Pawan Kalyan OG Movie : ಟಾಲಿವುಡ್‌ ನಟ ಪವನ್ ಕಲ್ಯಾಣ್ ಅವರ ಹುಟ್ಟುಹಬ್ಬದ ಪ್ರಯುಕ್ತ ಬಿಡುಗಡೆಯಾದ 'OG' ಸಿನಿಮಾ ಗ್ಲಿಂಪ್ಸಸ್ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ಹೈಪ್‌ ಕ್ರಿಯೇಟ್‌ ಮಾಡುತ್ತಿದೆ. ಪವರ್‌ ಸ್ಟಾರ್‌ರನ್ನ ಮಾಸ್‌ಲುಕ್‌ನಲ್ಲಿ ನೋಡುವ ಅವರ ಅಭಿಮಾನಗಳ ಆಸೆ ಈಡೇರಿದೆ.
ಹೌದು... ತೆಲುಗು ಸಿನಿರಂಗದ ಖ್ಯಾತ ನಟ, ಜನಸೇನ ಮುಖ್ಯಸ್ಥ ಪವನ್ ಕಲ್ಯಾಣ್ ಅಭಿಮಾನಿಗಳು ಇಷ್ಟು ದಿನ ಅವರನ್ನ ಮಾಸ್‌ ಲುಕ್‌ನಲ್ಲಿ ತೆರೆ ಮೇಲೆ ನೋಡ್ಬೇಕು ಅಂತ ಕಾತುರದಿಂದ ಕಾಯುತ್ತಿದ್ದರು. ಅವರ ಆಸೆಯಂತೆ ಬಹಳ ದಿನಗಳ ಬಳಿಕ ಕೈಯಲ್ಲಿ ಕತ್ತಿ ಹಿಡಿದು ರಕ್ತದೊಕುಳಿ ನಡೆಸಿರುವ ಪವರ್‌ಸ್ಟಾರ್‌ OG ಲುಕ್‌ ಫ್ಯಾನ್ಸ್‌ ಮನ ಗೆದ್ದಿದೆ.
ಇದನ್ನೂ ಓದಿ: ಕಿಚ್ಚನನ್ನು ದೇವರೆಂದು ಪೂಜಿಸುವ ಗ್ರಾಮ, ಪ್ರತಿ ಮನೆಯಲ್ಲೂ ಇದೆ ಸುದೀಪ್‌ ಫೋಟೋ
ಪ್ರಸ್ತುತ, ಪ್ಯಾನ್-ಇಂಡಿಯಾ ಮಟ್ಟದಲ್ಲಿ ಸಿನಿಮಾಗಳು ಹಿಟ್‌ ಆಗುತ್ತಿವೆ. ಇಂತಹ ಸಮಯದಲ್ಲಿ ಪವನ್ ಕಲ್ಯಾಣ್ ಅವರ ನಟನಾ ಶೈಲಿಯನ್ನು ಸಂಪೂರ್ಣವಾಗಿ ಬಳಸಿಕೊಳ್ಳುವ ಮೂಲಕ ಹೀರೋಯಿಸಂ ಎತ್ತಿ ಹಿಡಿಯುವ ಚಿತ್ರಕ್ಕಾಗಿ ಅಭಿಮಾನಿಗಳು ಕಾಯುತ್ತಿದ್ದರು. ಸಧ್ಯ ಇದನ್ನು ಅರ್ಥ ಮಾಡಿಕೊಂಡ ನಿರ್ದೇಶಕ ಸುಜೀತ್ 'ಓಜಿ' ಮೂಲಕ ಅವರ ಆಸೆ ಈಡೇರಿಸಿದ್ದಾರೆ.
ಓಜಿ ಚಿತ್ರದ ಟೀಸರ್ ರಿಲೀಸ್‌ ಆಗಿದ್ದು, ಪವನ್ ಕಲ್ಯಾಣ್ ಎಂಟ್ರಿಗೂ ಮುನ್ನ ಬರುವ ಎಲಿವೇಶನ್, ಡೈಲಾಗ್‌ಗಳು ರೋಚಕವಾಗಿವೆ. 'ಹತ್ತು ವರ್ಷಗಳ ಹಿಂದೆ ಬಾಂಬೆಗೆ ಅಪ್ಪಳಿಸಿದ ಚಂಡಮಾರುತ ನೆನಪಿದೆಯೇ? ಅದು ಮಣ್ಣು ಮರಗಳೊಂದಿಗೆ ಅರ್ಧ ಹಳ್ಳಿಯನ್ನು ನಾಶಪಡಿಸಿತು. ಆದರೆ, ಅವನು ಕಡಿದು ಹಾಕಿದ ಜನರ ರಕ್ತದ ಕಲೆಯನ್ನು ತೊಳೆಯಲಾಗಲಿಲ್ಲ. ಅಷ್ಟು ಭಯಾನಕ ರಕ್ತಪಾತವಾಗಿತ್ತು! ಅವನು ಮತ್ತೆ ಬರುತ್ತಾನೆ ಎಂದರೆ... ದೆವ್ವಕ್ಕೂ ಭಯ’ ಎಂಬ ಡೈಲಾಗ್‌ ಹೀರೋಯಿಸಂ ಅನ್ನು ಉತ್ತುಂಗಕ್ಕೇರಿಸುವಂತಿದೆ.
ಇದನ್ನೂ ಓದಿ: ಜವಾನ್‌ ಚಿತ್ರದ ಟಿಕೆಟ್‌ ಪ್ರೈಸ್‌ ಕೇಳಿ ನೆಟ್ಟಿಗರು ಶಾಕ್‌...! ಸಿನಿಮಾ ನೋಡಬೇಕೋ ಬೇಡವೋ ತಿಳಿಸಿ ಎಂದ ಫ್ಯಾನ್ಸ್‌
ಇನ್ನು 'ಓಜಿ' ಚಿತ್ರದ ಟೀಸರ್ ಬಿಡುಗಡೆಯಾದ ನಂತರ ನಿರೀಕ್ಷೆಗಳು ಗಗನಕ್ಕೇರಿದೆ. ಅಭಿಮಾನಿಗಳ ಸಂತೋಷಕ್ಕೆ ಪಾರವೇ ಇಲ್ಲದಂತಾಗಿದೆ. ಒಟ್ಟಿನಲ್ಲಿ ಟೀಸರ್ ಸಖತ್ತಾಗಿದ್ದು, ಸಿನಿಮಾದಲ್ಲಿ ಡೈರೆಕ್ಟರ್‌ ಸುಜೀತ್ ಏನ್‌ ಮಾಡೀದ್ದಾರೆ ಅಂತ ಕಾಯ್ದು ನೋಡಬೇಕಿದೆ.
ಓಜಿ ಸಿನಿಮಾವನ್ನು ಡಿವಿವಿ ದಾನಯ್ಯ ನಿರ್ಮಿಸಿದ್ದು, ಪ್ರಿಯಾಂಕಾ ಅರುಳ್ ಮೋಹನ್ ನಾಯಕಿಯಾಗಿ ನಟಿಸಿದ್ದಾರೆ. ಇಮ್ರಾನ್ ಹಶ್ಮಿ ಸೇರಿದಂತೆ, ಶ್ರೀಯಾ ರೆಡ್ಡಿ, ಪ್ರಕಾಶ್ ರಾಜ್ ಮತ್ತು ಹರೀಶ್ ಉತ್ತಮನ್ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/watch?v=uzXzteRDY-k
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
