರದ ಚಿತ್ರೀಕರಣವನ್ನು ಮುಗಿಸಿದ್ದಾರೆ. ಈ ಕುರಿತು ಇನ್ಸ್ಟಾದಲ್ಲಿ ಪೋಸ್ಟ್‌ ಒಂದನ್ನು ಹಂಚಿಕೊಂಡಿದ್ದಾರೆ. ಮುಖ್ಯಮಾವಿ ನಟ ರಾಘವ ಲಾರೆನ್ಸ್ ಕುರಿತು ಬರೆದುಕೊಂಡಿದ್ದಾರೆ. ʼಚಂದ್ರಮುಖಿ ಸಿನಿಮಾದಲ್ಲಿನ ನನ್ನ ಪಾತ್ರದ ಶೂಟಿಂಗ್‌ ಮುಗಿದಿದೆ. ನಾನು ಭೇಟಿಯಾದ ಅನೇಕ ಅದ್ಭುತ ವ್ಯಕ್ತಿಗಳಿಗೆ ವಿದಾಯ ಹೇಳಲು ನನಗೆ ತುಂಬಾ ಕಷ್ಟವಾಗುತ್ತಿದೆ, ಲಾರೆನ್ಸ್ ಅವರನ್ನು ಮಾಸ್ಟರ್ ಎಂದು ಜನ ಪ್ರೀತಿಯಿಂದ ಕರೆಯುತ್ತಾರೆ. ಅವರಿಂದ ನಾನು ಸ್ಫೂರ್ತಿ ಪಡೆದಿದ್ದೇನೆ. ಏಕೆಂದರೆ ಅವರು ತಮ್ಮ ವೃತ್ತಿಜೀವನವನ್ನು ನೃತ್ಯ ಸಂಯೋಜಕರಾಗಿ, ವಾಸ್ತವವಾಗಿ ಬ್ಯಾಕ್ ಡ್ಯಾನ್ಸರ್ ಆಗಿ ಪ್ರಾರಂಭಿಸಿದರು, ಆದರೆ ಅವರಿಂದು ಬ್ಲಾಕ್ಬಸ್ಟರ್ ಚಲನಚಿತ್ರ ನಿರ್ಮಾಪಕ / ಸೂಪರ್ಸ್ಟಾರ್ ಮಾತ್ರವಲ್ಲದೆ ಒಳ್ಳೆಯ ಹೃದಯವಂತರು ಸಹ. ಸರ್. ನಿಮ್ಮೊಂದಿಗೆ ಕೆಲಸ ಮಾಡಲು ತುಂಬಾ ಸಂತೋಷವಾಗಿದೆ.ʼ ಎಂದಿದ್ದಾರೆ.
2005 ರಲ್ಲಿ ಬಿಡುಗಡೆಯಾದ ಚಂದ್ರಮುಖಿ ಚಿತ್ರದಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ಮತ್ತು ಜ್ಯೋತಿಕಾ ಸರವಣನ್ ನಟಿಸಿದ್ದರು. 'ಚಂದ್ರಮುಖಿ' ಮಲಯಾಳಂನ 'ಮಣಿಚಿತ್ರತಾರ' ಸಿನಿಮಾದ ರೀಮೇಕ್ ಆಗಿತ್ತು. ಇದೀಗ ʼಚಂದ್ರಮುಖಿ 2ʼ ನಲ್ಲಿ, ಕಂಗನಾ ನೃತ್ಯಗಾರ್ತಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೆ, ಕಂಗನಾ ಎಮರ್ಜೆನ್ಸಿ ಸಿನಿಮಾದಲ್ಲೂ ನಟಿಸಿದ್ದು, ಈ ಸಿನಿಮಾದಲ್ಲಿ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಪಾತ್ರವನ್ನು ನಿರ್ವಹಿಸಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
