Sanchari Vijay: ರಾಷ್ಟ್ರಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್ (Sanchari Vijay) ಅಭಿನಯದ ಕೊನೆಯ ಸಿನಿಮಾ ತಲೆದಂಡ ಇಂದು ಬಿಡುಗಡೆಯಾಗಿದೆ. ಅದ್ಭುತ ನಟನೆಯನ್ನು ಕರಗತ ಮಾಡಿಕೊಂಡಿದ್ದ ಕನ್ನಡದ ಪ್ರತಿಭೆ ನಟ ಸಂಚಾರಿ ವಿಜಯ್. ಒಂದೊಳ್ಳೆ ಕಂಟೆಂಟ್ ನೊಂದಿಗೆ ಸಿನಿಮಾಗಳನ್ನು ನೀಡುತ್ತಿದ್ದ ಸ್ಯಾಂಡಲ್ವುಡ್ ನಟ. ಅವರ ಅಗಲಿಕೆ ಕನ್ನಡ ಚಿತ್ರರಂಗದ ಪಾಲಿಗೆ ಬಹುದೊಡ್ಡ ನಷ್ಟ ಎಂದರೆ ತಪ್ಪಾಗಲಾರದು.
ನಾನು ಅವನಲ್ಲ ಅವಳು ಹರಿವು ಸೇರಿದಂತೆ ಮುಂತಾದ ಸಿನಿಮಾಗಳಲ್ಲಿ ಸಂಚಾರಿ ವಿಜಯ್ (Sanchari Vijay) ಅಭಿನಯ ಕಂಡು ಬೆರಗಾಗದವರಿಲ್ಲ. ಅವರ ನಟನೆಯನ್ನು ಎಲ್ಲರೂ ಸಹ ಮೆಚ್ಚಿಕೊಂಡಿದ್ದರು. ಇನ್ನೂ ಅನೇಕ ಚಿತ್ರಗಳಲ್ಲಿ ವಿಜಯ್ ಮೋಡಿ ಮಾಡಬೇಕಿತ್ತು. ಆದರೆ ದುರದೃಷ್ಟಕರ ರೀತಿಯಲ್ಲಿ ವಿಜಯ್ ನಮ್ಮನ್ನಗಲಿದರು. ಇಂದು ಅವರ ನಟನೆಯ ಕೊನೆಯ ಸಿನಿಮಾ ತಲೆದಂಡ ತೆರೆಕಂಡಿದೆ.
ಪರಿಸರದ ಮಹತ್ವ ಮರಗಳನ್ನು ರಕ್ಷಿಸಿ ಕಾಡುಗಳನ್ನು ಬೆಳೆಸಿ ಎಂಬ ಸಂದೇಶ ಸಾರುವ ತಲೆದಂಡ (Taledanda) ಸಿನಿಮಾದಲ್ಲಿ ಓರ್ವ ಮುಗ್ಧ ಬುದ್ಧಿಮಾಂದ್ಯ ನ ಪಾತ್ರದಲ್ಲಿ ವಿಜಯ್ ಅದ್ಭುತವಾಗಿ ನಟಿಸಿದ್ದಾರೆ.
ಇದನ್ನೂ ಓದಿ- ಥ್ರಿಲ್ಲರ್ ಎಕ್ಸ್ ಪೆರಿಮೆಂಟಲ್ ‘ರಾಘು’ಫಸ್ಟ್ ಲುಕ್ ರಿಲೀಸ್..!
ಇಡೀ ಸಿನಿಮಾದಲ್ಲಿ ಸಂಚಾರಿ ವಿಜಯ್ ಎಷ್ಟು ಅದ್ಭುತವಾಗಿ ನಟಿಸಿದ್ದಾರೆ ಎಂದರೆ ಮತ್ತೊಂದು ರಾಷ್ಟ್ರಪ್ರಶಸ್ತಿ ಬಂದರೂ ಬರಬಹುದು ಎಂದು ಸಿನಿಮಾ ನೋಡಿದವರು ಮಾತನಾಡುತ್ತಿದ್ದಾರೆ. ನಟನೆಯಲ್ಲಿ ಮುಗ್ಧತೆ ಪರಕಾಯಪ್ರವೇಶ ನೋಡುಗರ ಮನ ಸೆಳೆಯುತ್ತಿದೆ.
ಪ್ರವೀಣ್ ಕೃಪಾಕರ್ ಅವರ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಚಿತ್ರಕ್ಕೆ ಹರಿಕಾವ್ಯ ಸಂಗೀತ ನಿರ್ದೇಶನ ಮಾಡಿದ್ದಾರೆ ಹಾಗೂ ಸಂಕಲನವನ್ನು ಬಿ.ಎಸ್. ಕೆಂಪರಾಜ್ ಮಾಡಿದ್ದು, ಛಾಯಾಗ್ರಹಣವನ್ನು ಅಶೋಕ್ ಕಶ್ಯಪ್ ನಿಭಾಯಿಸಿದ್ದಾರೆ.
ನಾಯಕಿ ಸಾಕಿ ಪಾತ್ರದಲ್ಲಿ ಚೈತ್ರಾ ಆಚಾರ್ ನಟಿಸಿದ್ದು, ವಿಜಯ್ ತಾಯಿ ಪಾತ್ರದಲ್ಲಿ ಮಂಗಳಾ, ತಂದೆಯ ಪಾತ್ರದಲ್ಲಿ ರಮೇಶ್ ಪಂಡಿತ್, ಎಂ.ಎಲ್.ಎ ಆಗಿ ಮಂಡ್ಯ ರಮೇಶ್, ವಿಶೇಷ ಪಾತ್ರದಲ್ಲಿ ಬಿ. ಸುರೇಶ ಕೂಡ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ- ದಿವ್ಯಾ ಉರುಡುಗ - ಅರವಿಂದ್ ಎಂಗೇಜ್ಮೆಂಟ್ ಯಾವಾಗ ಗೊತ್ತಾ?
ಒಟ್ಟಾರೆ ಸಿನಿಮಾ ಒಂದೊಳ್ಳೆ ಕಂಟೆಂಟ್ ನೊಂದಿಗೆ ಸಮಾಜಕ್ಕೆ ಉತ್ತಮ ಸಂದೇಶ ನೀಡುತ್ತದೆ. ಸಿನಿಮಾದಲ್ಲಿನ ವಿಜಯ್ ನಟನೆಯಂತೂ ವರ್ಣಿಸಲು ಅಸಾಧ್ಯ ಎಂಬಂತಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
