Pushpa 2 : ಡಿಸೆಂಬರ್ 2021 ರಲ್ಲಿ, ಅಲ್ಲು ಅರ್ಜುನ್ ಅಭಿನಯದ ಪುಷ್ಪ ದೇಶಾದ್ಯಂತ ಬಿಡುಗಡೆಯಾದಾಗ, ಅದು ಇಷ್ಟು ದೊಡ್ಡ ಹಿಟ್ ಆಗಲಿದೆ ಎಂದು ಯಾರಿಗೂ ತಿಳಿದಿರಲಿಲ್ಲ. ಮೂಲ ತೆಲುಗಿನಲ್ಲಿ ತಯಾರಾದ ಚಿತ್ರವು ದಕ್ಷಿಣದಲ್ಲಿ ಮಾತ್ರವಲ್ಲದೆ ಹಿಂದಿ ಪ್ರೇಕ್ಷಕರನ್ನು ಚಿತ್ರಮಂದಿರಗಳಿಗೆ ಎಳೆಯುವಲ್ಲಿ ಯಶಸ್ವಿಯಾಗಿದೆ. ಚಿತ್ರಪ್ರೇಮಿಗಳು ಸಾಕಷ್ಟು ಪ್ರೀತಿಯನ್ನು ನೀಡಿದರು ಮತ್ತು ಇದು ಹಿಂದಿಯಲ್ಲಿ 100 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆ. ಈ ದೊಡ್ಡ ಯಶಸ್ಸಿನ ನಂತರ, ನಿರ್ಮಾಪಕರು ಚಿತ್ರದ 2 ನೇ ಭಾಗವನ್ನು ಹೊರತರಲು ಯೋಜಿಸಿದ್ದಾರೆ. ಆದರೆ ಇದೀಗ ಅಭಿಮಾನಿಗಳಿಗೆ ನಿರಾಶಾದಾಯಕ ಸುದ್ದಿಯೊಂದು ಬಂದಿದೆ. ಬಹುನಿರೀಕ್ಷಿತ ಪುಷ್ಪ 2 ಸಿನಿಮಾ ಬಿಡುಗಡೆಗೆ ತುಂಬಾ ದಿನ ಕಾಯಬೇಕಿದೆ. ಇತ್ತೀಚಿನ ಚರ್ಚೆಗಳನ್ನು ನಂಬಬೇಕಾದರೆ ಅಭಿಮಾನಿಗಳು ನಿರೀಕ್ಷೆಗಿಂತ ಹೆಚ್ಚು ಸಮಯ ಕಾಯಬೇಕಾಗಬಹುದು. ಚಿತ್ರದ ಶೂಟಿಂಗ್ ಸ್ಥಗಿತಗೊಂಡಿದೆ ಎಂದು ವರದಿಯಾಗಿದೆ.
ಇದನ್ನೂ ಓದಿ: ಪ್ರಜ್ವಲ್ ದೇವರಾಜ್ ನಾಯಕರಾಗಿ ನಟಿಸಿರುವ'ಮಾಫಿಯಾ'ಚಿತ್ರೀಕರಣ ಮುಕ್ತಾಯ
ದಕ್ಷಿಣದಿಂದ ಬರುತ್ತಿರುವ ವರದಿಗಳ ಪ್ರಕಾರ, ಚಿತ್ರದ ಒಂದು ಭಾಗವನ್ನು ವಿಶಾಖಪಟ್ಟಣದಲ್ಲಿ ಚಿತ್ರೀಕರಿಸಲಾಗಿದೆ ಮತ್ತು ವೇಳಾಪಟ್ಟಿ ಮುಗಿದ ನಂತರ ಇನ್ನೂ ಶೂಟಿಂಗ್ ಪುನರಾರಂಭಿಸಲಾಗಿಲ್ಲ. ನಿರ್ದೇಶಕ ಸುಕುಮಾರ್ ಸದ್ಯ ಆ ಶಾಟ್ ಭಾಗದಿಂದ ಪುಷ್ಪ 2 ಚಿತ್ರದ ಟೀಸರ್ ಮೇಲೆ ಕೆಲಸ ಮಾಡುತ್ತಿದ್ದು, ಏಪ್ರಿಲ್ ನಲ್ಲಿ ಅಲ್ಲು ಅರ್ಜುನ್ ಹುಟ್ಟುಹಬ್ಬದಂದು ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ. ಇಲ್ಲಿಯವರೆಗೆ ಚಿತ್ರೀಕರಣಗೊಂಡಿರುವ ವಿಷಯದ ಬಗ್ಗೆ ಸುಕುಮಾರ್ ಅತೃಪ್ತರಾಗಿದ್ದಾರೆ ಎಂದು ಕೆಲವು ಮಾಧ್ಯಮ ವರದಿಗಳು ಮೂಲಗಳನ್ನು ಉಲ್ಲೇಖಿಸಿವೆ. ನಿರ್ದೇಶಕರು ಇಲ್ಲಿಯವರೆಗೆ ಚಿತ್ರೀಕರಣ ಮಾಡಿದ್ದನ್ನು ಹೊಸದಾಗಿ ಚಿತ್ರೀಕರಿಸಬೇಕೆಂದು ಬಯಸುತ್ತಿದ್ದಾರೆ ಎನ್ನಲಾಗಿದೆ.
ಪುಷ್ಪಾ ಬ್ರಾಂಡ್ ಕ್ರಿಯೇಟ್‌ ಮಾಡಿದ ನಂತರ ನಿರ್ಮಾಪಕ-ನಿರ್ದೇಶಕರು ಯಾವುದೇ ರಿಸ್ಕ್ ತೆಗೆದುಕೊಳ್ಳಲು ಬಯಸುವುದಿಲ್ಲ ಎಂದು ಮೂಲಗಳು ಹೇಳುತ್ತವೆ. ದೃಶ್ಯಗಳನ್ನು ಮರುನಿರ್ಮಾಣ ಮಾಡಲಾಗುತ್ತಿದೆ. ಏತನ್ಮಧ್ಯೆ, ಹಿಂದಿಯಲ್ಲಿ ಚಿತ್ರದ ಜನಪ್ರಿಯತೆಯನ್ನು ಪರಿಗಣಿಸಿ, ಪುಷ್ಪಾ 2 ಗೆ ಬಾಲಿವುಡ್ ತಾರೆಯೊಬ್ಬರನ್ನು ಆಯ್ಕೆ ಮಾಡಿಕೊಳ್ಳಬಹುದು ಎಂಬ ವರದಿಗಳೂ ಇವೆ. ಚಿತ್ರದ ಶೂಟಿಂಗ್‌ನಲ್ಲಿ ಸುಮಾರು ಮೂರು ತಿಂಗಳ ಗ್ಯಾಪ್ ಇರಬಹುದೆಂದು ಹೇಳಲಾಗುತ್ತಿದೆ. ಹೀಗಿರುವಾಗ ನಿರ್ಮಾಪಕ-ನಿರ್ದೇಶಕರು ಚಿತ್ರದ ಪ್ರಮುಖ ತಾರೆಯರಿಗೆ ಬೇಕಿದ್ದರೆ ಬೇರೆ ಚಿತ್ರಗಳನ್ನು ತೆಗೆಯಬಹುದು ಎಂದು ಹೇಳಿದ್ದಾರೆ. ಪುಷ್ಪಾ ನಾಯಕಿ ರಶ್ಮಿಕಾ ಮಂದಣ್ಣ ಅವರು ಇತ್ತೀಚೆಗೆ ಸಹಿ ಮಾಡಿದ ಎರಡು ಚಿತ್ರಗಳತ್ತ ಗಮನ ಹರಿಸಿದ್ದಾರೆ ಎಂದು ವರದಿಯಾಗಿದೆ. 2023 ರಲ್ಲಿ ಪುಷ್ಪ 2 ಬಿಡುಗಡೆಯಾಗುವುದಿಲ್ಲ ಎಂದು ಮೂಲಗಳು ಹೇಳುತ್ತಿವೆ. ಇದು 2024 ರಲ್ಲಿ ಬೆಳ್ಳಿ ತೆರೆಗೆ ಬರಲಿದೆ ಎನ್ನಲಾಗ್ತಿದೆ.
ಇದನ್ನೂ ಓದಿ: ಭಾವಿ ಅಳಿಯನ ಜೊತೆ ಅಮಿರ್‌ ಖಾನ್‌.. ಇರಾ ಖಾನ್‌ ಮನಗೆದ್ದ ವರ ಇವರೇ
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
