ನವದೆಹಲಿ: 2000 ರಲ್ಲಿ ಲಾರಾ ದತ್ತಾ ಗೆಲುವಿನ 21 ವರ್ಷಗಳ ನಂತರ ಭಾರತದ ಹರ್ನಾಜ್ ಸಂಧು ಸೋಮವಾರ ಭುವನ ಸುಂದರಿ ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದಾರೆ. ಗ್ರ್ಯಾಂಡ್ ಫಿನಾಲೆಗೆ, ಹರ್ನಾಜ್ ಸಂಧು (Harnaaz Sandhu's Miss Universe Gown) ಧರಿಸಿದ್ದ ಗೌನ್ ಅನ್ನು ಸೈಶಾ ಶಿಂಧೆ (Saisha Shinde) ವಿನ್ಯಾಸಗೊಳಿಸಿದ್ದರು.
ಹರ್ನಾಜ್ ಸಂಧು (Harnaaz Sandhu) ಅವರ ಬೆರಗುಗೊಳಿಸುವ ಸಿಲ್ವರ್ ಗೌನ್ ಅದರ ಮೇಲೆ beaded ಅಲಂಕಾರ ಮತ್ತು plunging ಕಂಠರೇಖೆಯು ಐತಿಹಾಸಿಕ ಕ್ಷಣದ ಭಾಗವಾಯಿತು. ದೊಡ್ಡ ಗೆಲುವಿನ ಸುದ್ದಿ ಸೋಮವಾರ ಹೊರಬಂದ ನಂತರ ಈ ಗೌನ್ ಅನ್ನು ತಾವು ಸಿದ್ಧಪಡಿಸಿದ್ದಾಗಿ ಸೈಶಾ ಶಿಂಧೆ Instagram ಪೋಸ್ಟ್‌ನಲ್ಲಿ ಬರೆದಿದ್ದಾರೆ.
ಹರ್ನಾಜ್ ಅವರು ಪೇಜೆಂಟ್ನಲ್ಲಿ ಧರಿಸಿದ ಗೌನ್ ವಿಶ್ವದ ಗಮನ ಸೆಳೆದಿದೆ. ಅದನ್ನು ವಿನ್ಯಾಸಗೊಳಿಸಿದ್ದು ಈ ವರ್ಷದ ಆರಂಭದಲ್ಲಿ ಹೆಣ್ಣಾಗಿ ಪರಿವರ್ತನೆಗೊಂಡ ಸೈಶಾ ಶಿಂಧೆ. ಇವರ ಮುಂಚಿನ ಹೆಸರು ಸ್ವಪ್ನೀಲ್ ಶಿಂಧೆ. ತನ್ನಲ್ಲಿರುವ ಹೆಣ್ಣಿನ ಗುಣಲಕ್ಷಣಗಳ ಬಗ್ಗೆ ಮನವರಿಕೆ ಮಾಡಿಕೊಂಡ ಸ್ವಪ್ನೀಲ್ ಲಿಂಗ ಪರಿವರ್ತನೆ ಪ್ರಕ್ರಿಯೆಗೊಳಗಾಗಿ ಸೈಶಾ ಶಿಂಧೆ ಆದರು.
"ನನ್ನ 20 ರ ದಶಕದ ಆರಂಭದಲ್ಲಿ ನ್ಯಾಶನಲ್ ಇನ್ಸ್ಟಿಟ್ಯೂಟ್ ಆಫ್ ಫ್ಯಾಶನ್ ಟೆಕ್ನಾಲಜಿಯಲ್ಲಿ (NIFT) ವ್ಯಾಸಂಗ ಮಾಡುತ್ತಿದ್ದಾಗ ನನ್ನ ದೈಹಿಕ ರಚನೆ ಮತ್ತು ಸ್ವರೂಪವನ್ನು ಒಪ್ಪಿಕೊಳ್ಳುವ ಧೈರ್ಯವನ್ನು ನಾನು ಕಂಡುಕೊಂಡೆ. ನಾನು ಸಲಿಂಗಿಯಾಗಿದ್ದರಿಂದ ಪುರುಷರತ್ತ ಆಕರ್ಷಿತನಾಗಿದ್ದೇನೆ ಎಂದು ನಂಬುತ್ತಾ ಕೆಲವು ವರ್ಷಗಳನ್ನು ಕಳೆದಿದ್ದೇನೆ. ಆದರೆ ಅದು ಕೇವಲ 6 ವರ್ಷಗಳ ಹಿಂದೆ ನಾನು ಅಂತಿಮವಾಗಿ ನನ್ನನ್ನು ಒಪ್ಪಿಕೊಂಡೆ. ನಾನು ಸಲಿಂಗಕಾಮಿ ಅಲ್ಲ. ನಾನೊಬ್ಬ ಮಂಗಳಮುಖಿ (ಟ್ರಾನ್ಸ್ವುಮನ್)" ಎಂದು ಪ್ರಸಿದ್ಧ ಫ್ಯಾಷನ್ ಡಿಸೈನರ್ ಸೈಶಾ ಶಿಂಧೆ ಸಾಮಾಜಿಕ ಮಾಧ್ಯಮದಲ್ಲಿ ಬರೆದುಕೊಂಡಿದ್ದಾರೆ.
"ಅಂತಾರಾಷ್ಟ್ರೀಯ ಸ್ಪರ್ಧೆಯಲ್ಲಿ ಮಿಸ್ ಇಂಡಿಯಾದಿಂದ ಒಂದು ನಿರ್ದಿಷ್ಟ ನಿರೀಕ್ಷೆಯಿದೆ. ಅವರು ಸೊಗಸಾಗಿ, ಅಂದವಾಗಿ ಕಾಣಬೇಕು ಮತ್ತು ಗೌನ್‌ಗಳು ಸೂಕ್ಷ್ಮವಾಗಿ ಮತ್ತು ಆಕರ್ಷಕವಾಗಿ ಕಾಣಬೇಕು. ಗೌನ್ ಅನ್ನು ಕಸೂತಿ, ಸ್ಟೋನ್ಸ್ ಗಳಿಂದ ಅಲಂಕರಿಸಲಾಗಿದೆ. ಹರ್ನಾಜ್ ಸಮರ್ಥನೀಯತೆಯನ್ನು ನಂಬುತ್ತಾರೆ. ಆದ್ದರಿಂದ ನಾವು ಕಸೂತಿ ವಸ್ತುಗಳನ್ನು ಬಳಸಿದ್ದೇವೆ" ಎಂದು ವಿವರಿಸಿದರು.
40 ವರ್ಷ ವಯಸ್ಸಿನ ಡಿಸೈನರ್ ತನ್ನ Instagram ಸ್ಟೋರಿಗಳಲ್ಲಿ ಹರ್ನಾಜ್‌ಗಾಗಿ ಸಂಪೂರ್ಣ ಅಲಂಕರಿಸಿದ ಗೌನ್ ನ ಒಂದು ನೋಟವನ್ನು ಹಂಚಿಕೊಂಡಿದ್ದಾರೆ.
ಹರ್ನಾಜ್ ಸಂಧು ಅವರ ಗೌನ್ ಫುಲ್ಕರಿ ಮಾದರಿಗಳನ್ನು ಸಹ ಒಳಗೊಂಡಿದೆ. ಪಂಜಾಬ್‌ನಲ್ಲಿ ಹುಟ್ಟಿ ಬೆಳೆದ ಹರ್ನಾಜ್ ಸಂಧು ಚಂಡೀಗಢದಲ್ಲಿ ಶಿವಾಲಿಕ್ ಪಬ್ಲಿಕ್ ಸ್ಕೂಲ್ ಮತ್ತು ಬಾಲಕಿಯರ ಸ್ನಾತಕೋತ್ತರ ಸರ್ಕಾರಿ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿದರು. ಅವರು ಭುವನ ಸುಂದರಿ 2021 ಸ್ಪರ್ಧೆಯಲ್ಲಿ ಮೊದಲ ಸ್ಥಾನ ಪಡೆದರು.
ಸೈಶಾ ಶಿಂಧೆ ಅವರು ಪ್ರಿಯಾಂಕಾ ಚೋಪ್ರಾ, ಕರೀನಾ ಕಪೂರ್ ಖಾನ್, ದೀಪಿಕಾ ಪಡುಕೋಣೆ, ತಾಪ್ಸಿ ಪನ್ನು, ಅನುಷ್ಕಾ ಶರ್ಮಾ, ಕತ್ರಿನಾ ಕೈಫ್ ಮತ್ತು ಮಾಧುರಿ ದೀಕ್ಷಿತ್ ಅವರಂತಹ ಸೆಲೆಬ್ರಿಟಿಗಳಿಗೆ ಬಟ್ಟೆಗಳನ್ನು ವಿನ್ಯಾಸಗೊಳಿಸಿದ್ದಾರೆ.
ಇದನ್ನೂ ಓದಿ: ಭಾರತದ ಚೆಲುವೆಗೆ 'ಭುವನ ಸುಂದರಿ' ಪಟ್ಟ: ಯಾರು ಹರ್ನಾಜ್ ಸಂಧು? ಜಡ್ಜ್ ಗಳ ಮನಗೆದ್ದ ಈ ಉತ್ತರ!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
!["12 ವರ್ಷಗಳ ವಯಸ್ಸಿನ ಅಂತರವಿದೆ.. ಅದಕ್ಕಾಗಿಯೇ.." ಕೊನೆಗೂ ವಿಚ್ಛೇದನ ಕುರಿತು ತುಟಿಬಿಚ್ಚಿದ ಖ್ಯಾತ ನಟಿ!](https://kannada.cdn.zeenews.com/kannada/sites/default/files/styles/zm_175x100/public/2024/12/24/478675-resham-tipnis.jpg?itok=ez39yfiZ ""12 ವರ್ಷಗಳ ವಯಸ್ಸಿನ ಅಂತರವಿದೆ.. ಅದಕ್ಕಾಗಿಯೇ.." ಕೊನೆಗೂ ವಿಚ್ಛೇದನ ಕುರಿತು ತುಟಿಬಿಚ್ಚಿದ ಖ್ಯಾತ ನಟಿ!")
