Diabetes: ಇನ್ಸುಲಿನ್ ನ ಪಾವರ್ ಹೌಸ್ ಆಗಿವೆ ಈ ತರಕಾರಿ ಹಾಗೂ ಮಸಾಲೆಗಳು

Control Diabetes Naturally: ನಿಮ್ಮ ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಯಾವಾಗಲೂ ಅಧಿಕವಾಗಿದ್ದರೆ, ನಿಮ್ಮ ಆಹಾರದಲ್ಲಿ ನೀವು ಕೆಲವು ವಿಶೇಷ ತರಕಾರಿಗಳು ಮತ್ತು ಮಸಾಲೆಗಳನ್ನು ಸೇರಿಸಿಕೊಳ್ಳಬೇಕು. ದೇಹದಲ್ಲಿ ಇನ್ಸುಲಿನ್ ಉತ್ಪಾದಿಸಲು ನೈಸರ್ಗಿಕವಾಗಿ ಕೆಲಸ ಮಾಡುವ 3 ಹಸಿರು ತರಕಾರಿಗಳು ಮತ್ತು 3 ಮಸಾಲೆ ಪದಾರ್ಥಗಳ ಬಗ್ಗೆ ಇಂದು ನಾವು ನಿಮಗೆ ಮಾಹಿತಿಯನ್ನು ನೀಡುತ್ತಿದ್ದೇವೆ.

Vegetables That Boost Insulin

Vegetables That Boost Insulin Secretion: ಮಧುಮೇಹದಲ್ಲಿ ಕಡಿಮೆ ಗ್ಲೈಸೆಮಿಕ್ ಇಂಡೆಕ್ಸ್ ಮತ್ತು ಹೆಚ್ಚಿನ ಗಡುಸತ್ವವನ್ನು ಹೊಂದಿರುವ ಆಹಾರವನ್ನು ಸೇವಿಸಬೇಕು. ರಕ್ತದಲ್ಲಿ ಅಧಿಕ ಸಕ್ಕರೆ ಇದ್ದಾಗ ಪ್ರೋಟೀನ್ ಅಧಿಕವಾಗಿರುವ ಆಹಾರವನ್ನು ಸೇವಿಸುವುದು ತುಂಬಾ ಮುಖ್ಯ. ಆಹಾರಗಳು ಅಮೈನೋ ಆಮ್ಲಗಳು ಮತ್ತು ಪ್ರೋಟೀನ್‌ಗಳಿಂದ ತುಂಬಿರುವಾಗ, ಅವು ಹೆಚ್ಚು ಇನ್ಸುಲಿನ್ ಉತ್ಪಾದಿಸಲು ಮತ್ತು ರಕ್ತದಲ್ಲಿನ ಇನ್ಸುಲಿನ್ ಸಕ್ಕರೆಯನ್ನು ಸಮತೋಲನಗೊಳಿಸಲು ಮೇದೋಜ್ಜೀರಕ ಗ್ರಂಥಿಯ ಕೋಶಗಳನ್ನು ಉತ್ತೇಜಿಸುತ್ತದೆ.

ನಮ್ಮ ದೇಹದಲ್ ಮೇದೋಜ್ಜೀರಕ ಗ್ರಂಥಿಯು ಇನ್ಸುಲಿನ್ ಅನ್ನು ರಕ್ತಕ್ಕೆ ಬಿಡುಗಡೆ ಮಾಡುವ ಕೆಲಸವನ್ನು ಮಾಡುತ್ತದೆ. ಪ್ರತಿ ಊಟದ ನಂತರ, ರಕ್ತದಲ್ಲಿನ ಸಕ್ಕರೆಯ ಪ್ರಮಾಣವು ಹೆಚ್ಚಾದಾಗ, ಮೇದೋಜ್ಜೀರಕ ಗ್ರಂಥಿಯು ಸ್ವತಃ ಇನ್ಸುಲಿನ್ ಅನ್ನು ಬಿಡುಗಡೆ ಮಾಡುತ್ತದೆ ಮತ್ತು ಸಕ್ಕರೆಯ ಪ್ರಮಾಣವನ್ನು ನಿಯಂತ್ರಿಸುತ್ತದೆ. ಇನ್ಸುಲಿನ್ ಸಕ್ರಿಯವಾಗದಿದ್ದಾಗ ಅಥವಾ ಕಡಿಮೆ ಬಿಡುಗಡೆಯಾದಾಗ, ಮಧುಮೇಹದ ಸಮಸ್ಯೆ ಪ್ರಾರಂಭವಾಗುತ್ತದೆ.

ಹೇಗಾಗಿ ಇಂದು ನಾವು ಮಧುಮೇಹ ರೋಗಿಗಳಿಗೆ ವರದಾನ ಸಾಬೀತಾಗುವ ಕೆಲವು ನೈಸರ್ಗಿಕ ಇನ್ಸುಲಿನ್ ತಯಾರಿಸುವ ಆಹಾರಗಳ ಬಗ್ಗೆ ಮಾಹಿತಿಯನ್ನು ನೀಡುತ್ತಿದ್ದೇವೆ. ನೈಸರ್ಗಿಕ ಇನ್ಸುಲಿನ್ ಮಟ್ಟವನ್ನು ಹೆಚ್ಚಿಸಲು ಸಸ್ಯ ಆಧಾರಿತ ಪ್ರೋಟೀನ್ಗಳು ಪ್ರಯೋಜನಕಾರಿ ಎಂದು ಸಂಶೋಧನೆ ಹೇಳುತ್ತದೆ. ಸಸ್ಯಧಾರಿತ ಪ್ರೋಟೀನ್ ಗಳು ಬೀನ್ಸ್, ಮಸೂರ, ಬಟಾಣಿ, ಬೀಜಗಳು ಮತ್ತು ಟೋಫು ಪನೀರ್ ಸೇರಿದಂತೆ ಹಲವು ಮೂಲಗಳಿಂದ ಬರುತ್ತವೆ.

ನೈಸರ್ಗಿಕ ಇನ್ಸುಲಿನ್ ತಯಾರಿಸುವ ಆಹಾರಗಳು
ಎಲೆಕೋಸು - ಎಲೆಕೋಸು ಫೈಬರ್ ನಿಂದ ಸಮೃದ್ಧವಾಗಿದೆ ಮತ್ತು ಕಡಿಮೆ ಕ್ಯಾಲೋರಿಗಳನ್ನು ಹೊಂದಿದೆ. ಇದರ ಗ್ಲೈಸೆಮಿಕ್ ಸೂಚ್ಯಂಕವು ತುಂಬಾ ಕಡಿಮೆಯಾಗಿದೆ ಮತ್ತು ಇದು ರಕ್ತದಲ್ಲಿನ ಅಧಿಕ ಸಕ್ಕರೆಯನ್ನು ತ್ವರಿತವಾಗಿ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದಲ್ಲದೆ, ಎಲೆಕೋಸು ಆಂಟಿಆಕ್ಸಿಡೆಂಟ್ ಮತ್ತು ಆಂಟಿ-ಹೈಪರ್ಗ್ಲೈಸೆಮಿಕ್ ಅಂಶಗಳನ್ನು ಸಹ ಹೊಂದಿದೆ, ಇದು ಮಧುಮೇಹ ರೋಗಿಗಳಿಗೆ ಔಷಧವಾಗಿ ಕೆಲಸ ಮಾಡುತ್ತದೆ. 2008 ರಲ್ಲಿ, ಇಲಿಗಳ ಮೇಲೆ ಸಂಶೋಧನೆ ನಡೆಸಲಾಯಿತು ಮತ್ತು 60 ದಿನಗಳವರೆಗೆ ಎಲೆಕೋಸು ತಿನ್ನಿಸಿದ ಇಲಿಗಳ ರಕ್ತದಲ್ಲಿನ ಸಕ್ಕರೆಯ ಮಟ್ಟವು ತೀವ್ರಗತಿಯಲ್ಲಿ ಕಡಿಮೆಯಾಗಿರುವುದು ಕಂಡುಬಂದಿದೆ. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಣದ ಜೊತೆಗೆ ಇದು ಮೂತ್ರಪಿಂಡಗಳಿಗೂ ಸಹ ಪ್ರಯೋಜನವನ್ನು ನೀಡುತ್ತದೆ.

ಬೆಂಡೆಕಾಯಿ- ಲೇಡಿ ಫಿಂಗರ್ ಅನ್ನು ಫೈಬರ್‌ನ ಶಕ್ತಿ ಕೇಂದ್ರ ಎಂದು ಕರೆಯಲಾಗುತ್ತದೆ. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುವಲ್ಲಿ ಇದು ತುಂಬಾ ಪರಿಣಾಮಕಾರಿಯಾಗಿದೆ. ಇದು ಇನ್ಸುಲಿನ್ ಅನ್ನು ಸಕ್ರಿಯಗೊಳಿಸುವುದಲ್ಲದೆ, ಅದರ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ. ಇಷ್ಟೇ ಅಲ್ಲ, ಬೆಂಡೆಕಾಯಿ ಬೀಜಗಳಲ್ಲಿ ಇರುವ ಆಲ್ಫಾ-ಗ್ಲುಕೋಸಿಡೇಸ್ ಪ್ರತಿರೋಧಕಗಳು ಪಿಷ್ಟವನ್ನು ಗ್ಲೂಕೋಸ್ ಆಗಿ ಪರಿವರ್ತಿಸುವುದನ್ನು ತಡೆಯುತ್ತದೆ. ನೀವು ಬಯಸಿದರೆ, ಬೆಂಡೆಕಾಯಿಯನ್ನು ಕತ್ತರಿಸಿ ರಾತ್ರಿ ನೀರಿನಲ್ಲಿ ನೆನೆಸಿ ಮತ್ತು ಬಳಗ್ಗೆ ಎದ್ದ ತಕ್ಷಣ ಅದರ ನೀರನ್ನು ಕುಡಿಯಿರಿ.

ಹಾಗಲಕಾಯಿ- ಹಾಗಲಕಾಯಿ ರಕ್ತದ ಸಕ್ಕರೆ ಮಟ್ಟವನ್ನು ನಿಯಂತ್ರಿವಲ್ಲಿ ಔಷಧವಾಗಿ ಕೆಲಸ ಮಾಡುತ್ತದೆ. ಇದು ಮೇದೋಜ್ಜೀರಕ ಗ್ರಂಥಿಯನ್ನು ಉತ್ತೇಜಿಸುವ ಕೆಲಸ ಮಾಡುತ್ತದೆ. ಇದು ಮಧುಮೇಹವನ್ನು ನಿಯಂತ್ರಿಸುವಲ್ಲಿ ಪರಿಣಾಮಕಾರಿಯಾದ ಚರಂಟಿನ್, ವಿಸಿನ್ ಮತ್ತು ಪಾಲಿಪೆಪ್ಟೈಡ್-ಪಿ ನಂತಹ ಅಂಶಗಳನ್ನು ಒಳಗೊಂಡಿದೆ. ಹಾಗಲಕಾಯಿಯನ್ನು ಯಾವುದೇ ರೂಪದಲ್ಲಿ ತಿನ್ನಬಹುದು. ಅದರ ರಸವನ್ನು ಕುಡಿಯಿರಿ ಅಥವಾ ತರಕಾರಿ ರೂಪದಲ್ಲಿ ಸೇವಿಸಿ. ಹಾಗಲಕಾಯಿ ರಸದೊಂದಿಗೆ 1 ಚಮಚ ಆಮ್ಲಾ ಜ್ಯೂಸ್ ಬೆರೆಸಿ ಕುಡಿದರೆ ಇನ್ಸುಲಿನ್ ಸ್ರವಿಸುವಿಕೆಯು ಸ್ವಾಭಾವಿಕವಾಗಿ ಹೆಚ್ಚಾಗುತ್ತದೆ.

ಮೆಂತ್ಯ ಬೀಜಗಳು- ಮೆಂತ್ಯ ಟ್ರೈಗೋನೆಲಿನ್ ಅನ್ನು ಹೊಂದಿರುತ್ತದೆ, ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ವೇಗವಾಗಿ ಕಡಿಮೆ ಮಾಡುತ್ತದೆ. ಇದಕ್ಕಾಗಿ ನೀವು ಬೆಳಗ್ಗೆ ಬಿಸಿ ನೀರಿನಲ್ಲಿ ನೆನೆಸಿದ ಮೆಂತ್ಯವನ್ನು ತಿನ್ನಬೇಕು.

ಕರ್ಕ್ಯುಮಿನ್ - ಅರಿಶಿಣ ಸಾರವು ಫಾಸ್ಫೋಡಿಸ್ಟರೇಸ್ ಚಟುವಟಿಕೆಯನ್ನು ಪ್ರತಿಬಂಧಿಸುವ ಮೂಲಕ ಇನ್ಸುಲಿನ್ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ.

ಇದನ್ನೂ ಓದಿ-Flaxseeds : ನೀವು ಫಿಟ್ ಆಗಿರಲು ಅಗಸೆಬೀಜ ಸೇವಿಸುತ್ತೀರಾ? ಇದು ಆರೋಗ್ಯಕ್ಕೆ ಹಾನಿ!

ದಾಲ್ಚಿನ್ನಿ - ಮೇದೋಜ್ಜೀರಕ ಗ್ರಂಥಿಯ ಜೀವಕೋಶಗಳಿಂದ ಇನ್ಸುಲಿನ್ ಅನ್ನು ತೆಗೆದುಹಾಕುವಲ್ಲಿ ದಾಲ್ಚಿನ್ನಿ ಸಹ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. ಯಾವುದೇ ರೂಪದಲ್ಲಿ ಅದನ್ನು ನೀವು ಆಹಾರಕ್ಕೆ ಸೇರಿಸಬಹುದು.

ಇದನ್ನೂ ಓದಿ-Cholesterol Control : ಕೊಬ್ಬು ಕರಗಿಸಲು ಬೆಳಿಗ್ಗೆ ಎದ್ದ ತಕ್ಷಣ ಈ ಪದಾರ್ಥ ಸೇವಿಸಿ

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಅನುಸರಿಸುವ ಮುನ್ನ ವೈದ್ಯಕೀಯ ಸಲಹೆ ಪಡೆದುಕೊಳ್ಳಿ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಪುಷ್ಠಿಕರಿಸುವುದಿಲ್ಲ)

ಇದನ್ನೂ ನೋಡಿ-