Bigg Boss Kannada 9 nomination : ಬಿಗ್ ಬಾಸ್ ಮನೆಯಲ್ಲಿ ನಾಲ್ಕನೇ ವಾರ ಆರಂಭವಾಗಿದೆ. ಈ ವಾರದ ನಾಮಿನೇಷನ್ ಪ್ರಕ್ರಿಯೆ ನಿನ್ನೆ ನಡೆದಿದ್ದು, ಸಖತ್‌ ಮಜವಾಗಿತ್ತು. ಪ್ರತಿ ಬಾರಿ ಕನ್ಫೆಷನ್‌ ರೂಮ್‌ಗೆ ಕರೆದು ನಾಮಿನೇಟ್ ಮಾಡಲು ಇಚ್ಛಿಸುವ ಇಬ್ಬರ ಹೆಸರನ್ನು ಸೂಕ್ತ ಕಾರಣಗಳೊಂದಿಗೆ ತಿಳಿಸುವಂತೆ ಬಿಗ್ ಬಾಸ್ ಹೇಳುತ್ತಿದ್ದರು. ಆದರೆ ಈ ವಾರ ಸ್ವಲ್ಪ ಡಿಫರೆಂಟ್‌ ಆಗಿ ಓಪನ್ ನಾಮಿನೇಷನ್ ಪ್ರಕ್ರಿಯೆ ನಡೆಯಿತು. ಈ ಓಪನ್ ನಾಮಿನೇಷನ್ ನಡೆಯುವಾಗ ಅರುಣ್ ಸಾಗರ್ ತಮ್ಮದೇ ದಾಟಿಯಲ್ಲಿ ಎಂಟರಟೈನ್ ಮಾಡಿದ್ದು ನೋಡುಗರ ಗಮನ ಸೆಳೆದಿದೆ.
ಇದನ್ನೂ ಓದಿ : ‘ಬಿಗ್ ಬಾಸ್’ ಅನುಪಮಾ ಪರ ಇದೆ; ಫಿಕ್ಸಿಂಗ್ ಆರೋಪ ಮಾಡಿದ ಆರ್ಯವರ್ಧನ್ ಗೆ ‘ಕಿಚ್ಚ’ನ ಕ್ಲಾಸ್!
ಓಪನ್ ನಾಮಿನೇಷನ್ ನಲ್ಲಿ ಅತಿ ಹೆಚ್ಚು ಆರ್ಯವರ್ಧನ್ ಅವರ ಹೆಸರೇ ಕೇಳಿ ಬಂದಿತು. ಹಲವರು ಕಿಚ್ಚನ ಪಂಚಾಯ್ತಿ ವೇಳೆ ಆರ್ಯವರ್ಧನ್ ಮಾತನಾಡಿದ ರೀತಿಯೇ ಈ ನಾಮಿನೇಷನ್‌ಗೆ ಕಾರಣ ಎಂದು ತಿಳಿಸಿದರು. ಇನ್ನೂ ಮಯೂರಿ ಹಾಗೂ ನೇಹಾ ಹೆಸರನ್ನು ಕೂಡ ಹೆಚ್ಚು ಜನ ತೆಗೆದುಕೊಂಡರು. ಹೀಗೆ ಓಪನ್ ನಾಮಿನೇಷನ್‌ನಲ್ಲಿ ಒಟ್ಟು 6 ಜನರು ನಾಮಿನೇಟ್ ಆಗಿದ್ದಾರೆ. ಬಳಿಕ ಈ ವಾರದ ಕ್ಯಾಪ್ಟನ್ ದೀಪಿಕಾ ದಾಸ್ ನೇರವಾಗಿ ಒಬ್ಬರನ್ನು ನಾಮಿನೇಟ್ ಮಾಡಿದರು. ಅಲ್ಲದೇ ದರ್ಶ್‌ ಮನೆಯಿಂದ ಹೊರ ಹೋಗುವಾಗ ರೂಪೇಶ್ ಶೆಟ್ಟಿ ಅವರನ್ನು ನೇರವಾಗಿ ನಾಮಿನೇಟ್ ಮಾಡಿದ್ದರಿಂದ ಒಟ್ಟಾರೆ 8 ಜನರು ಈ ವಾರ ನಾಮಿನೇಟ್ ಆಗಿದ್ದಾರೆ.
ಎದುರು ಬದುರಲ್ಲೇ ನಡಿಯಿತು ನಾಲಕ್ಕನೆ ವಾರದ ನಾಮಿನೇಷನ್#ಬಿಬಿಕೆ9, ದ ಬಿಗ್ಗೆಸ್ಟ್ ಸೀಸನ್ | ಇಂದು ರಾತ್ರಿ 9.30#BBK9 #ಬಿಗ್‍ಬಾಸ್‍ಕನ್ನಡ9 #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/Kyu0VI5uzT
— Colors Kannada (@ColorsKannada) October 17, 2022
ಓಪನ್ ನಾಮಿನೇಷನ್ ನಲ್ಲಿ ಅತಿ ಹೆಚ್ಚು ಎಂಜಾಯ್ ಮಾಡುತ್ತ, ಮನೆಯವರನ್ನು ನಗೆಗಡಲಲ್ಲಿ ತೇಲಿಸಿದ್ದು ಅರುಣ್ ಸಾಗರ್. ಅರುಣ್ ಸಾಗರ್ ಮನೆಯಲ್ಲಿರೋ ವಸ್ತುಗಳನ್ನ ಇಟ್ಟುಕೊಂಡೇ, ನಾಮಿನೇಟ್ ಆಗುವ ಸದಸ್ಯರಿಗೆ ಕೊಟ್ಟರು. ಇನ್ನೂ ಓಪನ್ ನಾಮಿನೇಷನ್ ಪ್ರಕ್ರಿಯೆಯಲ್ಲಿ ಸಾನ್ಯಾ ಅವರ ಹೆಸರನ್ನ ಯಾರೂ ಹೇಳಿರಲಿಲ್ಲ. ಆದರೆ ಈ ವಾರ ಮನೆಯ ಕ್ಯಾಪ್ಟನ್ ಆಗಿರುವ ದೀಪಿಕಾ ದಾಸ್ ತಮ್ಮ ವಿಶೇಷ ಅಧಿಕಾರದಿಂದ ಸಾನ್ಯಾ ಅವರನ್ನು ನೇರವಾಗಿ ನಾಮಿನೇಟ್ ಮಾಡಿದರು. ಸಾನ್ಯಾ ಚೆನ್ನಾಗಿಯೇ ಆಟವನ್ನು ಆಡುತ್ತಿದ್ದಾರೆ. ಆದರೆ ಮತ್ತಷ್ಟು ಚೆನ್ನಾಗಿ ಆಡಬೇಕಿದೆ. ಅವರಲ್ಲಿರೋ ಆ ಪ್ರತಿಭೆ ಇನ್ನೂ ಹೊರಬರಬೇಕು ಎಂದು ಕಾರಣ ನೀಡುತ್ತ ದೀಪಿಕಾ ಸಾನ್ಯಾ ಅವರನ್ನು ನಾಮಿನೇಟ್ ಮಾಡಿದರು.
ಒಟ್ಟಾರೆ ಈ ವಾರ ಬಿಗ್ ಬಾಸ್ ಮನೆಯಲ್ಲಿ ಆರ್ಯವರ್ಧನ್, ಕಾವ್ಯಶ್ರೀ, ಮಯೂರಿ, ನೇಹಾ ಗೌಡ, ಪ್ರಶಾಂತ್‌ ಸಂಬರ್ಗಿ, ದಿವ್ಯಾ, ರೂಪೇಶ್ ಶೆಟ್ಟಿ, ಸಾನ್ಯಾ ಐಯ್ಯರ್ ನಾಮಿನೇಟ್ ಆಗಿದ್ದಾರೆ.
ಇದನ್ನೂ ಓದಿ : Bigg Boss : ಆ ಬಿಗ್‌ಬಾಸ್‌ ಸ್ಪರ್ಧಿ ನನ್ನ ಖಾಸಗಿ ಭಾಗದ ಸೈಜ್‌ ಕೇಳಿದ..!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
