ಖ್ಯಾತ ತೆಲುಗು ನಟನೊಂದಿಗೆ 'ಸೀತಾ ರಾಮಂ' ನಟಿ ಮೃಣಾಲ್ ಮದುವೆ..!

Mrunal Thakur marriage : ಕೆಲವೇ ದಿನಗಳಲ್ಲಿ ಮೃಣಾಲ್‌ ತೆಲುಗು ನಟನೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ. ಈ ವಿಚಾರದ ಕುರಿತು ಮೃಣಾಲ್‌ ಟೀಂ ಸ್ಪಷ್ಟತೆ ನೀಡಿದೆ. ಹಾಗಿದ್ರೆ ಮೃಣಾಲ್‌ ವರಿಸಲಿರುವ ಆ ನಟ ಯಾರು..? ಮದುವೆ ಯಾವಾಗ ನೋಡೋಣ ಬನ್ನಿ.

Mrunal Thakur : ನಟಿ ಮೃಣಾಲ್ ಠಾಕೂರ್ ಅವರು ತೆಲುಗು ನಟನೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಕುರಿತು ಸೋಷಿಯಲ್‌ ಮೀಡಿಯಾದಲ್ಲಿ ಭರ್ಜರಿ ಚರ್ಚೆ ನಡೆಯುತ್ತಿದೆ. ಅಲ್ಲದೆ, ಮದುವೆ ಬಳಿಕೆ ಮೃಣಾಲ್‌ ಹೈದರಾಬಾದ್‌ನಲ್ಲೇ ವಾಸಮಾಡುತ್ತಾರೆ ಎಂದು ಹೇಳಲಾಗಿದೆ. 

ತೆಲುಗು ಚಲನಚಿತ್ರ ನಿರ್ದೇಶಕ ಅಲ್ಲು ಅರವಿಂದ್ ಇತ್ತೀಚೆಗೆ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ನಟಿ ಮೃಣಾಲ್ ಠಾಕೂರ್ ಗೆ 'ಸೀತಾ ರಾಮಂ' ಚಿತ್ರದಲ್ಲಿನ ಅಸಾಧಾರಣ ಅಭಿನಯಕ್ಕಾಗಿ ಅತ್ಯುತ್ತಮ ಮಹಿಳಾ ನಟ ಪ್ರಶಸ್ತಿ ನೀಡಿದ ಗೌರವಿಸಿದರು. ಅಲ್ಲದೆ, ಈ ವೇಳೆ ಶೀಘ್ರದಲ್ಲೇ ಮದುವೆ ಮಾಡಿಕೊಂಡು, ಮೃಣಾಲ್‌ ಹೈದರಾಬಾದ್‌ನಲ್ಲಿ ನೆಲೆಸಬೇಕೆಂದು ನಾನು ಬಯಸುತ್ತೇನೆ ಎಂದಿದ್ದರು.

ಇದನ್ನೂ ಓದಿ:BBK 10: ಕಳಪೆ ಪಟ್ಟ ಸಂಗೀತಾಗೆ; ಹಳ್ಳಿಮನೆ ಯಜಮಾನ್ತಿ ಜೈಲಿನೊಳಗೆ!

ಇಷ್ಟು ಬೇಕಿತ್ತು ನೆಟ್ಟಿಗರಿಗೆ, ಸೋಷಿಯಲ್‌ ಮೀಡಿಯಾದಲ್ಲಿ ಚರ್ಚೆ ಶುರುಮಾಡಿದ್ದಾರೆ. ಅಲ್ಲದೆ, ಇನ್ನು ಕೆಲವೇ ದಿನಗಳಲ್ಲಿ ಮೃಣಾಲ್‌ ತೆಲುಗು ನಟನೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಅಂತ ವದಂತಿ ಹಬ್ಬಿಸಿದ್ದಾರೆ. ಸಧ್ಯ ಈ ವಿಚಾರದ ಕುರಿತು ಮೃಣಾಲ್‌ ಟೀಂ ಐಎಎನ್‌ಎಸ್‌ಗೆ ತಿಳಿಸಿದ ಪ್ರಕಾರ, ಈ ವದಂತಿಗಳು ಸುಳ್ಳು ಎಂದು ತಿಳಿದು ಬಂದಿದೆ.

ಸಧ್ಯ ಮೃಣಾಲ್‌ ನಟನೆಯ ತೆಲುಗು ಚಿತ್ರ 'ಹಾಯ್ ನನ್ನ' ಬಿಡುಗಡೆಗೆ ಸಿದ್ಧವಾಗಿದೆ. ಚಿತ್ರದ ಟೀಸರ್ ಕೂಡ ಬಿಡುಗಡೆಯಾಗಿ ಕುತೂಹಲ ಮೂಡಿಸಿದೆ. ಇದು ಸಂಬಂಧ ಮತ್ತು ಭಾವನೆಗಳ ಬೆಳವಣಿಗೆಯ ಕಥಾಹಂದರದ ಸಿನಿಮಾ. ಈ ಸಿನಿಮಾದಲ್ಲಿ ನಾನಿ ಜೊತೆ ಮೃಣಾಲ್‌ ನಟಿಸುತ್ತಿದ್ದಾರೆ.

ಇದನ್ನೂ ಓದಿ:ಉರ್ಫಿ ಜಾವೇದ್‌ನನ್ನು ಬಂಧಿಸಿದ ಪೊಲೀಸರು! ವಿಡಿಯೋ ವೈರಲ್‌

ಅಲ್ಲದೆ ಮೃಣಾಲ್‌, ಉಮೇಶ್ ಶುಕ್ಲಾ ಅವರ ಮುಂದಿನ ಚಿತ್ರ 'ಆಂಖ್ ಮಿಚೋಲಿ'ಯಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಈ ಚಿತ್ರವು ನವೆಂಬರ್ 3 ರಂದು ಬಿಡುಗಡೆಯಾಗಲಿದೆ. ಪರೇಶ್ ರಾವಲ್, ಶರ್ಮನ್ ಜೋಶಿ ಸೇರಿದಂತೆ ಹಲವು ನಟರು ಈ ಸಿನಿಮಾದಲ್ಲಿದ್ದಾರೆ.