Keerthy Suresh: ಕಾಸ್ಟಿಂಗ್ ಕೌಚ್ ಬಗ್ಗೆ ಆಘಾತಕಾರಿ ಸಂಗತಿ ಬಿಚ್ಚಿಟ್ಟ ನಟಿ ಕೀರ್ತಿ ಸುರೇಶ್‌

Casting Couch In Film Industry: ಇತ್ತೀಚಿನ ದಿನಗಳಲ್ಲಿ ದಕ್ಷಿಣದ ಸಿನಿಮಾ ರಂಗ ಹೆಚ್ಚು ಜನಪ್ರಿಯವಾಗುತ್ತಿದೆ ಮತ್ತು ಎಲ್ಲಾ ಭಾಷೆಯ ನಟಿಯರು ಅಲ್ಲಿ ಕೆಲಸ ಮಾಡಲು ಸಿದ್ಧರಿದ್ದಾರೆ. ಹೀಗಿರುವಾಗ ಸೌತ್ ಇಂಡಸ್ಟ್ರಿಯಲ್ಲಿ ಕಾಸ್ಟಿಂಗ್ ಕೌಚ್ ಚಾಲ್ತಿಯಲ್ಲಿದೆ ಎಂದು ಕೀರ್ತಿ ಸುರೇಶ್ ಅವರ ಈ ಹೇಳಿಕೆ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ.

ನಟಿ ಕೀರ್ತಿ ಸುರೇಶ್‌

Keerthy Suresh on Casting Couch: ತಮಿಳು ಚಿತ್ರರಂಗದಲ್ಲಿನ ಕಾಸ್ಟಿಂಗ್ ಕೌಚ್ ಬಗ್ಗೆ ಸೌತ್ ಸಿನಿಮಾ ತಾರೆ ಕೀರ್ತಿ ಸುರೇಶ್ ಆಘಾತಕಾರಿ ವಿಚಾರ ಬಹಿರಂಗಪಡಿಸಿದ್ದಾರೆ. ಚಿತ್ರದಲ್ಲಿ ಕೆಲಸ ಸಿಕ್ಕಿದ್ದಕ್ಕೆ ಬದಲಾಗಿ ಕಾಸ್ಟಿಂಗ್ ಕೌಚ್, ನಿರ್ಮಾಪಕ-ನಿರ್ದೇಶಕ ಅಥವಾ ನಾಯಕ ನಟನ ಜೊತೆ ರಾಜಿ ಮಾಡಿಕೊಳ್ಳುವ ಕಥೆಗಳು ಕಾಲಕಾಲಕ್ಕೆ ಎಲ್ಲಾ ಸಿನಿ ಇಂಡಸ್ಟ್ರಿಗಳಲ್ಲಿ ಕಾಣಿಸಿಕೊಳ್ಳುತ್ತಲೇ ಇರುತ್ತವೆ ಎಂಬುದು ಉಲ್ಲೇಖಾರ್ಹ. ಆದರೆ ಇತ್ತೀಚಿನ ದಿನಗಳಲ್ಲಿ ದಕ್ಷಿಣದ ಸಿನಿಮಾ ರಂಗ ಹೆಚ್ಚು ಜನಪ್ರಿಯವಾಗುತ್ತಿದೆ ಮತ್ತು ಎಲ್ಲಾ ಭಾಷೆಯ ನಟಿಯರು ಅಲ್ಲಿ ಕೆಲಸ ಮಾಡಲು ಸಿದ್ಧರಿದ್ದಾರೆ. ಹೀಗಿರುವಾಗ ಸೌತ್ ಇಂಡಸ್ಟ್ರಿಯಲ್ಲಿ ಕಾಸ್ಟಿಂಗ್ ಕೌಚ್ ಚಾಲ್ತಿಯಲ್ಲಿದೆ ಎಂದು ಕೀರ್ತಿ ಸುರೇಶ್ ಅವರ ಈ ಹೇಳಿಕೆ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ. ಸಂದರ್ಶನವೊಂದರಲ್ಲಿ ಕಾಸ್ಟಿಂಗ್ ಕೌಚ್ ಬಗ್ಗೆ ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ :  Alia Bhatt: "ನಾನು ರಣಬೀರ್ ಹಾಸಿಗೆಯ ಮೇಲೆ..." ಬೆಡ್‌ರೂಮ್‌ ರಹಸ್ಯ ಬಿಚ್ಚಿಟ್ಟ ಆಲಿಯಾ!

ತೆಲುಗು ಚಿತ್ರ ಮಹಾನಟಿಗಾಗಿ 2018 ರಲ್ಲಿ ಅತ್ಯುತ್ತಮ ನಟಿ ರಾಷ್ಟ್ರ ಪ್ರಶಸ್ತಿಯನ್ನು ಗೆದ್ದ ಕೀರ್ತಿ ಸುರೇಶ್, ದಕ್ಷಿಣದ ಚಿತ್ರರಂಗದಲ್ಲಿ ಕಾಸ್ಟಿಂಗ್ ಕೌಚ್ ಇರುವಿಕೆಯ ಬಗ್ಗೆ ಮಾತನಾಡುತ್ತಾ, ನನ್ನೊಂದಿಗೆ ಕೆಲಸ ಮಾಡಿದ ಅನೇಕ ನಟಿಯರು ತಮ್ಮ ಅನುಭವಗಳನ್ನು ನನ್ನೊಂದಿಗೆ ಹಂಚಿಕೊಂಡಿದ್ದಾರೆ. ಆದರೆ ಇಲ್ಲಿಯವರೆಗೆ ನನಗೆ ಅಂತಹ ಅನುಭವ ಆಗಿಲ್ಲ. ನಾನು ಜನರೊಂದಿಗೆ ಸೌಜನ್ಯದಿಂದ ವರ್ತಿಸುತ್ತೇನೆ. ಆದ್ದರಿಂದ ಬಹುಶಃ ಯಾರೂ ನನ್ನೊಂದಿಗೆ ತಪ್ಪು ಉದ್ದೇಶದಿಂದ ಇಂತಹ ಕೆಲಸಗಳನ್ನು ಮಾಡಲು ಪ್ರಯತ್ನಿಸಲಿಲ್ಲ ಎಂದು ಅವರು ಹೇಳಿದರು. 

ಮುಂದೆ ಯಾವುದೇ ಚಿತ್ರ ನಿರ್ಮಾಪಕರು ನನ್ನ ಮುಂದೆ ಅಂತಹ ಪ್ರಸ್ತಾಪವನ್ನು ತಂದರೂ, ಯಾವುದೇ ಸಂದರ್ಭಗಳು ಬಂದರೂ ನಾನು ಸಾರಾಸಗಟಾಗಿ ನಿರಾಕರಿಸುತ್ತೇನೆ ಎಂದು ಕೀರ್ತಿ ಸ್ಪಷ್ಟವಾಗಿ ಹೇಳಿದರು. ತಪ್ಪು ಒಪ್ಪಂದ ಮಾಡಿಕೊಂಡು ಕೆಲಸ ಗಿಟ್ಟಿಸಿಕೊಳ್ಳುವ ಬದಲು ಚಿತ್ರರಂಗವನ್ನು ಬಿಟ್ಟು ಯಾವುದಾದರೂ ಕಂಪನಿಯಲ್ಲಿ ಕೆಲಸ ಮಾಡಲು ಇಷ್ಟಪಡುತ್ತೇನೆ. ಆದರೆ ಅಂತಹ ಆಫರ್‌ಗಳನ್ನು ಸ್ವೀಕರಿಸುವುದಿಲ್ಲ ಎಂದು ಕೀರ್ತಿ ಸುರೇಶ್ ಹೇಳಿದ್ದಾರೆ.

ಇದನ್ನೂ ಓದಿ :  Yash : ಟಾಪ್ 10 ಮೋಸ್ಟ್ ಪಾಪ್ಯುಲರ್ ಇಂಡಿಯನ್ ಸ್ಟಾರ್ 2022 ಪಟ್ಟಿಯಲ್ಲಿ ಯಶ್‌ಗೆ ಎಷ್ಟನೇ ಸ್ಥಾನ?

ಸೌತ್‌ನಲ್ಲಿ ಬಾಲನಟಿಯಾಗಿ ವೃತ್ತಿ ಜೀವನ ಆರಂಭಿಸಿದ ಕೀರ್ತಿ ಸುರೇಶ್, 2023ರಲ್ಲಿ ದಕ್ಷಿಣದಲ್ಲಿ ನಾಯಕಿಯಾಗಿ ಹತ್ತು ವರ್ಷ ಪೂರೈಸಲಿದ್ದಾರೆ. ತಮಿಳು-ತೆಲುಗಿನ ಜೊತೆಗೆ ಮಲಯಾಳಂ ಚಿತ್ರಗಳನ್ನೂ ಮಾಡಿದ್ದಾರೆ. ಆದರೆ ಇದುವರೆಗೆ ಯಾವುದೇ ಹಿಂದಿ ಅಥವಾ ಬಾಲಿವುಡ್ ಚಿತ್ರ ಮಾಡಿಲ್ಲ. ಆದಾಗ್ಯೂ, ಎರಡು ವರ್ಷಗಳ ಹಿಂದೆ ಕೀರ್ತಿ ಸುರೇಶ್‌ಗೆ ಅಜಯ್ ದೇವಗನ್ ಅಭಿನಯದ ಮೈದಾನ್ ಚಿತ್ರದಲ್ಲಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡುವ ಪ್ರಸ್ತಾಪ ಸಿಕ್ಕಿತು. ಮೈದಾನದ ನಿರ್ಮಾಪಕ ಬೋನಿ ಕಪೂರ್. ಅಮಿತ್ ಶರ್ಮಾ ನಿರ್ದೇಶನದ ಈ ಸಿನಿಮಾದಲ್ಲಿ ಅಜಯ್ ದೇವಗನ್ ಅವರ ಹೆಂಡತಿಯ ಪಾತ್ರವನ್ನು ಕೀರ್ತಿ ಸುರೇಶ್ ಅವರಿಗೆ ನೀಡಲಾಯಿತು, ಆದರೆ ಅವರು ಅಜಯ್ ಅವರ ಹೆಂಡತಿಯಾಗಿ ಕಾಣಿಸಿಕೊಳ್ಳಲು ತುಂಬಾ ಚಿಕ್ಕವರಾಗಿದ್ದರು ಎಂದು ನಿರಾಕರಿಸಿದರು. ಕೀರ್ತಿ ಸುರೇಶ್ ಗೆ 30 ವರ್ಷ, ಅಜಯ್ ದೇವಗನ್ ಗೆ 53 ವರ್ಷ ಇದೇ ಕಾರಣಕ್ಕೆ ಕೀರ್ತಿ ಸಿನಿಮಾ ಆಫರ್‌ ನಿರಾಕರಿಸಿದರು.