ನವದೆಹಲಿ: ಬಾಲಿವುಡ್ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ಔದಾರ್ಯಕ್ಕೆ ಹೆಸರುವಾಸಿಯಾಗಿದ್ದು, ಈಗ ವೈರಲ್ ಸಿಂಗರ್ ರಾನು ಮೊಂಡಲ್ಗೆ 55 ಲಕ್ಷ ರೂ.ಗಳ ಮೌಲ್ಯದ ಮನೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ ಎನ್ನುವ ಸುದ್ದಿ ಈಗ ಹರಿದಾಡುತ್ತಿದೆ.
ಹೌದು, ನಾವು ಮಾತನಾಡುತ್ತಿರುವುದು ರಾಣೂ ಮೊಂಡಲ್ ಅವರ ಬಗ್ಗೆ, ಇತ್ತೀಚಿಗೆ ಅವರು ಪಶ್ಚಿಮ ಬಂಗಾಳದ ರಣಘಾಟ್ ನಿಲ್ದಾಣದಲ್ಲಿ ಲತಾ ಮಂಗೇಶ್ಕರ್ ಅವರ ಅಪ್ರತಿಮ ಗೀತೆ ಏಕ್ ಪ್ಯಾರ್ ಕಾ ನಾಗಮ ಹೈ ಹಾಡುವ ವಿಡಿಯೋ ನೆಟ್‌ನಲ್ಲಿ ವೈರಲ್ ಆಗಿತ್ತು, ಅವರ ಪ್ರತಿಭೆಯನ್ನು ಗಮನಿಸಿದ ಗಾಯಕ ಮತ್ತು ನಟ ಹಿಮೇಶ್ ರೇಶಮ್ಮಿಯಾ ಅವರು ತಮ್ಮ ಮುಂಬರುವ ಚಿತ್ರ ಹ್ಯಾಪಿ ಹಾರ್ಡಿ ಮತ್ತು ಹೀರ್ ಗಾಗಿ ತಮ್ಮ ಆರಂಭಿಕ ಹಾಡನ್ನು ರೆಕಾರ್ಡ್ ಮಾಡಿದ್ದಾರೆ.
ರಾಣೂ ಮೊಂಡಲ್ ಅಂತಿಮವಾಗಿ ತನ್ನ ಮೊದಲ ಬಾಲಿವುಡ್ ಚಲನಚಿತ್ರ ಗೀತೆ ‘ತೇರಿ ಮೇರಿ ಕಹಾನಿಯನ್ನು ಧ್ವನಿಮುದ್ರಣ ಮಾಡಿದೆ, ಇದು ಈಗ ಅಂತರ್ಜಾಲದಲ್ಲಿ ಬಿರುಗಾಳಿಯನ್ನೇ ಸೃಷ್ಟಿಸಿದೆ. ವಿಶೇಷವೆಂದರೆ ಸೋಷಿಯಲ್ ಮೀಡಿಯಾ ವರದಿಗಳಲ್ಲಿ ಸಲ್ಮಾನ್ ಖಾನ್ ಅವರಿಗೆ 55 ಲಕ್ಷ ರೂ ಮೌಲ್ಯದ ದುಬಾರಿ ಮನೆ ಮತ್ತು ಮುಂಬರುವ ದಬಾಂಗ್ ಚಿತ್ರಕ್ಕೆ ಹಾಡುವ ಅವಕಾಶವನ್ನು ನೀಡಿದ್ದಾರೆ ಎನ್ನಲಾಗಿದೆ. ಆದರೆ ಇದು ಇನ್ನು ಅಧಿಕೃತವಾಗಿ ಘೋಷಣೆ ಮಾಡಿಲ್ಲ ಎನ್ನಲಾಗಿದೆ.
ರಾಣು ಮೊದಲ ಬಾರಿಗೆ ಕೋಲ್ಕತ್ತಾದ ರೈಲ್ವೆ ನಿಲ್ದಾಣದಲ್ಲಿ ಹಾಡುತ್ತಿದ್ದಳು, ಅಲ್ಲಿ ಅವಳು ಲತಾ ಮಂಗೇಶ್ಕರ್ ಅವರ ಪ್ರಸಿದ್ಧ ಗೀತೆ ‘ಪ್ಯಾರ್ ಕಾ ನಾಗ್ಮಾ’ ಹಾಡನ್ನು ಸೆರೆಹಿಡಿದಳು. ಈ ವಿಡಿಯೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ ಮಾಡಿದ ಕೂಡಲೇ ವೀಡಿಯೊ ವೈರಲ್ ಆಗಿದೆ. ಇದರ ನಂತರ ರಾಣು ರಿಯಾಲಿಟಿ ಶೋ, ಸೂಪರ್‌ಸ್ಟಾರ್ ಸಿಂಗರ್‌ನ ಸೆಟ್‌ಗಳಿಗೆ ಆಹ್ವಾನಿಸಲ್ಪಟ್ಟರು, ಇದರಲ್ಲಿ ಅವರು ಹಿಮೇಶ್ ರೇಷಮ್ಮಿಯಾ ಅವರನ್ನು ಭೇಟಿಯಾದರು. ಈ ವೇಳೆ ಅವರಿಗೆ ಹಿಮೇಶ್ ರೇಶಮಿಯಾ ಮುಂಬರುವ ಚಿತ್ರವೊಂದಕ್ಕೆ ಹಾಡುವ ಅವಕಾಶ ಕಲ್ಪಿಸಿದ್ದಾರೆ.
